Jeremi 16:18 - Gourmanchéma Bible

¹⁸ N baa pa ba bi *tuonbiadi panpaani figilima lie Bi tagili leni bi tuonbiadi po. Kelima bi *joagini n diema leni bi tuongunda, Leni bi cancaginbuli yi n kpe yeni.»

U TIENU MAAMA TILI 2013

¹⁸ N baa pa ba bi tuonbiadi panpaani taalimilie bi tagili leni bi tuonbiadi po, kelima bi joagini n diema leni bi tuongunda leni bi cancaginbuli yii n ki fo yeni.»

Jeremi 16:18 ပူးပေါင်းရင်းမြစ်များ

Pisomi 106:38

Bi den wuli yaaba n ki pia tagili soama Ki den taa bi bijaba leni bi bisiaba soama Ki padi Kanana yaaba buli po. Lani, mi diema den *joagini kelima li kukpali po.

Esayi 24:5

Ki tinga niba n biidi ki tinga Kelima bi den yen miidi li *balimaama, Ki lebidi a ñoabonbilikaana, Ki fidi yaa *ŋantaado n tie yaa yogu n tu yaa yogu kuli po.

Esayi 40:2

Maadi mani leni Jelusalema yaaba ki waani ba Ke bi janjanma gbeni, Ke bi baa sugili bi tagili po, Kelima bi baa U Tienu kani Bi *tuonbiadi panpaani figilima lie.»

Esayi 61:7

Yi baa baa yaa kpiagidi n yaba tin lebidi yi fe. Bi den fiagi yi ama moala, Yi pala mangi yin baa yaala yaa po. Yi diema nni, yi baa baa ki pugini pugini Yi pamanli mo baa ye hali yaa yogunu kuli.

Esayi 65:6

Diidi yaala n diani ki bili n nintuali: «N kan yaa ka ki ŋmini suo N baa tu li panli Ki guani ba bi panpaani.

Esayi 65:7

I tagili panpaani, Li Miali Diedo n yedi yeni Leni yi baanba tagili panpaani, Bani yaaba n den juugi a *dugibila a juana po Ki go den fiagidi nni a joabila po yeni. N baa pa ba bi panpaani bi tuonkpela po.»

Jeremi 17:18

Teni i fe n cuo yaaba n sedi npo. Ama mini wani n da fiagi, Teni ban digibi, Ama mini wani n da digibi. Teni fala daali n cua bipo Teni fala buoli lie n taani ki cuo ba yenma.

Jeremi 2:7

N cuani yi ti tiidi n dua yaa diema nni Ke yin baa ki ŋmani yaa bonluonkaala n mani, Ama yi cua ki teni ke n dogu *joagini Yi teni ke n faali diema kpandi ki tua cagindi bonla.

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 44:4

N tuuni yi kani n naacenba bi sawalipuaba u yogunu kuli ki naa cedi ke ban yedi yi: ‹Yin da tieni min nani yaa cancagintuona n tie na.›

Jeremi 7:30

Mini Li Miali Diedo yedi: ‹Juda bijaba tieni npo yaala n bia. N yeli n taagi naankani yene Ke bi cuani bi cancaginbonla ki joagini n diegu.

Esekieli 11:18

Bi baa guani lankane Ki ñani ban den tieni yaa tuongunda kuli Leni yaa cagindi kuli.

Esekieli 11:21

Ama yaaba yaa pala n mani bi cagindi leni bi tuongunda tienma po, N baa teni bi tuona n goa ki jiidi bi yula po. Mini o Diedo, Li Miali Diedo n yedi yeni.»

Esekieli 36:18

Lanwani n wuli bipo n pabienli kelima ban wuli yaa soama mi diema nni leni ban den padi yaa *buli po ki den joagini mi diema yeni.

Esekieli 5:11

Li tie lani yaa po mini o Diedo, Li Miali Diedo yua n fo yedi: ‹Nani ŋan *joagini n *kaangagidiŋamu leni a cagindi buoli kuli, leni a biadima buoli kuli yeni, mini moko kan gbadi apo niñima. A kan ŋmadi, n baa bolini a.

Ose Tili 9:7

«U Tienu n baa waani Isalele yaaba fala yaa dana pundi, Ti buudi dana pundi Mi biadima panpaani dana pundi.» Bi baa bandi la. Bi *tuonbiadi yabinu leni bi nanga teni ke bi tua: «U Tienu sawalipualo yama bodi, U Tienu n soani wani yua yeni tie nani o gaado yeni.»

Levi 26:30

N baa bolini yi buli yii n ye a juana po, ki go bolini yin den fiini ki sieni yaa nannana u yienu yaa jaandi po. N baa teni yi buli tinkpiba n dogini ki taani leni yi bucaba caba yeni. N baa nandi yi hali boncianla.

Mise 2:10

Fii mani ki yaa caa, Kelima nekanba kan go yaa tie yi fuodikaanu. Kelima yi tuonbiaciandi n baa cuani fala ne. Yen de, yaa fala n bia baa cua ne.

Mi Doagidima 18:6

Guani u nani wun den tieni yi maama, Ki pa u taalima lie wun den tieni yaala po. Wun den tieni duven yeni Yaa tadiñokaaga nni, Tieni mani upo yeni taalima lie.