Jeremi 2:6 - Gourmanchéma Bible

⁶ Baa buali bi yula ki yedi: ‹Li Miali Diedo yua n teni ke ti ñani Ejipiti diema yeni ye le yo? Wani yua n gobidi ki gedini ti mi fanpienma nni, I tiali leni ti buodi diema nni U yialu leni li *biigili tinga nni Yaa tinga ke nisaalimialiba ki poandi ki niinni.›

U TIENU MAAMA TILI 2013

⁶ Baa buali bi yula: ‹O Diedo yua n teni ke ti ñani Ejipiti diema yeni ye le yo? Wani yua n gobidi Ki gedini ti mi fanpienma nni, I tiali leni ti buodi diema nni, U yialu leni li biigili tinga nni, Yaa tinga ke nisaalimialiba ki poandi ki niinni yeni ye le yo?›

Jeremi 2:6 ပူးပေါင်းရင်းမြစ်များ

2 Bi Badiba 2:14

O den taa Elia kpaligolikaabu yeni ki pua mi ñima ki yedi: «Li Miali Diedo, Elia Tienu ye le?» Elise moko den pua mi ñima yeni ke mi paadi kaani lie ke o duodi.

Jobi 3:5

Li biigili leni mi kuuma jinjingu n buali lipo! Yaa tawadi n biigi n cua ki libini lipo! Yaa bonla n bia n cua ki yaa jiendi li!

Jobi 35:10

Ama oba kuli ki tua: ‹U Tienu yua tagi nni, Ki bangi nni i yani ku ñiagu ye le?

Pisomi 23:4

N yaa cuoni mi kuuma joaloangu nni Mii jie bonbiadiliba kuli, kelima a ye leni nni. A gbagobidu leni a gbafanu baagidi nni.

Pisomi 77:5

Ŋaa puni n nuni guama. N yanyagidi nni mo, n kan fidi ki maadi.

Mi Ñama 20:2

«N tie Li Miali Diedo yi Tienu yua n den ñani yi Ejipiti diema nni, yin den ye ti yonbidi yaa diema nni.

Esayi 63:9

Bi paboanli kuli yaa niinni, Yaali n den tie o moko yaa paboanli. Yaa maleki n ye o nintuali n den faabi ba. Hali yogu wani oba n den da ki faabi ba Ki gobini ba ki tugi ba, Kelima o buama leni o niñingbadima po.

Esayi 64:7

Leni lani kuli, Li Miali Diedo, fini n tie ti Baa Tinba n tie ku yoagu Fini mo n tie ti maado, Tikuli tie a nii tuonli.

Jeremi 13:16

Kpiagi mani Li Miali Diedo yi Tienu Hali ke o daa teni ke li *biigili cua, Hali ke yi taana daa tuudi li biigili juali, Yi baa guudi mi yenma, Wan go lebidi man tua biigicianli. O baa teni man tua tawaligu yaagu n biigi boncianla.

Jeremi 2:2

«Gedi mani ki ban kpaani ki yedi Jelusalema yaaba: Li Miali Diedo yedi nanda: ‹Fini Jelusalema, n baa tiani ŋan den tie jafaano, Ki pia npo yaa buama, Ŋan den ŋua nni mi fanpienma po, Leni yaa tinga yaa niinni n ki pia bonpudikaaliba yaa yogunu.

Jeremi 2:8

Bi kopadicianba naa buali: ‹Li Miali Diedo ye le?› Yaaba n kubi li *bali maama ki bani nni, Bi gobidikaaba ki tegini npo, Bi sawalipuaba pua sawali o bulo *Baali yaa yeli nne. Bikuli sani ki pugi yaa *buli n kan midi yanbu Ki naa pia fuomaba mo.

Jeremi 5:12

Bi pia i boandi Li Miali Diedo po Bi tua Li Miali Diedo ki ye. Fala mo kan baa ti Koma kan baa ti ki buali toabu.

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Jeremi 51:43

O dogi kpandi ki tua pabiidili kaanu. Likani kpandi ki tua tinkuonga Nilo n ki kaa yaa dogu nni, Nisaalimialiba mo n ki poandi naani.

Ose Tili 12:13

Jakobo den sani ki gedi Alama diema, O den ban kua li tuonli kelima o pua po. O den kpaa ti yandi kelima o pua po.

Ose Tili 13:4

U Tienu yedi: «Mini n tie Li Miali Diedo, Yi Tienu hali yin den ye Ejipiti, Yii go bani kuli tientoa ke laa tie mini, Faabitoa ki go ye ke laa tie mini.

Amosi 2:10

N den ñani yi Ejipiti diema nni Ki kubi yi hali bina piinaa mi fanpienma nni, Hali ke yi ban diedi Amola yaaba diema.

Matie 4:16

Laa niba, yaaba n den ye li *biigili nni, di laa mi yencianma. Laa yenma yendi bani, Yaaba n den ka mi kuuma leni mi jinjingu n den die naankani.»

Mi Tiadima 1:19

Ti den ñani Holebi ki poandi yin den laa mi fanpienma yaama n yaba ki go foagi yeni niinni kuli. Ti den taa yaa sanu n caa Amola yaaba juali po nani Li Miali Diedo ti Tienu n den bili tipo maama, ke ti den ban pundi Kadesa-Balineya.

Mi Tiadima 32:10

O laa ba mi fanpienma diema nni, Ti fuayandi n mua yaa fuali nni. O kubi ba bonŋanla ki wubi ba O kubi ba bonŋanla nani o nunbili yeni.

Mi Tiadima 8:2

Yi baa tiadi Li Miali Diedo yi Tienu n den teni ke yi cuoni yaa cenli bina piinaa mi fanpienma nni kuli kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama bi yi yaa kan kubi ma.

Bi Bujiaba 6:13

Jedeyono den yedi o: «Ŋain, n daano, Li Miali Diedo yaa ye leni ti, be yaa po ke yaa yebiadima n tie na kuli cuo ti? Ti yaajanba n den togidi ti yaa bancianma yaa togida ki tua ke U Tienu den ñani ba Ejipiti diema nni yeni kuli ye le? Moala U Tienu ŋa ti ki taa ti ki teni Madiana yaaba nuu nni.»