Jeremi 18:15 - Gourmanchéma Bible

¹⁵ Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

U TIENU MAAMA TILI 2013

¹⁵ Ama n yaa niba wani nan sundi n po, Bi juugi i buli po a dugibila. Bi cuoni ki tuudi ban yen maani Ki tagi yaa sankpeli yeni nni. Bi guani ki ŋoadi ban ki koadi yaa sani.

Jeremi 18:15 ပူးပေါင်းရင်းမြစ်များ

Nehemi 9:17

Bi den yie baa tuo ma ki sundi ŋan den ŋanbi bipo yaa *ŋanbili. Bi den juagi bi tuli. Bi yiema nni, bi den gandi o yudaano Ki baa guani ban den ye ti yonbidi nni naanpo. Ama fini, a tie yaa Tienu n puuni sugili Ki juogidi ki gba mi niñima, Ki pia li juunli leni li ŋanbili. Lani yaa po ŋaa den ŋa ba.

Esayi 3:12

Bonwaala n li wangi n niba fala, Puoba mo n li die ba. N niba yaaba n gobidi yi yaani yi, Ki bolini yin ŋua yaa sanu.

Esayi 41:29

Diidi bikuli tie fanma bebe Bi tuona mo kuli tie fanma bebe, Bi buli kuli tie fanma leni yaala n ki ye.»

Esayi 57:14

O baa yedi: «Piini mani ti buodi, Ki ŋanbi mani u sanu Ki ñani mani bontuudikaala kuli n niba sanu nni.»

Esayi 62:10

Ña mani, ña mani! Ŋanbi mani u sanu bi niba po! Naadi mani, naadi mani u sanu Ñani mani a tana, Ki yugidi mani li *tuudicabili bi niba yula po.»

Esayi 65:7

I tagili panpaani, Li Miali Diedo n yedi yeni Leni yi baanba tagili panpaani, Bani yaaba n den juugi a *dugibila a juana po Ki go den fiagidi nni a joabila po yeni. N baa pa ba bi panpaani bi tuonkpela po.»

Esayi 9:16

Lani n teni ke Li Miali Diedo kan fidi ki mangi o pali bi jawaaba po Bi ki gbadi mi niñima bi kpepuona leni bi kpienbila po. Kelima bikuli tie tuongunda danba leni nibiadiba. Bi ñoana mo ki pia maŋanma. Baa leni lankuli Li Miali Diedo pabienli daa kuugi bipo, O nuu mo baa tiane ki baa waani ba fala.

Jeremi 1:16

N baa jia laa buudi leni ba Kelima bi biadima po, Kelima bi ŋa nni ki juu a *dugibila i *buli po, Ki gbaani ki pugi bi nii n tagi yaala.

Jeremi 10:15

Baa pia mayuli Bi cila pia ti laadi, Bi baa bodi, Bi fala yaa cua yaa daali.

Jeremi 11:12

Juda dogi leni Jelusalema yaaba gedi Ki ban mia ban padi yaa *buli a *dugibila, Ama bi nan kan fidi ga ba bi fala daali.

Jeremi 11:13

Fini Juda, a buli yaba ki pundi a dogi. Fini Jelusalema, a padibinbina Ŋan juugi a dugibila o bulo *Baali po naankani, Yaba ki pundi a sani.»

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 13:25

Yaala n baa tieni a n yeni. Min bili apo yaala n yeni. Mini Li Miali Diedo yedi: «Nani ŋan sundi npo, Ki dugi mi faama po yeni,

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 17:13

Li Miali Diedo, fini Isalele suginma Yaaba n ŋa ŋa kuli baa le i fe. Yaaba n foagidi leni nni kuli baa kpe. Kelima bi ŋa Li Miali Diedo yua n tie li miali ñinbunli.»

Jeremi 18:14

Naani Libani juana ya n kpedi boncianla po baa luo ñinguankaama? Naani yaa ñima n puubi ki kuugi, Ki ña a juana po baa ñuudi faala po? Kalam!

Jeremi 19:5

Bi maa i buli pada kaani ke yi kpedi Ki taa bi bijaba ki padi a padijuukaana o bulo *Baali po. N naa den puni ba laa sanu, Mii den maadi ba laa maama, Mii den baa li yanjagili mo.

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 2:32

Naani o jafaano baa sundi o tiabobikaadi po? Naani toginaa baa sundi o bobidi? N niba wani nan sundi npo yaa dana n ki pia bianu.

Jeremi 3:21

I moe fii ki loli i kaani kuli Isalele bila n mua ki figindi Kelima bi biidi bi tagu Ki sundi Li Miali Diedo bi Tienu.

Jeremi 44:25

Li Miali Diedo U Paaciamu Kuli Daano, Isalele Tienu yedi mine: ‹Yinba leni yi puoba maadi leni yi ñoana ki tieni leni yi nii yin yedi yaala, ti bua ki kuani tin bili yaa ñoanianu, ki padi a dugibila tanpoli badipua po ki go cabi opo. Lanwani yi baa kubi ki go tieni yin niani o yaala.›

Jeremi 51:18

Laa bonla kuli tie fanma. Li tuonli ki pia mayuli. Likuli baa bodi, Bi fala yaa cua yaa yogunu.

Jeremi 6:16

Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Esekieli 21:15

Li tie ki kpa po yo ke ki luani. Ki kpilini ki baa yaa pelini nani mi tañigima yeni. Bi lanwani ti baa mangi ti pala yo? N bijua badigbiamu fali tibu kuli.

Esekieli 36:15

Yi kan go yaa gba ke nilanbuoli ñuadi ki sugidi yi, Ke feeba mo kuli ki go ŋua yi. Yi diema yeni mo kan go yaa kpaani yi bila. O Diedo, Li Miali Diedo n yedi yeni.»

Ose Tili 11:2

Ama min den ŋua ki yi ba, Bi den sani ki foagidi leni nni. Bi niba padi *Baali leni yaa *buli n tie o yaa buolu. Bi siagi i buli po a dugibila.

Ose Tili 2:13

N baa teni yaala n bi tie o pamanli kuli n gbeni, Lani n tie a bina *jaanma, Wan jaani yaa jaanma ŋmapaano kuli, Mi fuodima dana leni o taanciama kuli.

Ose Tili 2:6

N kan gbadi o bila mo po niñima, Kelima o ciba tie poconconbila.

Malaki 2:8

Ama yinba wani nan jadi ki ŋa u sanu. Yi guli niba boncianla leni yi bangima. Yi miidi min den kuani yaa ŋantaado leni Lefi buolu. Li Miali Diedo, U Paaciamu Kuli Daano n yedi yeni.

Matie 15:6

Yeni yi bolini U Tienu maama ki nan kubi yi bogida.

LOMA YAABA 14:21

Yaala n baa ŋani tie ŋan cedi ki da ŋmani nandi, ki da ño duven mo, ki da tieni yaala n sieni ki baa tua a kpiilo po tingbali bonla.

Mi Tiadima 32:21

Bi fiini n nunponli leni yaala n ki tie Tienu Ki fiini n pali leni bi buli yi n tie fanma po Mini mo n baa fiini bi yaa nunponli leni yaa nibuolu n ki tie nibuomoanu po, N baa fiini bi pala leni yaa nibuolu n naa pia yama po.