Jeremi 2:36 - Gourmanchéma Bible

³⁶ Be yaa po yo ke a baa tieni li naa bonla kuli, Ki baa lebidi a sanu? Ejipiti diema baa janbi a Nani Asili diema n janbi a maama yeni.

U TIENU MAAMA TILI 2013

³⁶ Be yaa po yo ke a baa tieni li naa bonla kuli, Ki lebidi a sanu? Ejipiti diema baa janbi a, Nani Asiiri diema n janbi a maama yeni.

Jeremi 2:36 ပူးပေါင်းရင်းမြစ်များ

2 Bi Badiba Jama 28:16

Laa yogunu, o bado Akasi den soani ki mia Asili bado mi todima.

Esayi 20:5

Bi baa yaa ye leni ti jawaanciandi leni i fe kelima Etiopi yua n den tie bi suginma leni Ejipiti yua n den tie ban jigini yaala.

Jeremi 2:18

Moala mo a tiendi be yo Ejipiti sanu nni? Naani a baan ño u kpenciamu Nili ñima yo? A go tuuni be Asili sanu nni? Naani a baa n ño u kpenciamu Yufilata ñima yo?

Jeremi 2:23

A ban tieni lede ki yedi: «Mii joagini, Mii pia *ŋantaado leni o bulo Baali ŋoadima.» Diidi a taabuona ku joaloangu nni, Ki tuo ŋan tieni yaala Fini ki yuoyuoñuaga yaaga n puagi ki lindi!

Jeremi 2:33

A bani ŋan baa tagini yaa sanu ki lingi mi buama, Ki teni ke a tagigolimu n tua bangima.

Jeremi 22:20

Do Libani juana po ki kpaani! Kpaani bonŋanla Basana penpeligu po! Do Abalimi juali po ki kuudi Kelima a jaconcona kuli mudi yoap.

Jeremi 22:22

U faalu baa tugi a gobidikaaba kuli. A jaconcona baa gedi ti yonbidi. Lanwani i fe baa cuo ŋa, A baa le u yualu kelima a biadima kuli po.

Jeremi 31:22

Hali u laa yogu yo ke yi baa waagi ki puagi yinba yi tupaali danba? Kelima Li Miali Diedo cuani li boncanla ki tinga nni: Lani n tie ke o pua baa jiadi o ja.»

Jeremi 37:7

Li Miali Diedo Isalele Tienu yedi nanda: «Yin yedi mani Juda bado yua n soani yin cua ki bu nni yeni. ‹Diidi Falono toagoli yaali n den kpendi ki baa todi yi yeni n guani li diema nni Ejipiti nni.› »

Jeremi 46:12

I nibuoli gbadi yi fe laabaalo. Yi bubula mo gbie ki tinga Kelima jakoando baa tuudi jakoando, Bikuli n taani ki baa.

Jeremi Bubula 4:17

Tinba wani yaa nuni baa mua yo Ki guu yaa todima n ki kpendi. Ti den waagi ki se ki guu Yaa nibuolu n cua ki kan fidi ga ti.

Jeremi Bubula 5:6

Li den tie tiladi yo tin gedi, Ejipiti leni Asili po ki ban mia mi jiema.

Esekieli 16:28

A den conbi leni Asili yaaba kelima lan ki den dagidi a maama po. A den conbi leni ba, ama baa leni lani kuli, laa dagidi a.

Esekieli 29:7

Ban den cuo ŋa yaa yogunu, a den kua Ke bi boacabili kuli den padi. Ban den ñii apo yaa yogunu a den mudi, Ke bi ciamu mo den badi.

Ose Tili 10:6

Bi baa tugi o ki gedini Asili diema nni, Ki ban pa o badiciamo. I fe baa cuo Efilayima buolu yaaba lipo. Bani Isalele yaaba baa yaa ye leni i fe, Kelima ban den jagi ki gandi laa sanu po.

Ose Tili 12:1

U Tienu yedi: «Efilayima buolu yaaba lindi ki cebini nni leni mi faama, Bani Isalele yaaba lindi ki cebini nni leni i janbi. Ama Juda diema yaaba wani da baa cuoni leni U Tienu. Bi tuo ki ŋua wani U Tienu Yua n Gagidi ki ŋani.

Ose Tili 14:3

Lebidi mani ki guani Li Miali Diedo kani leni mi yanlebidima maama, Ki yedi o: ‹Tieni tipo sugili ti tuonbiadi kuli po, Mangi a nunga tipo, ki tuo ti miabu. Ti baa cedi tin padi apo yaa naatona yeni, Ki yaa pagi a leni ti ñoana.

Ose Tili 5:13

Efilayima buolu yaaba laa bi yianu, Juda buolu yaaba mo laa bi nala. Efilayima buolu yaaba den soani a tonda Ki mia Asili badiciamo mi todima. Ama o bado yeni nan kan fidi ki buu ba, O kan fidi bi nala n soangi.

Ose Tili 7:11

Bani Efilayima buolu yaaba tieni Nani yaa kpaajiega yaa yama n pii, Yaaga yaa yuli n kpe yeni. Bi mia Ejipiti yaaba mi todima, Ki nan go caa Asili yaaba yaa po.