Jeremi 2:17 - Gourmanchéma Bible

¹⁷ Isalele, naani laa bonla ki tieni a Kelima a ŋa Li Miali Diedo a Tienu Yaa yogunu ke o den gobidi a o sanŋamu nni kaa?

U TIENU MAAMA TILI 2013

¹⁷ Isidayeli, be n cuani a po la? Laa tie ke a ŋaa o Diedo a Tienu, Yua n den gobidi a o sanŋamu nni yeni ka?

Jeremi 2:17 ပူးပေါင်းရင်းမြစ်များ

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa leni yinba Juda buolu yaaba leni Benjamina buolu yaaba kuli! Li Miali Diedo ye leni yi li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋa o, o moko baa ŋa yi.

Jobi 34:27

Bi den buli o ki nunga, Kaa bua ki bandi o sani.

Jobi 4:8

Nani min laa ke bi kpakpaaba yen ŋanbi ki tinga li coagili po Moko bi nitianba tiendi ti *tuonbiadi Ki pagini mi biadima nani li bonpagikaala yeni. Bi baa baa bi biadima panpaani.

Pisomi 107:7

O den gobidi ba ki tagini ba yaa sanu n koabi Ke ban pundi ban baa ye yaa dogu nni.

Pisomi 136:16

Wani n den gobidi o niba mi fanpienma nni. Kelima o ŋanbili ye hali yaa yogunu kuli!

Pisomi 77:20

A den tieni a sanu mi ñincianma nni. Ki tieni a taginkaanu mi ñincianma nni. Baa go den bandi a fuuna.

Mi Kpanjama 15:10

Tundifala tie yua n jadi ki ŋa u sanu po, Yua nani i tundi baa kpe.

Esayi 1:4

Ŋain, li bia boncianla yinba ti *tuonbiadi danba po, Yinba yaa nibuolu yaa tagili n kandi, Yaa nibuolu n bia, yaa bila n jugi bi yula! Ki ŋa Li Miali Diedo, Ki nuali ki fali Isalele Tienu, Yua n Gagidi ki ŋani, Ki buli o ki nunga.

Esayi 59:13

Lani n tie tin tiendi Yaa biadima leni yaa boandi Li Miali Diedo po Ki foagidi leni ti Tienu. Mabinga maama leni yiema maama Tuofaamaama leni bunbidi li pali nni,

Jeremi 13:22

A yaa yedi a pali nni: «Be teni ke line tieni nni?» A tagilibiadi po n teni ke a tiadi kaadi ki doni Ke a taajentindili poagili boncianla.

Jeremi 19:4

Kelima bi ŋa nni ki teni ke u kaanu ne ki go pia bandima. Bi padi likani i *buli po a *dugibila, bi baanba leni Juda badiba leni bani biba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 4:18

A tagu leni a bontienkaala N cuani apo yaali n yeni. Diidi a biadima li to wani lige Laa bonla baa nandi hali a pali.

Jeremi 44:3

Kelima ban tieni yaa biadima ki baa biidi n pali ki padi a*dugibila ki go gedi ki ban gbaani ki pugi bani leni bi baanba n kaa den bani yaa *buli.

Jeremi 5:25

Yi tagili n biidi likuli Yi *tuonbiadi n muni yi laa baali buoli kuli.

Esekieli 39:24

N buli ba n nunga Ki soani ba nani bi tuongunda leni bi kukpama n tie maama.»

Ose Tili 13:9

Isalele yaaba, yaala n baa teni yin bodi, Tie ke yi yie nni, Mini yua n baa fidi ki ga yi yeni.

Mise 1:5

Lankuli baa tieni kelima Jakobo puoliŋuani biadima po. Lankuli baa tieni kelima Isalele yaaba tuonbiadi po. Jakobo puoliŋuani yiema ŋoadi ŋmenba? Laa tie Samali ka yo? Juda yaaba buŋoadima ŋoadi ŋmenba? Laa tie Jelusalema ka yo?

Mi Coadima 32:23

Ama yi yaa tieni yeni, yi tieni Li Miali Diedo po ti tuonbiadi yin bandi mo ke yi tuonbiadi mo baa yaa ŋua yi.

Mi Tiadima 32:10

O laa ba mi fanpienma diema nni, Ti fuayandi n mua yaa fuali nni. O kubi ba bonŋanla ki wubi ba O kubi ba bonŋanla nani o nunbili yeni.

Mi Tiadima 32:19

Li Miali Diedo den laa lane ke o yama den ñani lienni Kelima o bijaba leni o bisiaba n den bieni o pali maama po.