Jeremi 15:7 - Gourmanchéma Bible

⁷ N baa lendi ba ki yayadi ba mi diema nni. N baa muni ba a bila, Ki teni n niba yaaba n naa lebidi ki ŋa bi sani yeni n bodi.

U TIENU MAAMA TILI 2013

⁷ N lendi ba ki yadi ba mi diema nni, N muni ba a bila, Ba leni lani kuli, bi naa lebidi ki ŋaa bi sani yeni.

Jeremi 15:7 ပူးပေါင်းရင်းမြစ်များ

Pisomi 1:4

Laa tie yeni ka bi nibiadiba po. Bi tie nani ku faagu n figi ki yadi yaa fengu yeni.

Esayi 41:16

Yi baa lendi ba, U faalu baa taa ba, O pinpinja mo n yadi ba. Ama yinba, yi baa mangi yi pala Li Miali Diedo po. Yi baa yaa kpiagidi yi yula Isalele Tienu Yua n Gagidi ki ŋani nni.

Esayi 9:12

Isalele yaaba naa guani U Tienu yua n pua ba kani. Bi naa lingi Li Miali Diedo U Paaciamu Kuli Daano.

Esayi 9:13

Lani n teni Li Miali Diedo baa jia Isalele diema nni li yuli leni li juoli kuli. Dayenli lige ke Li Miali Diedo jia bu kpakpalibu benu leni ku sabigu,

Jeremi 18:21

Lani yaa po ŋan teni mi koma n nandi bi bijaba. Ki kodi ba leni ki jugisiega. Teni bi puoba n luo a bila Ban tua kpepuona Mi kuuma n nandi bi ciaba Bi jawaaba mo n kpe bu toabu po.

Jeremi 5:3

Li Miali Diedo, ŋan bua yaala ki tie i moamoani kaa? A pua ba, laa koani ba mo. A nugi ba bonŋanla Bi yie baa ga a bangima, Bi juagi bi pala ki cie ku tangu. Bi yie ke bi kan lebidi bi yama.

Jeremi 51:2

N baa soani Babilona kani, yaaba n baa lendi o Ki yogidi yogidi o diema kuli. Kelima u nafanu n baa pua o yaa daali Bi baa ña i kaani kuli ki fii ki sedi opo.»

Jeremi 9:21

Li Miali Diedo ñoabonli nne: Bi niba baa kpe ki wudi nani ti bugidi yeni i kuani nni Nani ban yendi yaa dikala Ki luni yua n yendi puoli po yeni, Oba kuli kan nuadi ba.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Esekieli 24:25

Ama fini o ja na, yaa daali ke n baa ñani yaala n tie bi fidu leni bi pamanli leni ban bogidi bi yula leni yaa tiadi, leni bi nuni pamanli, leni ban bili bi jigidi leni bi suginma naankani, bi bijaba leni bi bisiaba,

Esekieli 36:12

Yinba n niba Isalele yaaba yeni, N baa teni yin yaa goadi mi diema nni i kaani kuli. Yi baa diedi mi diema Man tua yi faali, Mi diema yeni mo kan go suagi ki yaa di yi bila.»

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Matie 3:12

O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa fantama n kaa pia gbindima.»

Mi Tiadima 28:18

Ti solindi baa ŋua yi madi, yi kpaandi, yi ne leni yi yanbidi madi kuli.

Mi Tiadima 28:32

Bi baa taa yi bijaba leni yi bisiaba ki teni nibuotoe yi nunbu nni ban yaa ban laadi fala lipo daali kuli ke yi nan kan fidi ki tieni liba kuli.

Mi Tiadima 28:41

Yi baa maa a bonjala leni a bonpola, ama bi nan kan tua yi yaaba, kelima bi baa gedini ba ti yonbidi.