Jeremi 19:2 - Gourmanchéma Bible

² Ŋan yuandi ki ñani a tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a ŋan waani ba yaa maama.»

U TIENU MAAMA TILI 2013

² Ŋan yuandi ki ña a Tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a, ŋan waani ba yaa maama.»

Jeremi 19:2 ပူးပေါင်းရင်းမြစ်များ

2 Bi Badiba 23:10

O bado Josiasi den biidi o bulo *Moloko yaa kaanu, yu n den ye Hinomi bijaba joaloangu nni ki yi Tofeti. O den tieni yeni ke niloba n da go taa o bijua bi o bisalo ki sia mi fantama nni o bulo Moloko po.

2 Bi Badiba Jama 28:3

O den juu tulale Beni-Hinomi bijaba joaloangu nni. O den juu o bijaba mi fantama nni, ki ŋoadi nani i nilanbuoli cagindi, Li Miali Diedo n den deli yaaba Isalele yaaba nintuali.

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

Nehemi 3:29

Imeli bijua Tisadoki den tugini bikani ki maa o diegu nintuali kani. Puoli po yaa buliñoaguudo Sekania bijua Semayeja den tugini o yaa kani ki maa.

Jeremi 1:7

Lanwani Li Miali Diedo den yedi nni: «Da yedi ke a tie bonwaaga, Kelima min baa soani a ŋan ban yie yaaba yaa po kuli, A baa gedi. N yaa yedi ŋan ban yedi yaala kuli mo a baa n yedi lane.

Jeremi 11:6

Li Miali Diedo den yedi ke min kpaani laa maama kuli Juda dogi nni leni Jelusalema sani nni ki yedi: «Cengi mani o ŋantaado nne maama ki tieni wan yedi yaala!

Jeremi 18:2

«Fii ki gedi o maado deni, n baa maadi leni a.»

Jeremi 26:2

«Mini Li Miali Diedo maadi yaa maama n tie na: Sedi Li Miali Diedo diegu luolu po ki maadi leni yaaba n ña Juda dogi kuli ki baa gbaani ki pugi Li Miali Diedo diegu nni. Ŋan waani ba min puogi a ŋan yedi yaa maama kuli ki da foadi baa mayenma.

Jeremi 3:12

Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

Jeremi 32:35

Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

Jeremi 7:2

«Gedi Li Miali Diedo diegu buliñoabu kani ki maadi yaa maama n tie na ki yedi: ‹Cengi mani Li Miali Diedo maama, Yinba yaaba n tie Juda yaaba ki kua o buliñoana kani Ki baa cua ki gbaani ki pugi Li Miali Diedo.›

Jonasi 3:2

«Gedi Ninife dociamu nni ki ban kpaani ki waani min soani a yaa tondu.»

Matie 10:27

Min yedi yi yaala li *biigili nni, waani li mani u yensiinu, ban soabidi yaama yi tuba nni, kpaani ma mani a diena po.

Jesu Tondiba Tuona 20:27

kelima n waani yi U Tienu yanjagili kuli, mii wuoni liba.

Jesu Tondiba Tuona 5:20

«Gedi mani ki ban sedi U Tienu diegu nni, ki yaa wangi yaaba n ye lienni li naa miali maama fuuli kuli.»

Josue 15:8

U den ñani lankani ki poandi Hinomi joaloangu, Jebusa yaaba juaga jiidima ganu po, Jelusalema dogu n ye naani. U den tagini ki doni yaa juali n ye Hinomi joaloangu nintuali leni Befayima buolu yaaba yaa joaloangu jienu po.