Jeremi 19:7 - Gourmanchéma Bible

⁷ Lankane n baa bolini Juda leni Jelusalema yaaba juogu. N baa teni bi yibalinba yaaba n ki gba niñima yeni jugisiemu n kpa ba. N baa teni i yobili leni i tanboe n ŋmani bi tinkpiba.

U TIENU MAAMA TILI 2013

⁷ Lankane n baa bolini Juda leni Jerusalemi yaaba juogu. N baa teni bi yibalinba yaaba n ki gba ninñima yeni jugisiemu n kpa ba. N baa teni i kaabi leni i tanboe n ŋmani bi tinkpiba.

Jeremi 19:7 ပူးပေါင်းရင်းမြစ်များ

2 Bi Badiba 21:14

N niba yaaba n sieni mo n baa ŋa ba, ki taa ba ki teni bi yibalinba nuu nni. Bi yibalinba baa fie ban pia yaala kuli.

Mi Kpanjama 21:30

O nisaalo yama, o yanfuoma leni o kpaagili kuli Kan fidi pu kuli Li Miali Diedo nintuali.

Esayi 29:14

Lani n teni ke n baa yaa baa ki tiendi upo li bonludikaala. Bi yanfodanba yanfuoma baa bodi. Bi nunfandanba nunfanbu baa sani ki ban wuoni.»

Esayi 8:10

Jagi mani yin bua ki tieni yaala Liba kuli kan baa yuli. Yin maadi yaa maama mo kan tieni Kelima U Tienu ye leni ti.

Jeremi 15:2

Lanwani bi yaa yedi a: ‹Ti baa gedi le?› Ŋan guani ba: Li Miali Diedo yedi nanda: Mi kuuma n je man baa je yua, Bu toabu n je bun baa je yua, Mi koma n je man baa je yua, Ti yonbidi mo n taa tin baa taa yua!

Jeremi 15:9

Yaa pua n mali jaba lele coagi, O baa kpe. U yienu baa baa ke li nan da li baa yiene. I fe gbadi o bonŋanla, i fe cuo o. Yaaba n sieni, n baa ŋa ba leni ki jugisiega bi yibalinba nintuali. Mini Li Miali Diedo n yedi yeni.»

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 18:21

Lani yaa po ŋan teni mi koma n nandi bi bijaba. Ki kodi ba leni ki jugisiega. Teni bi puoba n luo a bila Ban tua kpepuona Mi kuuma n nandi bi ciaba Bi jawaaba mo n kpe bu toabu po.

Jeremi 21:7

Li yaa puoli mini Li Miali Diedo n yedi: ‹N baa taa Juda bado Sedesiasi, o koanbala leni u naa dogu niba kuli bu toabu leni mi koma n dini ki ŋa yaaba, ki ŋa ba Babilona bado Nebukanesa leni yibalinba, leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi niñima. Niloba kan cia. O kan juogi ba.› »

Jeremi 22:19

Bi baa piini o nani o ŋunbo yeni Bi baa fuli o ki ñani o Jelusalema dogu buliñoana kani ki ban lu.

Jeremi 22:25

N baa ŋa ŋa leni yaaba n bua ki ñani a miali, Ŋan digibi yaaba yaa nuu nni. Nebukanesa, Babilona bado Leni bani Kalide yaaba yeni nuu nni.

Jeremi 32:28

Lani n teni ke Li Miali Diedo yedi nanda: «Diidi n ŋa u naa dogu Babilona yaaba nuu nni Leni Babilona bado Nebukanesa nuu nni. Bi baa diedi u.

Jeremi 34:20

Lani n teni ke n baa ŋa ba bi yibalinba yaaba n bua ki ñani bi miana yeni nuu nni. Bi tinkpiba baa tua jiema tanpoli nuani leni tinga yandi po.

Jeremi 46:26

N baa ŋa baa yaaba n bua ki ñani bi miana nuu nni. N baa ŋa ba Babilona bado Nebukanesa, leni o toagoli nuu nni. Li yaa puoli Ejipiti diema baa goa ki tua nani man den kpa tie maama. Li Miali Diedo n yedi yeni.

Jeremi 7:33

Bi naa niba tinkpiba baa tua jiema tanpoli nuani leni ki tinga yandi po Niloba kan cua ki yagi bi yama.

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 8:8

Yi baa tieni lede ki yedi: «Ti tie yanfodanbe, Li Miali Diedo *bali maama ye leni tinba?» Mi faama po yo ke a tidianla fii Ki baa diani leni bi tuofaa-tidianmuani.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Jeremi Bubula 3:37

Ŋme n yedi li bonla n tieni, ke li tieni? Naani o Diedo ka die li bonla kuli?

Levi 26:17

N baa buli yi n nunga ki sedi yipo. Yi yibalinba baa deli ki paadi yi. Yaa niba n nani yi yeni baa die yi, yi baa sani, baa ke oba kuli naa deli yi.

Levi 26:25

N baa teni yaa jugisiega n baa tu li panli n cua ki tu yi panpaani n ŋantaado miidima po. Yi yaa taani ki kua yi dociamu nni, n baa soani u yianbiadipuodiko yi siiga, ki go taa yi ki teni yi, yi yibalinba nuu nni.

LOMA YAABA 3:31

Naani tin wangi li dandanli maama yeni, li bua ki yedi ke ti teni ke U Tienu bali maama ki go pia mayuli bi? Kalam, ti doagidi li bali maama n pia yaa mayuli moamoani.

LOMA YAABA 4:14

Li yaa tie kelima li bali maama kubili yaa po yo ke bi tua bi faajieba, lanwani li dandanli tie fanma fanma, U Tienu ñoanianu moko naa pia mayuli.

1 Samueli 17:46

Dinla Li Miali Diedo baa paadi a ki teni a n nuu nni, n baa pua ki guli a ki jia a yuli. Dinla n baa taa Filisiti yaaba toagoli nikpiema ki teni i kaabi leni ti fuayandi. Lani, ŋanduna kuli baa bandi ke U Tienu ye leni Isalele yaaba.