Jeremi 21:4 - Gourmanchéma Bible

⁴ Li Miali Diedo Isalele Tienu yedi nanda: ‹N baa pegidi yin kubi yaa jatiadi yi nuu nni ki koani leni Babilona bado leni o niba Kalide yaaba bani yaaba n gaani ki cebini yi diema yeni ki kuani li jatiadi u dogu tugu nni ki koani leni yi.

U TIENU MAAMA TILI 2013

⁴ o Diedo Isidayeli Tienu yedi nanda: ‹N baa pegidi yin kubi yaa jatiadi yi nuu nni, ki koani leni Babilonni bado leni o niba Kalide yaaba, bani yaaba n gaani ki cebini yi diema yeni, ki kuani li jatiadi u dogu tugu nni, ki koani leni yi.

Jeremi 21:4 ပူးပေါင်းရင်းမြစ်များ

Esayi 10:4

Yaala n sieni bebe n tie yin godi ki buani a kpaada siiga Ki go ŋmadi ki baa ki kpe ban ku yaaba siiga. Baa leni lani kuli Li Miali Diedo pabienli daa kuugi bipo O nuu mo baa tiani ki baa waani ba fala.

Esayi 13:4

Ku niligu fuugu ye li juali yuli po nani yaa niba n yaba yeni. Diema boncianla yaa nibuoli n taani ki pia laa fuugu. Li Miali Diedo U Paaciamu Kuli Daano cua ki baa le o toatieba n taani Ki de maama bu toabu po.

Esayi 5:5

Lanwani n baa teni yin bandi moala min baa soani n duven tiidi kuanu yaa tuonli. N baa fobi ku goangoangu ki lu yaa yandi n bua ban kua ki ŋmani, Yaa santagiba mo n baa, ban ŋma.

Jeremi 20:4

Li Miali Diedo yedi nanda: ‹Diidi bi baa ŋa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilona bado n diedi Juda yaaba kuli ki taa bi tianba ki gedini ba Babilona, ki ban kpa bi tianba leni ki jugisiega.

Jeremi 21:3

Jelemi den goa ki yedi ba: «Yin goa ki ban yedi Sedesiasi ke

Jeremi 32:24

Diidi yibalinba gaani ki lindi ki bua ki guli u dogu. Bani Babilona yaaba, yaaba n fii ki sedi u dogu po yeni baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan maadi yaa maama tieni, a nua li mo.

Jeremi 32:3

Juda bado Sedesiasi den teni ke bi luoni o ki yedi: «Be yaa po yo ke a pua sawali ki tua: ‹Li Miali Diedo yedi: Diidi n puni Babilona bado u naa dogu. O baa diedi u moko.

Jeremi 32:5

Babilona bado baa gedini Sedesiasi Babilona po. O baa yaa ye lanpo hali min baa cua ki le o yaa yogunu. Li Miali Diedo n maadi yi. Yi yaa tieni bu toabu leni Babilona yaaba, yi kan paadi ba.› »

Jeremi 33:5

Laa pia yipo todimaba kuli ki ña ke yi baa koani leni Babilona yaaba. Bi baa gbieni yi dogu leni bi tinkpiba bebe Min baa pua ki kpa yaaba n pabiencianli nni. Jelusalema dogu niba biadima po teni ke n buli ba n nunga.

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 39:3

Lanwani Babilona bado koanbala kuli den kua ki ban kali u juogu u dogu siiga nni buliñoabu kani. Bani n tie ne: Nedigali-Saleseli bi toatieba yudaano, Samigali-Nebo, Sali-Sekimi mu moagilimu yudaano leni o koanbala yaaba n sieni.

Jeremi 52:18

Bi go den taa mi fantanpienma tiadi, pelinba, mu jugimu, mu tadiñokaamu, mu tadibuomu leni ban den tuuni U Tienu diegu pada tuonli leni yaa tiadi ke ti tie kumoandi kuli.

Jeremi Bubula 2:3

O pabienli nni o pua ki guli Isalele paalu. O yie ke o kan tieni bipo liba kuli Yibali n cua yaa yogunu. O cuoni Jakobo diema nni mi fantama Yaama n di i kaani kuli.

Jeremi Bubula 2:5

O Diedo goa ki tua nani yibali yene, Ki nali Isalele. O nali o badidiedi kuli, Ki bolini o dopaali. O teni ke Juda badisalo yenbidi ki go ñiindi. I kaliti leni i ñiindi yabidi.

Jeremi Bubula 2:7

Li Miali Diedo ñani o *padibinbinli maama nni Ki fali o *kaangagidiŋamu. O ŋa yibali nuu nni Jelusalema badidiegu bilini. Bi yibalinba laa ki yigini Li Miali Diedo diegu nni Nani u badu daale yeni.

Esekieli 39:3

N baa kua a dabanli a ganu nni, Ki teni a piemi mo n ña a jienu nni ki baa.

Ose Tili 9:12

Baa bi yaa baa ki wubi bitiama, N baa fie bi ciba ke bi daa pundi jaba. Bi baa le fala, min baa foagidi leni ba Ki ŋa ba yaa yogunu.

Sakari 14:2

Li Miali Diedo baa taani i nilanbuoli, Ki teni ban baa Jelusalema. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima ki gedini ti yonbidi. Ama yaa niba n sieni baa yaa ka u dogu nni.

Matie 22:7

O bado pali den beni boncianla ke o soani o toatieba ke bi ku laa nikpaba kuli ki sia bi dogu.