Jeremi 18:11 - Gourmanchéma Bible

¹¹ Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

U TIENU MAAMA TILI 2013

¹¹ Maadi moala leni Juda yaaba leni Jerusalemi yaaba, ki yedi ba: o Diedo yedi: ‹Diidi n bogidi yi po mi yebiadima. N pia min jagi yi po yaala. Guani ki lebidi mani yi sanyuogidi. Lebidi mani yi tagi.›

Jeremi 18:11 ပူးပေါင်းရင်းမြစ်များ

Mi cilima 11:7

Cua mani tin jiidi ki ŋmadi bi maama lan tie ban da go gbadi biyaba maama.»

1 Bi Badiba 22:23

Mise go den yedi: «Ŋan cengi, Li Miali Diedo kuani i boandi a sawalipuaba kuli ñoana nni. Li Miali Diedo jagi ke o falabiado baa baa ŋa.»

2 Bi Badiba 17:13

Li Miali Diedo den soani Isalele leni Juda yaaba po o sawalipuaba buoli kuli ki yedi ba: «Lebidi mani ki ŋa yi sanbiadi ki yaa kubi n *balimaama leni n ñoabona. Yin yaa ŋua mani n balimaama kuli cain, min den bili yi yaajanba po yaa balimaama ki soani n naacenba bi sawalipuaba ke bi waani yi yaama yeni.»

2 Bi Badiba 22:13

«Yin gedi mani ki buali Li Miali Diedo mini leni Juda yaaba kuli po, kelima ban laa yaa tili na maama po. Li Miali Diedo pali beni tipo boncianla, kelima ti yaajanba naa den tuo ki ŋua laa tili maama. Baa den tieni yaala n bili tipo lienni kuli.»

2 Bi Badiba 5:5

Sili bado yeni den goa ki yedi o: «Fii ki gedi Isalele yaaba dociamu Samali, n baa soani bi bado po li tili.» Lanwani Naama den taa ŋanjilifa kilo kobitaa leni wula kilo piiluoba leni badiliada piiga.

Esayi 5:5

Lanwani n baa teni yin bandi moala min baa soani n duven tiidi kuanu yaa tuonli. N baa fobi ku goangoangu ki lu yaa yandi n bua ban kua ki ŋmani, Yaa santagiba mo n baa, ban ŋma.

Esayi 57:1

O niteginka bodi Ke niloba ki kpaagi lipo. Bi cua ki taa yaa niba n tiendi mi ŋanma Ke oba ki ga yaala yaa po ke bi taa o niteginka Ke mi yebiadima n da baa o.

Jeremi 11:11

Lani n teni ke Li Miali Diedo yedi mine: «N teni ke fala n nandi ba. Bi kan fidi ki cia, Bi baa mua ki yaa diidi nni N mo nan kan cengi ba.

Jeremi 11:19

N den tie nani yaa pebiga yaa yama n dingi Ke bi caani ga u kodikaanu po yeni. Mii den bani ban den pia npo yaa yanjaga. Bi den tua: «Tin bolini bu tibu leni bu bonluonkaala, Tin ñani o bi nisaaliba siiga Ban da go taa o yeli moko!»

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 19:3

A baa yedi ba: «Juda diema badiba leni Jelusalema yaaba, cengi mani Li Miali Diedo Isalele Tienu, U Paaciamu Kuli Daano n yedi yaala: ‹N baa teni mi yebiadima n cua u naa kaanu, hali ke yua n gbadi li laabaalo kuli tuba n womi.›

Jeremi 25:2

Jelemi n den maadi leni Juda yaaba, Jelusalema yaaba kuli nintuali ki yedi:

Jeremi 25:5

Bi tua: ‹Yua kuli n ŋa o sangolimu ki cedi yi bontienkaala yaala n bia yeni. Lani n tie yin yaa ka yaa yogu n tu yaa yogu Li Miali Diedo n puni yinba leni yi yaajanba yaa diema nni.

Jeremi 26:13

Moala lebidi mani yi tagu leni yi tuongunda. Cengi mani Li Miali Diedo nialu, yeni Li Miali Diedo baa cedi wan bi jagi ke o baa tieni yi yaa bonbiadila yeni.

Jeremi 26:3

Daalinba bi baa cengi, yua kuli n ŋa o sanjagindi. Yeni, n baa lebidi min jagi ke n baa tieni ba yaa bonbiadila kelima bi tuongunda po.

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:22

Guani mani n kani, yinba yaaba n kan sedi kaanyendu yeni. N baa paagi yi leni yi yanlengidima Bi yedi: «Diidi ti kpendi a yaa kane, Fini n tie Li Miali Diedo ti Tienu.»

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 36:3

Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Jeremi 4:14

Jelusalema, ñani a pali nni mi biadima Lani n tie ŋan baa mi *faabima. Hali u laa yogunu yo ke a baa waagi Ki kubi a pali nni ti yantiabiadi?

Jeremi 4:23

N diidi ki tinga ki sua kaa pia nunga Puu ki ye ki niinni mo. N diidi tanpoli mo ki sua yenma ki go ye.

Jeremi 4:6

Baa mani yin baa sieni yaa maalima bonla Ki goa Siyono po. Sani mani! Da sedi mani! Kelima n teni ke mi yebiadima ñani nijienu po Ki kpendi leni li yuboancianli!

Jeremi 51:11

Li Miali Diedo pia yanjagili. Lani n tie ke o bua ki bolini Babilona. O fiini Medi yaa badiba yo n soani li tuonli. Li tie wan baa pa i panpaani yaa yogunu, Wan baa tu li panli o diegu po yaa yogunu. Luani mani yi piemi bonŋanla. Gbieni mani yi luona!

Jeremi 7:3

Li Miali Diedo U Paaciamu Kuli Daano, Isalele Tienu yedi: ‹Lebidi mani yi sani leni yi tuada Lani n tie min cedi yin yaa ye nekanba.›

Esekieli 13:22

Kelima yi faama po, yi den wudi o niteginka gbanu Baa ke mini nba ki den bua ki biidi o pali, Kelima yi paagi bi nibiadiba gbani Ke ban da lebidi bi yama ki ŋa bi *tuonbiadi ki yaa ye.

Esekieli 18:23

Mini o Diedo, Li Miali Diedo yedi: ‹Naani n bua o nibiado kuuma bi? Min sugini yaala ki tie wan lebidi o tagu ki yaa ye kaa?›

Jonasi 3:8

Bi niba leni ti yandi kuli n laa li paboanli tiadi, bi niba kuli n mia U Tienu leni bi fidu kukuli ki lebidi ki ŋa bi sanbiadi kuli leni bi nii n tiendi yaa biadima.

Mise 2:3

Li tie lani yaa po ke Li Miali Diedo yedi yaa maama n tie na: «Diidi, n jagi ke n baa teni fala n baa yaa nibuolu n tie na. Yi kan fidi ki ciadi, Laa yogunu yi kan go fidi ki yaani yi yula Ki cuoni leni ti japaadi, Kelima u yogunu yeni baa bia.

Sakari 1:3

Ama, moala, yin lebidi ki guani mani n kani, n moko baa guani yikani.

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

Jaki 4:13

Moala yin cengi mani n maama, yinba yaaba n tua: «Dinla, yaaka saala, ti baa fii ki gedi u naa dogu, yaaka une, ki ban bindi likani, ki yaa tiendi u kpendu ki ñu ti ñuadi.»

Jaki 5:1

Moala yinba a piada, yin cengi mani! Yin yaa buudi mani a bubupaala kelima yaa fala n baa baa yipo yaa po.