Jeremi 2:31 - Gourmanchéma Bible

³¹ Yinba mi naa nifiima yaaba, Kpaagi mani Li Miali Diedo maama po. Naani n tua Isalele po fanpienma bi biigili diema yo? Be yaa po yo ke n niba tua: «Ti die ti yula, tii bua ki guani a kani?»

U TIENU MAAMA TILI 2013

³¹ Yinba mi naa nifiima, Kpaagi mani o Diedo maama po. Naani n tua Isidayeli po fanpienma, Bi li biigili diema yo? Be yaa po yo ke n niba tua: «Ti diedi ti yula, ti kan go guani a kani?»

Jeremi 2:31 ပူးပေါင်းရင်းမြစ်များ

1 Bi Badiba 11:22

Falono den buali o: «Be n poadi a n kani ke a bua ki guani a diema po?» O den goa ki yedi: «Liba kuli, ama cedi min kpeni.»

2 Bi Badiba Jama 31:10

Lanwani bi kopadicianba bado Asalia Tisadoki diegu nni yua den goa ki yedi o: «Hali bi niba n cili ki kpendi nni Li Miali Diedo diegu nni ban ñandi yaala bi kpaandi kani, ti di ki guodi. Baa tin sieni yaala mo yaba boncianla kelima Li Miali Diedo seligi o niba. Yaala n duogi ne mo tie yaala n sieni n yeni.»

Jobi 21:14

Ama bi den tua U Tienu: ‹Ña ti maama nni, Tii bua ki bandi a sani mo!

Pisomi 10:4

O nibiado maadi leni ti japaadi ki tua: «Waa mabindi ba! Tienu ki ye!» O yanjaga kuli n yeni.

Pisomi 12:4

Li Miali Diedo n bolini i boandi danba Leni yaaba n pia bu lanpaabu kuli

Mi Kpanjama 30:9

Lani n tie min da ti je ki guo ki nia ŋa Ki yedi: «Ŋme n tie Li Miali Diedo?» Bi ki yaa ye mi luoma nni ki fii ki ban su Ki biidi n Tienu yeli.

Esayi 45:19

Mii maadi wuoli nni Naankani n biigi ki ye ki tinga nni ka. Mii den yedi Jakobo puoliŋuani Lingi nni mani yin kan le nni naankani ka. Mini Li Miali Diedo n maadi yaala n tiegi, Ki doagidi yaala n dagidi.»

Jeremi 2:20

Hali yogu n den mudi a landili Ki cie a baabi yi n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi moko kuli tinga A kpaagi ki buandi nani li poconconli yeni.

Jeremi 2:25

Ŋan moandi ki da gedi taapiena Ki da tuo ñunñuunu mo n kuodi a nialu. Ama a yedi: «Lebidima kan go tieni, Kelima n bua bi canba yegimu!»

Jeremi 5:5

N baa gedi a nigbenga po Ki ban maadi leni ba nba. Kelima ban wani bani Li Miali Diedo sanu Bi bani bi Tienu balimaama. Bi bani bi Tienu n bua yaala.» Ama bikuli tie yenme Bi miidi li balimaama Ki fidi bani leni U Tienu *ŋantaado.

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

Esekieli 14:5

Yeni, n maguankaama baa yagi Isalele yaaba yama, bani yaaba n ŋa nni kelima bi buli kuli po yeni.

Ose Tili 13:6

Yin den kua u kaanŋamu nni, Yi den dini ki guo. Ama yin den dini ki guo yaa yogunu, Yi den gbengi yi yula, Ki sundi npo.

Amosi 1:1

U Tienu den doagidi Amosi yua n den tie Tekoa dogu yankpaaba siiga yendo po. O den baa li bonlekaala yaala n tie Isalele diema po. Li den tie Osiasi n den tie Juda bado ke Joasi bijua Jeloboami mo tie Isalele diema bado yaa yogunu. Li den sua ke li sieni bina lie mi tindigibima n tieni.

Mise 6:9

Li Miali Diedo maadi leni u dogu niba, O baa faabi yaaba n tuo o bali, Cengi mani Juda yaaba, yinba yaaba n taani ki kaa u dogu nni:

1 Korenti 4:8

Moala ke yi pia ke li dagidi! Moala ke yi tua piada! Yi cili ki diedi ke tii ye lienni. N bi sugini yin bi yaa die moamoani, ke ti moko bi baa taani leni yi ki yaa die.

Mi Tiadima 31:20

Kelima n baa teni bi naa niba n kua min den poli ke n baa pa bi baanba yaa tinga nni, mi naaŋanma leni ti siadi n dua naankani. Bi yaa dini ki guo ki gbengi, lani yaa pendi bi baa pegidi ki ŋoadi i buli ki yaa kpiagidi yini. Bi baa fali nni, ki go fidi yaa ŋantaado mo n ye ti siiga.

Mi Tiadima 32:15

Yesuluna den gbengi ki yiadi u danbu, Yi den gbengi ki guo, ki noadi bonŋanla. Isalele yaaba den ŋa bi Tagido Ki fali bi *faabima Tanciangu.

Mi Tiadima 32:18

Yi den fali yaa tanciangu n den mali yi Ki sundi yaa Tienu n den puni yi li miali yeni po.