Jeremi 17:13 - Gourmanchéma Bible

¹³ Li Miali Diedo, fini Isalele suginma Yaaba n ŋa ŋa kuli baa le i fe. Yaaba n foagidi leni nni kuli baa kpe. Kelima bi ŋa Li Miali Diedo yua n tie li miali ñinbunli.»

U TIENU MAAMA TILI 2013

¹³ O Diedo, fini Isidayeli suginma, Yaaba n ŋaa ŋa kuli baa le i fe. Yaaba n foagidi leni a kuli baa kpe, Kelima bi ŋaa o Diedo yua n tie Li miali ñinbunli.»

Jeremi 17:13 ပူးပေါင်းရင်းမြစ်များ

Pisomi 22:4

Ama a tie yaa Tienu n gagidi ki ŋani, A ka a bali kalikaanu po ke Isalele yaaba pagi a.

Pisomi 69:29

Duuni ki ñani bi yela li miali tili nni! Ban da coadi ki taani ba bi niteginkaaba po!

Pisomi 71:5

Kelima Li Miali Diedo n Tienu, fini n tie n suginma! N dugi apo hali n bonwaama nni.

Pisomi 73:27

Diidi, yaaba n sani ki foagidi a kani baa bodi, Yaaba n yie ŋa, a baa bolini ba.

Pisomi 97:7

Yaaba n kpiagidi i *buli Leni yaaba n duondi bi yula laa bonfanla po kuli baa fiagi. I buli mo kuli baa cua Ki labini Li Miali Diedo nintuali ki pugi o.

Mi Kpanjama 10:7

Bi tiadi o niteginka po leni li seli, Ama o nibiado wani, bi sundi baa o yeli.

Mi Kpanjama 14:14

Yaa nilo n ki ŋua U Tienu baa ga o tuona panpaani. O niŋamo mo baa baa o tuona ñuadi.

Esayi 1:28

Ama mi yebiadima baa ŋma Bi niyiekaaba leni ti tuonbiadi danba, Yaaba n ŋa Li Miali Diedo kuli mo baa bodi.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Jeremi 14:8

Fini yua n tie Isalele dugidi A tie gaapo li paboanli daali. Li ga lede ke a tie nani yaa caano N cua mi diema nni ki baa pendi yeni? Li ga lede ke a tie nani yua caa u dogu Ki tii o gbandieli ki baa duani ku ñiagu bebe po yeni?

Jeremi 17:17

Ŋan da tua yaala n jiendi nni Fini yua n tie n wuonkaanu fala daali yeni!

Jeremi 17:18

Teni i fe n cuo yaaba n sedi npo. Ama mini wani n da fiagi, Teni ban digibi, Ama mini wani n da digibi. Teni fala daali n cua bipo Teni fala buoli lie n taani ki cuo ba yenma.

Jeremi 17:5

Li Miali Diedo yedi nanda: «Ti solindi n yaa ye yua n dugi o nisaalilielo po, Ki taa o jigi kuli ki bili o nisaalo kani, Ki foagidi leni Li Miali Diedo!

Jeremi 19:4

Kelima bi ŋa nni ki teni ke u kaanu ne ki go pia bandima. Bi padi likani i *buli po a *dugibila, bi baanba leni Juda badiba leni bani biba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jeremi 2:17

Isalele, naani laa bonla ki tieni a Kelima a ŋa Li Miali Diedo a Tienu Yaa yogunu ke o den gobidi a o sanŋamu nni kaa?

Jeremi 50:7

Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba kelima bi tieni ti *tuonbiadi Li Miali Diedo mi *teginma daano po, Wani yua tie bi baanba suginma yeni.›

Esekieli 13:9

N nuu baa cuo yaa sawalipua-faadanba N baadi yaa bonlekaala n tie fanma Ki pua yaa sawalo n tie faama. Bi kan baa kaanu n niba taanli siiga. Bi yela mo kan diani Isalele yaaba yela tili nni. Bi kan goa ki kua Isalele yaaba diema nni. Lani, yi baa bandi ke n tie o Diedo, Li Miali Diedo.

Esekieli 16:63

Lanwani a baa tiadi yaala n den tieni puoli po, i fe baa co ŋa ke a kan go tuo ki yaadi a ñoabu. Ama n baa tieni apo sugili leni ŋan den tieni yaa biadima kuli. Mini o Diedo Li Miali Diedo n yedi yeni.»

Esekieli 36:32

Yin bandi la bonŋanla, ke laa tie yinba yaa po ka ke n tiendi la. O Diedo, Li Miali Diedo n yedi yeni. Yinba Isalele yaaba, li bi pundi i fe n cuo yi kelima yi tagu po.›

Danieli 12:2

Yaaba n goa a kula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Sakari 9:12

Yinba yaa kpaada n ye leni mi suginma, Lebidi ki kuni mani yi dogu po, Ban goa ki maa yu yaa bilini yeni. Dinla, n yedi yi, Ke n baa guani yipo hali taalima lie a sela, Yin laa yaa fala kuli po.

Luki 10:20

Baa yeni, yin da mangi mani yi pala kelima mu cicibiadimu tuo yi maama, ama yin mangi mani yi pala kelima bi diani yi yela tanpoli po.»

Jan n diani U Tienu Laabaaliŋamo maama 4:10

Jesu den goa ki yedi o: «A yaa bi bani U Tienu paabu n tie yaala, leni mini yua n yedi a: ‹Pa nni min ño› yeni n tie yua, fini n bi baa mia o. Lani o bi baa pa ŋa yaa ñima n pia li miali.»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jesu Tondiba Tuona 28:20

Lani yaa po ke n mia ki bua ki le yi ki go maadi leni yi. Kelima li tie Isalele yaaba suginma po ke n luo leni i kuseseli na.»

1 Timote 1:1

Mini Polo, n tie Jesu Kilisiti tondo kelima U Tienu ti Candaano yaa ñoabonli po, leni Jesu Kilisiti yua n tie ti suginma yaa po.

Mi Doagidima 20:15

Ban ki den laa yua yaa yeli ke li diani li miali tili nni kuli, bi den luni o u fantankpenu nni.

Mi Doagidima 21:6

O go den yedi nni: «Li gbeni. N tie Alifa leni Omega, mi cilima leni mi juodima. U ñunñuunu n pia yua kuli, n baa pa o wan ño li miali ñinbunli kani ki kan pa liba kuli.

Mi Doagidima 22:1

Lani maleki yeni den waani nni li miali kpenciamu yu n tie yengiyengi nani mi tanpenpelinma yeni, ke u ña U Tienu leni ki Pebiga bali kalikaanu kani.

Mi Doagidima 22:17

Mi Fuoma leni o Pocaano kuli yedi: «Cua na!» Yua n gba kuli moko n yedi: «Cua na!» U ñunñuunu n pia yua kuli n cua. Yua n bua kuli n cua, ki yaa ñu li miali ñima ke panpaani ki ye.

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»