Jeremi 2:15 - Gourmanchéma Bible

¹⁵ Ti yangbanbidi fii ki sedi bipo ki duni Ki mua mi jama ki duni Ki cuani mi diema po li paboanli. Niba ki go ye ban juu bi dogi yi yeni niinni.

U TIENU MAAMA TILI 2013

¹⁵ Ti yangbanbidi fii ki sedi bi po, Ki duni ki mua mi jama, Ki cuani mi diema po li paboanli. Niba ki go ye ban juu bi dogi yii yeni niinni.

Jeremi 2:15 ပူးပေါင်းရင်းမြစ်များ

Jobi 4:10

U Tienu teni ke i yangbanli dunli suo, Ki kua laa yanbiaditi kuli ñina.

Pisomi 57:4

Hali tanpoli o baa soani npo mi *faabima. N yibali n yagini n yama yaa yogunu, U Tienu baa soani o *ŋanbili leni o moamoani. *Joma

Esayi 1:7

Yi diema pua nafanu! Mi fantama buoni yi dogi. Bi canba di yi tinga bonluonkaala yi nunbu nni. Laa paboanli tie nani yibalinba n bolini yaa diema yeni.

Esayi 24:1

Diidi mani Li Miali Diedo biani ki tinga fanma ki gbeni ki niba. O luni ki lebidi ki tinga nunga, ki yadi yadi yaa niba n ye ki niinni.

Esayi 5:29

Bi dunli tie nani o yangbanñua. Bi duni nani a yangbanbila yeni, bi fuu, Bi yen cuo bi bonjekaala, ki yaa ban caa. Oba kan fidi ki ga la mo.

Esayi 5:9

Li Miali Diedo U Paaciamu Kuli Daano N doagidi npo yaala nne: A naa dieciama ya n yaba ki go ŋani Baa tua diegbena, Oba kan yaa ye a niinni.

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Jeremi 10:22

Ti gba ke bu lanbu kpendi. Laa lancianbu ñani nijienu diema po yo, Ki baa teni Juda dogi n tua diegbendi Leni tanboe yekaanu.

Jeremi 25:30

Fini ŋan pua bipo yaa sawalo n ye kuli ki yedi ba: «Li Miali Diedo fu hali tanpoli po. Hali o *kaangagidiŋamu nni o maadi. O fu leni wan die yaa diema O tangi yaaba n ŋmaadi u datuodikaanu po. O fu leni yaaba n ye ki tinga nni kuli po.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 26:9

Be yaa po yo ke a pua sawali Li Miali Diedo yeli nni ki tua: ‹Ku naa diegu baa tua nani Silo yeni, fala baa baa u naa dogu ke u kan go yaa pia niba?› » Bi niba kuli den gaani ki lindi Li Miali Diedo diegu nni.

Jeremi 33:10

Li Miali Diedo yedi mine: «Yinba Juda yaaba, yi kpaagi ki tua Ke yi diema pua nafanu, Niba ki ye mi niinni ki buali yandi. Moamoane! Dinla po wani, Juda dogi nni Leni Jelusalema sani nni, Niba ki ye ki buali yandi. Ama n yedi yi ke mi naa diema nni yi go baa gbadi:

Jeremi 34:22

Diidi n baa waani yi n ñoabonbilikaana. Mini Li Miali Diedo n yedi yeni. N baa teni ban cua ki baa u naa dogu. Bi baa koani leni u, ki paadi u, ki juu u mi fantama. N baa teni Juda dogi n kpandi diegbendi, niba n ki ye naani.»

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

Jeremi 50:17

Isalele tie nani i yangbanli n deli yaa pia ke o bodi yeni. Asili bado n kpa dini o. Nebukanesa Babilona bado mo n mudi o kpaba ki juodi.

Jeremi 51:38

Bikuli baa taani ki duni nani a yangbanbila yeni. Bi baa duni nani bi yangbanjawaaba yeni.

