Jeremi 2:7 - Gourmanchéma Bible

⁷ N cuani yi ti tiidi n dua yaa diema nni Ke yin baa ki ŋmani yaa bonluonkaala n mani, Ama yi cua ki teni ke n dogu *joagini Yi teni ke n faali diema kpandi ki tua cagindi bonla.

U TIENU MAAMA TILI 2013

⁷ N cuani yi i tiidi n dua yaa diema nni, Ke yin baa ki ŋmani yaa bonluonkaala n mani, Ama yi cua ki teni ke n diema joagini, Yi teni ke n faali diema Kpandi ki tua cagindi bonla.

Jeremi 2:7 ပူးပေါင်းရင်းမြစ်များ

Nehemi 9:25

Bi den diedi i bilini n lindi ki cebini yaa dogi Leni mu tinŋanmu Leni yaa diedi n gbie leni mi piama Leni ban gbiidi yaa caana Leni i duven tiidi leni *olifie Leni i tilondi boncianla. Bi den dini ki guo, Bi den gbengidi Ki ye mi yemancianma nni Kelima a ŋanbicianli po.

Nehemi 9:26

Ama baa yeni bi den fii ki fiini mi yiema apo. Bi den luni a bali maama, Bi den ku a sawalipuaba yaaba n den tigini ba Ke ban guani a kani. Bi den tudi apo tudicianma.

Esayi 19:25

Li Miali Diedo U Paaciamu Kuli Daano n baa seligi ma ki yedi: «Li seli n yaa ye leni n niba Ejipiti yaaba, Asili yaaba, yaaba n tie n tagima leni Isalele yaaba, min die yaaba.»

Jeremi 16:18

N baa pa ba bi *tuonbiadi panpaani figilima lie Bi tagili leni bi tuonbiadi po. Kelima bi *joagini n diema leni bi tuongunda, Leni bi cancaginbuli yi n kpe yeni.»

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:2

Yaadi ki noanli a juana yula po, Diidi mani, naani a pia naani ke ŋaa cagini a yuli? Bi den teni ke a kaa i sani nni Nani Alabi nibuolu n kaa mi fanpienma nni maama. A joagini mi diema Leni a cancagintuada leni a *conconma.

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 32:23

Bi cua ki diedi ma, ama bi naa cengi a maama, baa cuoni nani a *balimaama n den bili bipo maama. Baa den tieni ŋan den puogi ba ban tieni yaala. Lani n teni ke a cuani bipo o naa fala kuli.

Jeremi 32:30

Kelima Isalele yaaba leni Juda yaaba Nan li tiendi yaala n ki mani npo hali bi panma nni. Isalele yaaba leni bi tuada li biidi n pali bebe. Li Miali Diedo n yedi yeni.

Esekieli 20:24

N den poli kelima baa den tieni n mabilikaama n yedi yaala, ki den fali n bali maama ki go den joagini n fuodima dana, ki den cedi ke bi baanba buli baa dia ba.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi ki den padi bi pada lankani. Bi den bieni n pali leni ban den kpendinni likani yaa paabu leni yaa padijuukaana leni ban den cabini yaa *ñincaba kuli.

Esekieli 20:6

Laa daali n den yugidi n nuu ki poli ke n baa ñani ba Ejipiti diema nni, ki gedini ba min den bili bipo yaa diema nni, mi naaŋanma leni ti siadi n dua yaa diema nni, yaa diema n ŋani ki cie mi diema kuli nni.

Esekieli 23:35

Li tie lani yaa po, ke mini o Diedo, Li Miali Diedo yedi mine: «Nani ŋan sundi npo Ki luni nni a puoli po yeni, A conconma leni a cagindi panpaani kuli baa goa ki jiidi a yuli po.»

Esekieli 36:17

«O ja na, cengi, Isalele yaaba n den ye bi diema nni yaa yogunu, bi tagi leni bi tuona den gundi maama hali ke bi den *joagini ma. Bi tagi den joagini npo nani yaa pua n laa o ŋmaalo yeni.

Ose Tili 9:3

Bi kan yaa ka Li Miali Diedo diema nni, Bani Isalele buolu yaaba baa goa ki gedi Ejipiti. Bi baan yaa di yaa jiema n *joagini Asili diema nni.

Mise 2:10

Fii mani ki yaa caa, Kelima nekanba kan go yaa tie yi fuodikaanu. Kelima yi tuonbiaciandi n baa cuani fala ne. Yen de, yaa fala n bia baa cua ne.

Mi Coadima 13:27

Ban den togidi Musa yaala den tie line: «Ti gedi ŋan den soani ti yaa diema po. I moamoani, mi tie mi naaŋanma leni ti siadi n dua naani. Diidi lipo bonluonkaala nne.

Mi Tiadima 21:23

o tinkpilo kan dua ki juani ku daagu yeni po. Ama yi baa piini o landaali lige, kelima ban joani yua ku daagu po kuli tie ti solindi bonla U Tienu nintuali. Lani n tie yin da *joagini Li Miali Diedo yi Tienu n puni yin diedi yaa tinga yeni.

Mi Tiadima 32:9

Kelima Li Miali Diedo biinu n tie o niba Jakobo n tie o yaa biinu.

Mi Tiadima 6:18

Yi baa yaa tiendi yaala n tiegi ki go ŋani Li Miali Diedo nuni po. Lan tie yin yaa ye leni li pamanli ki kua ki diedi Li Miali Diedo n den poli ki niani yi baanba ke o baa pa yi yaa dieŋanma yeni.