Jeremi 19:9 - Gourmanchéma Bible

⁹ Kelima bi yibalinba yaaba n ki gba niñima Leni yaaba n sedi bi miana po n baa paagi bi yama maama po, Baa teni ban ŋmani bi bijaba leni bi bisiaba gbanandi. Yua kuli baa ŋmani o yieninlielo gbanandi.»

U TIENU MAAMA TILI 2013

⁹ Bi yibalinba yaaba n ki gba ninñima leni yaaba n sedi bi miana po n baa paagi bi yama maama po, baa teni ban ŋmani bi bijaba leni bi bisiaba gbanandi. Yuakuli baa ŋmani o yieninlielo gbanandi.»

Jeremi 19:9 ပူးပေါင်းရင်းမြစ်များ

2 Bi Badiba 25:3

Laa binli cinaalo yaa dayiali daali, mi jiema den gbeni ke mi koma den biagi u dogu nni Juda yaaba po.

Esayi 9:20

Manase koani leni Efilayima, Efilayima mo koani leni Manase. Bi kukuli taani ki baa Juda. Baa leni lani kuli Li Miali Diedo pabienli daa kuugi bipo O nuu mo baa tiani ki baa waani ba fala.

Jeremi 13:14

Mini Li Miali Diedo yedi ke n baa taa ki pua ba leni biyaba ban mumudi ki taani bi bidanba leni bi bila kuli. Oba kan cia, o kan gbadi bi niñima. Pu kan teni ke o kan bolini ba.»

Jeremi 38:9

«O bado, n diedo, bi naa niba ki ŋanbi leni ban tieni o sawalipualo Jelemi yaala ki luni o li cakuonli nni. Mi koma baa kpa o lienni kelima u dogu nni kuli dupen naa go ye.»

Jeremi Bubula 2:20

Diidi, Li Miali Diedo diidi! A soani ŋme yo li naa tuonli? Naani li bi tie tilade bi puoba n ŋmani bi bimadimu, Ban bua yaa biwaala bonŋanla leni bi kopadicianba n kpe u kaangagidiŋamu nni?

Jeremi Bubula 4:10

Diidi yaa puoba n tie ne, Baa ke bi gba mi niñima, Bi taa bi bila ki ŋaani ba ki baa ŋmani, Kelima yaa yebiadima n ŋma mi diema yeni po.

Esekieli 5:10

Li tie lani yaa po po ke dogu nni bi bidanba baa ŋmani bi bila, ke a bila mo baa ŋmani bi danba. N baa yadi yadi a niba yaaba n sieni li ŋandunli nni ki go bu ŋa leni min den bili yaa buudi apo.›

Levi 26:29

Yi baa ŋmani yi bijaba nandi ki go ŋmani yi bisiaba nandi.