Jeremi 6:8

Jelusalema dogu, ga mi bangima, Lani n tie min da sani ki ŋa ŋa. Min da teni ŋan kpandi paboanli kaanu Leni diegbengu nilo n ki ye yaa diema nni.»

Jeremi 9:10

Li Miali Diedo yedi: «N baa teni Jelusalema diema n tua diegbengu, I tanboe n ye naankani. N baa teni Juda dogi n tua paboanli kaanu Niba n ki go ye naani.»

Jeremi 9:11

Naani li pia yua yaa yama n fo bonŋanla Ki baa fidi ki doagidi laa bonla n tie yaala? Li yaa tie ke Li Miali Diedo n maadi leni o, Wan doagidi ki waani yaala yaa po ke mi diema bodi Leni yaala yaa po ke mi tua fanpienma Nilo n ki go poandi naankani!

Esekieli 36:3

Lanwani pua sawali ki yedi Ke o Diedo, Li Miali Diedo yedi mi ne: ‹Bi den bua i kaani kuli ki kuani yi li paboanli nni Ki go nali yi, Yin tua dietoama n die yaaba. Kelima yi den tua li ñuali bonla Leni bi niba kuli n maadi yaaba yaa maama.

Esekieli 5:14

Yaa diema n lindi yaa niba leni yaaba n tagini likani kuli, baa le ke n fiagi Jelusalema dogu, ki teni ke u tua diegbengu.

Ose Tili 11:10

Bi baa ŋoadi Li Miali Diedo Yua n baa duni nani o yangbanlo yeni. O baa duni ki yini o bila, Bi baa ña hali mi ñincianma liiga, Ki jaligi ki sani ki cua.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Amosi 3:12

Li Miali Diedo yedi yaa maama n tie na: «Nani o yangbanlo n yen cuo ki yanga, O yankpaalo n ga taana lie bi tubijenga maama yeni, Li baa tie yeni Isalele yaaba po, Bani yaaba n ye Samali Ki dua i duanŋami leni yaa cabiladikaana n ŋani po. Bi siiga nni tianba bebe n baa sieni.»

Amosi 3:4

Naani o yangbanlo baa buo li fuali nni Kaa laa wan baa cuo yaala? Naani o yangbanlo baa laabi o tuugu nni Ki buoni kaa pia wan cuo yaala?

Amosi 3:8

O yangbanlo yaa buoni ŋme kan jie? O Diedo, Li Miali Diedo U Tienu yaa maadi Ŋme n kan pua sawali?»

Nahumi 2:11

Bi koadi ŋalimani! Bi niba kpe! U dogu bia fanma! I gbani kuli wudi! A duna pua aya! Bi niba jie ki luodi. Mu nunmu kuli gbidi.

Sofoni 1:18

Bi ŋanjilifa leni bi wula kan fidi ki faabi ba, Li Miali Diedo pabienli daali. N pabienli fantama baa buoni ki tinga kuli, Li baa bia hali boncianla. O baa bolini li ŋandunli niba kuli.»

Sofoni 2:5

Fala n baa yi, yinba yaaba n tie Kafitodi yaaba, Ki ye mi ñincianma balinma. U Tienu jagi ki bili yipo yaa buudi n tie na ki yedi: «Yinba Kanana yaaba, Yaaba n ye Filisiti yaaba dogi nni, N baa bolini yi, Baa niyendo kan sieni.

Sofoni 3:6

Li Miali Diedo yedi: «N bolini i nilanbuoli boncianla, N bolini bi kaanpaali toadiefoaga. N teni ke oba kuli ki go tagi bi sani. N bolini bi dogi. Nilo ki go tagi likani, Nilo kuli ki go kaa likani.

Sakari 11:3

Bi gobidikaaba buudi, Kelima bi kpiagidi gbeni. I yangbanli duni, Kelima yaa fuali n den baali Judana kpenu Ke bi wuonkaani ye lienni yeni bodi.

Bi Bujiaba 14:5

Samisona den yegi leni o baa leni o naa ki caa Timina. Ban den pundi Timina yaaba duven tiidi kuani kani, li yangbanbili den togidi Samisona ki mua.