Jeremi 17:7 - Gourmanchéma Bible

⁷ Li seli ye leni yua n dugi Li Miali Diedo po, Ke Li Miali Diedo mo n tie o suginma!

U TIENU MAAMA TILI 2013

⁷ Li seli ye leni yua n dugi o Diedo po, Ke o Diedo mo n tie o dugidi!

Jeremi 17:7 ပူးပေါင်းရင်းမြစ်များ

Pisomi 125:1

Ban caa Jelusalema ki yiini yaa yanbu. Yaaba n dugi Li Miali Diedo po Tie nani Siyono juali yeni Yaali n kan begibi Ama ki se yogunu kuli ke li pa.

Pisomi 146:5

Li pamanli ye leni yua n pia Jakobo Tienu ke o tie o gaapo, Ki bili o suginma Li Miali Diedo o Tienu kani.

Pisomi 2:12

Pugi mani bijua, Wan da ti bieni o pali Ki teni yin bodi cain, Kelima o pabienli jaligi. Li pamanli ye leni yaaba n sani ki wuoni o kani.

Pisomi 20:8

Bi nitianba dugi bi toateliti po, Bi ne mo dugi bi taami po, Ama tinba wani dugi Li Miali Diedo ti Tienu yaa paalu po yo.

Pisomi 34:8

Li Miali Diedo maleki guu yaaba n fangi o kuli, Ki yen faabidi ba.

Pisomi 40:4

O kuani n ñoabu nni bu yanpanbu, Ti pagidi yanbu ti Tienu po. Yaaba n baa le ba baa baa li fangili. Ki bili bi dugidi Li Miali Diedo kani.

Pisomi 71:5

Kelima Li Miali Diedo n Tienu, fini n tie n suginma! N dugi apo hali n bonwaama nni.

Pisomi 84:12

Li Miali Diedo U Tienu n tie n yienu leni n gbankoandigu. Li Miali Diedo puuni li seli leni ti kpiagidi O kan muni mi yemanma yaaba n cuoni leni li papienli.

Mi Kpanjama 16:20

Yua n kpaagi U Tienu maama po baa baa mi yemanma, Yua n dugi Li Miali Diedo po mo baa yaa ye leni pamanli.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 61:3

N baa lebidi Siyono yaaba, Yaaba n ye li paboanli nni Ki pa ba ti kpiagidi lan lebidi mi fantanpienma kaanu Li pamanli tulale mo n ga li paboanli kaanu, Ti kpiagidi tiayiekaadi mo n ga li pabiidili kaanu Ke ban yaa yi ba mi *teginma ticiandi, Li Miali Diedo tiŋuuke, yi n baa doagidi o kpiagidi.

Jeremi 39:18

N baa teni ŋan cia ki jugisiega kan kpa ŋa. A baa ga a miali kelima a dugi npo.› Li Miali Diedo n yedi yeni.»

Danieli 3:28

Nebukanesa den yedi: «Sadilaki, Mesaki leni Abedi-Nego Tienu n baa ti kpiagidi, wani yua n soani o maleki ki faabi bani o naacenba yaaba n dugi opo ki yie mini o bado yaa ñoabonli. Bi luni bi miana kaa tuo ki kpiagi bontoala kuli se bi Tienu bebe.

Sofoni 3:12

N baa kubi yi siiga taliginba leni bi yumiindanba, Yaaba n bili bi suginma Li Miali Diedo kani, Ki baa yaa lingi bi wuonkaanu n yaa kani.

Efesa 1:12

O den tieni yeni ke tinba yaaba n den kpa bili ti suginma Kilisiti nni, n yaa pagi o.