Jeremi 16:6 - Gourmanchéma Bible

⁶ Li nikpela leni li bila kuli baa kpe mi naa diema nni. Bi kan baa piinma, Bi kan baa ban lu bi kudiegu, Oba kan kuo o yuli bipo, Ki buali nni ban be i be bipo.

U TIENU MAAMA TILI 2013

⁶ Li nikpela leni li bila kuli baa kpe mi naa diema nni. Bi kan baa piinma, bi kan baa ban lu bi kudiegu, oba kan kuo o yuli bi po, ki buali ban badi i be bi po.

Jeremi 16:6 ပူးပေါင်းရင်းမြစ်များ

2 Bi Badiba Jama 36:17

Lanwani Li Miali Diedo den teni ke Babilona bado gedi ki ku o leni ki jugisiega o diegu nni, li jawaaba, li jafanba leni li jakpela kuli ki naa ŋa oba kuli.

Esayi 22:12

O Diedo Li Miali Diedo U Paaciamu Kuli Daano yini yi dinla Ke yin mua ki wolini, Ki kuo yi yula ki yie li paboanli tiadi.

Esayi 24:2

Li tie yenme o kopadiciamo leni li nitaanli po, Canbaa leni o naacemo po, Cannaa leni o potuado po, Yua n kuadi leni yua daa po, Ban ledi yua yaa kani leni yua n baa ledi kuli po, Ban pia yua yaa panli leni o pandaano kuli po.

Jeremi 13:13

Lanwani ŋan yedi ba: ‹Li Miali Diedo maadi yaa maama n tie na: Diidi n baa teni mi naa diema niba kuli, bi badiba yaaba n kaa Dafidi bali gbandi po, ki tie o puoliŋuani, bi kopadicianba, bi sawalipuaba, leni Jelusalema niba kuli baa ño mi daama hali ki gaadi.›

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 41:5

Jaba piinii yaaba n den kuo bi langbiadi ki yie yaa tiadi n padi, ke bi gbani mo den jia jia den pundi Sikema, Silo leni Samali diema ki kubi bu paabu pada leni a *dugibila ki baa cuani la Li Miali Diedo diegu nni.

Jeremi 47:5

Gasa yaaba kuo bi yula kelima li paboanli po. Sagimuba ki go sagidi Asikaloni dogu nni. Yinba ti jaciandi yaadi n sieni yeni, Yi baa yaa baa badi yiba i be hali u laa yogunu yo?

Jeremi 48:37

Li paboanli teni ke bi niba kuo bi yula kuli, ki kuo bi langbiadi kuli, ki be bi nii kuli i be. Bi niba kuli laa ti paboantiadi.

Jeremi 7:29

Kuo ŋan den gagidi a yuli Ki bili yaa yudi yeni ki ban lu ti. Gedi a juana yula po ki wanli! Kelima Li Miali Diedo fali, O yama mo sii yaa nifiima n bieni o pali hali boncianla yeni po.›

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Levi 19:27

Yin da koagidi yunianu, ki da koagidi ki dagini yi langbiadi mo.

Levi 19:28

Yin da badi yiba be tinkpilo po. Yin da tutu yi gbanu po mo. N tie Li Miali Diedo.

Amosi 6:11

Li Miali Diedo ñani li ñoabonli ki yedi: «N baa teni a dieciama n tua tangbangbiana, N baa teni a diebila n pua i yiani.»

Matie 9:23

Jesu den pundi ki kua o yudaano yeni deni. Wan den sua ke ti baantiadi cua ki biga kuuma po ki piebi mu yelimu ke bi niba mo tiendi ku fuugu, o den yedi:

Mi Tiadima 14:1

Yi tie Li Miali Diedo yi Tienu yaa bijabe. Yin da jia yiba, ki da kuo yi yutuna li yaa tie ke kuuma kpe.

Mi Doagidima 20:12

N go den laa bi tinkpiba kuli, bi paatieba leni taliginba kuli, ke bi se u bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia ti buudi leni bi tinkpiba nani bi bontienkaala n den tie maama, ki ŋua ban den diani bipo yaala a tila yeni niinni.

Mi Doagidima 6:15

Ki tinga nni badiba, a nikpiaga, a minteela yudanba, a piada, bi paatieba, i yonbi leni yaaba n die bi yula kuli den sani ki wuoni ti tanlondi nni leni a juana tanciama nni.