Jeremi 18:18 - Gourmanchéma Bible

¹⁸ Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

U TIENU MAAMA TILI 2013

¹⁸ Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 18:18 ပူးပေါင်းရင်းမြစ်များ

2 Samueli 15:31

Bi den cua ki yedi Dafidi: «Ahitofeli taani leni mi janjanma danba ki ŋua Abisalomi.» Dafidi den mia U Tienu ki yedi: «Li Miali Diedo, teni ke Ahitofeli tundi kuli n tua fanma.»

2 Samueli 17:14

Abisalomi leni Isalele yaaba kuli den yedi: «Alika yua Usayi yaa tundi cie Ahitofeli yaa yi.» Ama li tie ke Li Miali Diedo den jagi ke o baa bolini Ahitofeli tundiŋami yeni, ki cuani o falaciamo Abisalomi po.

1 Bi Badiba 22:24

Lanwani Kenaana bijua Sedesiasi den nagini ki pabi Mise ki yedi o: «Li Miali Diedo Fuoma tagini le ki ñani n kani ki gedi ki maadi leni a?»

2 Bi Badiba Jama 24:21

O bado den puni u sanu ke bi lugidi Sakali a tana U Tienu diegu luolu siiga.

Jobi 5:13

O yen cuo bi yanfodanba bi nunfancele nni. Bi nunfandanba tundi mo kan baa yuli.

Pisomi 21:11

A baa bolini bi puoliŋuani u tingbanu nni, Ki bolini bi buolu mo, bi nisaaliba siiga.

Pisomi 52:2

Li maadi Edomi yua Doyega n den waani Sayula ke Dafidi ye Ahimeleki kani.

Pisomi 57:4

Hali tanpoli o baa soani npo mi *faabima. N yibali n yagini n yama yaa yogunu, U Tienu baa soani o *ŋanbili leni o moamoani. *Joma

Pisomi 64:3

Ñani nni bi nibiadiba n jagi npo yaa bonbiadila nni, Leni bani yaaba n tiendi yaala n ki tiegi yaa fuugu.

Mi Kpanjama 18:21

Mi kuuma leni li miali ye mi maama nuu nne Yua n faadi ma mo baa je mi bonluonkaala.

Esayi 32:7

Ku niyuogu wani, yaa tuada gundi, O jagi a yanjagibiada ki baa biani taliga leni mi tuofamaama, Baa ke o se i moamoani nni.

Jeremi 1:19

Bi baa fii ki sedi apo, Ama bi kan fidi ki paadi a Kelima n ye leni a ki baa faabi a. Mini Li Miali Diedo n yedi yeni.»

Jeremi 11:19

N den tie nani yaa pebiga yaa yama n dingi Ke bi caani ga u kodikaanu po yeni. Mii den bani ban den pia npo yaa yanjaga. Bi den tua: «Tin bolini bu tibu leni bu bonluonkaala, Tin ñani o bi nisaaliba siiga Ban da go taa o yeli moko!»

Jeremi 18:11

Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

Jeremi 18:19

Li Miali Diedo, faami npo bonŋanla, Gbadi npo n yibalinba n tua yaala!

Jeremi 2:8

Bi kopadicianba naa buali: ‹Li Miali Diedo ye le?› Yaaba n kubi li *bali maama ki bani nni, Bi gobidikaaba ki tegini npo, Bi sawalipuaba pua sawali o bulo *Baali yaa yeli nne. Bikuli sani ki pugi yaa *buli n kan midi yanbu Ki naa pia fuomaba mo.

Jeremi 20:10

N gba bi niba boncianla maadi npo ti mayuodi. Bi tua: «Jawaanciandi i kaani kuli.» Bi ne tua: «Tin daadi ki sieni o mani!» Bi tianba tua: «Yeni de, tin daadi ki sieni o mani!» Baa n danlibuadiba li lingi n ciinu yo, Ki sugini ki cuo o nni n tagili nni. Lanwani bi soabidi ki tua: «Ti baa cuo o Ki tu o ti panpaani!»

Jeremi 26:11

Lanwani bi kopadicianba, leni bi sawalipuaba den maadi leni a koanbala yaa maama n tie na: «Se o ja ne n kpe kelima o pua sawalibiado u naa dogu po nani yi tuba n gbadi maama.»

Jeremi 37:13

Wan den pundi Benjamina buliñoabu kani bi toatieba yudaano, ban yi yua Yiliya Selemia bijua, Anania yaabili den ye likani. O den cuo o sawalipualo Jelemi ki yedi: «Ŋaa caa ki baan teni a yuli Babilona yaaba ka te!»

Jeremi 43:2

Hosaya bijua Asalia, Kalea bijua Yohanana leni bi japaadanba yeni kuli den yedi Jelemi: «Ŋan yedi yaala yeni kuli tie faama. Li Miali Diedo ti Tienu ki soani a ŋan yedi: ‹Da gedi mani ki ban wuoni Ejipiti diema nni.›

Jeremi 44:16

«Tii bua ki cengi yaa maama ke a yedi ti Li Miali Diedo yeli nni yeni.

Jeremi 44:17

Ti bua ki ŋoadi ti pali nni maama yaama n ñani ti ñoana nni ki padi tanpoli badipua po a dugibila padili, ki cabi opo nani ti baanba, ti badiba leni ti koanbala n den tiendi maama Juda dogi nni leni Jelusalema sani nni. Li yogunu ti den pia mi jiema ke li dagidi, ti yema den mani ke falaba ki ye.

Jeremi 8:8

Yi baa tieni lede ki yedi: «Ti tie yanfodanbe, Li Miali Diedo *bali maama ye leni tinba?» Mi faama po yo ke a tidianla fii Ki baa diani leni bi tuofaa-tidianmuani.

Jeremi Bubula 3:62

N yibalinba yenbidi leni bi maama kuli, Pegidi ki se mini yaa po daali kuli.

Esekieli 7:26

Fala baa pendi, fala n cua. Laabaalibiado baa tu laabaalibiado. Bi baa mia o sawalipualo n baa bipo li bonlekaala O kopadiciamo mo kan go baa wan baa bangi ba yaala, A nikpela mo kaa go pia tundi.

Levi 10:11

ki go bangi Isalele yaaba Li Miali Diedo n den puogi Musa ke o bili yipo yaa bali maama kuli.»

Mise 3:6

Lani yaa po yinba bi sawalipuaba yeni, Yi yogunu tuoni u bianu U yienu baa biigi yipo, Yi kan go le bonlekaaliba kuli. Yi kan go fidi ki pua sawali liba kuli po.»

Mise 3:7

Yaaba n pua sawali kuli baa pii bi nunmu kelima i fe po, Kelima U Tienu kan guani bipo liba.

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama. Kelima o kopadiciamo tie Li Miali Diedo U Paaciamu Kuli Daano tondo yo.

Luki 11:45

Li *balimaama bangikacianba siiga yendo den goa ki yedi o: «Canbaa, ŋan maadi maama na, a sugidi ti moko.»

Jan n diani U Tienu Laabaaliŋamo maama 9:40

Falisieninba tianba den ye leni o ki gbadi laa maama ki yedi o: «Naani ti moko joa yoo?»