Jeremi 22:13 - Gourmanchéma Bible

¹³ Fala n baa fini o bado Yeojakimi yua n yaagi ki kandi mi*teginma ki maa a diegu, Ki yaagi ki kandi yaa bujiaba n tiegi, Ki maa a dietuatuadi. Kelima a teni ke a nisaalilieba tuuni fanma fanma ki kan pa ba bi panpaani.

U TIENU MAAMA TILI 2013

¹³ U Tienu go yedi: «Fala n baa fini o bado Joakimi, Yua n yaagi ki kandi mi teginma Ki maa a diegu, Ki yaagi ki kandi yaa bujiali n tiegi, Ki maa a dietuatuada, Kelima a teni ke a nisaalilieba tuuni Fanma fanma, ki kan pa ba bi panpaani.

Jeremi 22:13 ပူးပေါင်းရင်းမြစ်များ

2 Bi Badiba Jama 36:4

Ejipiti bado Neko den dini Yoahasi waalo Eliakimi ke o tua Juda diema leni Jelusalema bado. O den lebidi o yeli ki yini o Yeojakimi. Neko den taa o kpelo Yoahasi ki gedini o Ejipiti diema nni.

2 Bi Badiba Jama 36:5

Yeojakimi den dini li bali ki pia piilie n bina muu. O den kali ti gbandi po piiga n binyenli Jelusalema nni. O den tieni yaala n bia Li Miali Diedo o Tienu po.

Jobi 31:39

Li yaa tie ke n den dini ki bonluonkaala kaa pani, Ki boandi bi tindanba pala,

Esayi 5:8

Mi yebiadima baa ŋma yinba yaaba n da a diena, Ki nagindi aya po, Ki fenli i kuani ki pugidi iyi po Hali ke fanma ki go ye. Yinba bebe n pia u yekaanu mi diema siiga.

Jeremi 17:11

Nani yaa ñuñuuga n wugini wan kaa ŋa yaa jena, Li tie yene leni yua baa piama ke laa tiegi. O baa tuadi ki baa o panma siiga. O miali yema juodima po mo wan tua yanluodaano.

Jeremi 22:18

Lani n teni ke Li Miali Diedo maadi yaa maama n tie na, Juda bado Yeojakimi, Josiasi bijua po. O kan baa ban ŋanbi o kuuma ki mua ki yedi: ‹Ŋain n kpiiba mi naa yema te? Ŋain mi naa yema te?› O kan baa ban ŋanbi o kuuma ki mua ki yedi: ‹Ŋain n diedo, mi naa yema te?›

Levi 19:13

Ŋan da mabini a yieninlielo. Ŋan da su, ŋan da kubi a tuonsoanlo panpaani a kani ke li yaa faa yo ŋan pa o.

Mise 3:10

Yi maa a diena ki pugidi U Tienu dogu Jelusalema leni mi kukpama Leni li mabinli n kpendinni yipo yaa ligi.

Habakuki 2:12

Fala n baa yi, Yinba yaaba n yen cili i dogi leni mi soawulima, Ki maa yi leni ki mabinga.

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Mi Tiadima 15:13

A yaa cabi o wan ña a kani ki yaa die o yuli, a kan cabi o nikuomi.

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den yendi yi kpaandi yaa moe mo doni ki pundi hali o Diedo U Paaciamu Kuli Daano tuba nni.