Jeremi 17:4 - Gourmanchéma Bible

⁴ Yinba yiba n baa ŋa min den puni yi yaa diema. N baa taani ki teni yin tua yi yibalinba yonbi Yin kaa bani yaa diema nni Kelima yi teni ke n pabienli tua nani mi fantama yene. Mi baa yaa co yogunu kuli.

U TIENU MAAMA TILI 2013

⁴ Yinba yi ba n baa ŋaa Min den puni yi yaa diema. N baa taa yi ki teni yin tua Yi yibalinba yonbi, Yin kaa bani yaa diema nni, Kelima yi teni ke n pabienli tua Nani u mu yeni. U baa yaa co yogunu kuli.

Jeremi 17:4 ပူးပေါင်းရင်းမြစ်များ

1 Bi Badiba 9:7

n baa ñani Isalele yaaba min den puni ba yaa diema nni, n baa ŋa min den gagidi yaa jaandieli n kpiagidi po ne. Lanwani i nibuoli kuli baa yaa ñuadi ba ki laa ba.

2 Bi Badiba 25:21

Babilona bado den ku bikuli Libila yeni, Hamati diema nni. Bi den ñani Juda yaaba bi diema nni yene ki gedini ba ti yonbidi hali naani n foagi.

Nehemi 9:28

Ban den baa mi *faabima, Bi den goa ki cili ki tiendi yaala n bia a nintuali. Lanwani a go den teni ke bi yibalinba paadi ba. Ama bi didi go den mua ki mia ŋa Ke amo go den gbadi bi nialu hali tanpoli po. A niñingbadicianma po, a den faabi ba ke maa wa.

Esayi 14:3

Li Miali Diedo yaa puni a yaa daali mi fuodima, A coagingu leni a fala puoli po Leni ŋan den laa yaa fala ti yonbidi nni,

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yaba boncianla mi juuma po. Li Miali Diedo ñoabu fawaama n baa cuoni ti nani li cidibili yeni.

Esayi 5:25

Lani n teni ke Li Miali Diedo pali beni o niba po Ke o tandi o nuu ki pua ba. A juana wudi ki baa, Bi tinkpiba wuli i sani nni nani ti baadi yeni. Ama baa leni lani kuli o pali daa kuugi O nuu mo daa li baa tiani yo.

Esayi 50:11

Die yinba yaaba n cuondi mi fantama yeni kuli, Ki babali yaa piemi n naani leni mi fantama yeni, Kua mani yi fantama nni leni ki buaga nni, Yin cuoni yi piemi yi yeni yaa siiga. Li tie leni n nuu yaa paalu yo ke laa bonla nandi yi. Yi baa kpe fala nne.

Esayi 66:24

Lanwani yi yaa ña, yi baa le Ke yaa niba n den fiini npo mi yiema yeni kuli Kpe ki bili laala. Kelima bi sidibila kan kpe Bi fantama mo kan gbindi. Lanwani li baa tie nisaalimiali kuli po yaa bonla n gundi.»

Jeremi 12:7

N ŋa n diegu N ŋa n faali N ŋa n yibalinba nuu nni Min den bua yaala leni n pali kuli yeni.

Jeremi 15:14

N pali fii yipo nani yaa fantama cuo ki baa juu yeni. N baa teni yibalinba n gedini yi yin kaa bani yaa diema nni.»

Jeremi 16:13

N baa ñani yi mi naa diema nni, Ki lu yi, Yinba leni yi baanba kuli n ki bani yaa diema nni. Lankani li yensiinu leni li ñiagu kuli, Yi baa yaa kpiagidi i buli Kelima n kan gbadi yipo niñima.› »

Jeremi 18:23

Fini Li Miali Diedo bani ban lu yaa janbi kuli Ki bua ki kpa nni. Ŋan da tuo ki tieni sugili bi biadima po. Ŋan da duuni ki ñani bi *tuonbiadi a nintuali. Ban yaa jadibi a nintuali! Fii ki sedi bipo a pabienli daali!

Jeremi 2:14

Naani Isalele niba tie yonbi? Naani n mali ba ti yonbidi nne? Li nan ga lede ke bi fagi ba?

Jeremi 21:12

Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 22:28

Naani Konia tie tiamudingu Yaagu n ki go pia mayule? Naani o tie oba n ki go bua yaa tiagu yo? Be yaa po yo ke bi luni wani leni o puoliŋuani Ban kaa bani yaa diema nni?»

Jeremi 5:19

Li yaa tie ke yi yedi: «Be yaa po yo ke Li Miali Diedo ti Tienu tiendi ti line kuli?» Ŋan goa ki yedi ba: «Yaala n teni ke yi ŋa nni ki soani i *buli po yi docele nni yeni, Lani n teni ke yi baa soani bi canba po Yaa dogi n ki tie yi docele nni.»

Jeremi 5:29

Naani n kan fii ki sedi laa niba po? Naani n kan fii ki tu u naa nibuolu li panli? Mini Li Miali Diedo n yedi yeni.

Jeremi 7:20

Lani n teni ke n Diedo, Li Miali Diedo yedi mine: «Diidi n pabiencianli baa nandi u naa kaanu koatiidi, Li niba, li yandi, leni li tinga bonluonkaala kuli. Mi fantama baa yaa siagi la ki kan gbindi.»

Jeremi Bubula 1:12

Lan da tua mani yeni yinba yaaba n tagini u sanu kuli po. Diidi mani ki le, Li yaa pia yaa fala n naani n fala Ban waani nni yaa fala yeni. Li Miali Diedo teni ke n pali boandi O pabiencianli daali.

Jeremi Bubula 5:2

Bi canba ga ti faali. Bi fie baa leni ti diedi mo.

Esekieli 21:31

O Diedo, Li Miali Diedo maadi ki yedi mine: ‹Ban ñani wan yili yaa cabili yeni, ban ñani o badifogiliga. Li bonla kuli lebidi! Bi yumiindanba baa diedi yaa kaani n pa, bi paatieba mo n jiidi.

Esekieli 7:24

N baa teni yaa nibuoli n bia ki cie ba N cua ki fie bi diedi. N baa teni yaaba n pa yaa japaadi n baa u bianu, Ki teni bi jaandi kaanu n joagini.

Mi Tiadima 28:25

Li Miali Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sani lele yo ki sani bi nintuali. Yi baa yaa tie i jeje bonla ki tinga nibuoli kuli po.