Jeremi 15:6 - Gourmanchéma Bible

⁶ A sundi npo! A buli nni a nunga! Lani n teni ke n tandi n nuu ki baa bolini a. N gbadi Jelusalema po mi niñima ki coagi.

U TIENU MAAMA TILI 2013

⁶ A sundi n po! A buli nni a nunga! Lani n teni ke n tandi n nuu ki baa bolini a. N gbadi Jerusalemi po mi ninñima ki coagi.

Jeremi 15:6 ပူးပေါင်းရင်းမြစ်များ

Esayi 1:4

Ŋain, li bia boncianla yinba ti *tuonbiadi danba po, Yinba yaa nibuolu yaa tagili n kandi, Yaa nibuolu n bia, yaa bila n jugi bi yula! Ki ŋa Li Miali Diedo, Ki nuali ki fali Isalele Tienu, Yua n Gagidi ki ŋani, Ki buli o ki nunga.

Esayi 28:13

Lanwani Li Miali Diedo maama baa tie bipo: «*Balimaama ki tu bali maama, Ñoabonbilikaana n tu ñoabonbilikaana. Waamu nekanba, waamu neponba.» Lani n tie bi yaa cuoni, ban tuudi ki baa, ki kua kua, Ku diagu mo n kpadi ki cuo ba.

Esayi 31:3

Ejipiti yaaba tie nisaaliba, baa cie yeni. Bi taami moko li tie taami bebe, baa mibi lankani. Li Miali Diedo yaa tandi o nuu Yua todi baa tuudi, Ban todi yua baa ŋmadi ki baa, Bikuli baa taani ki bodi.

Jeremi 1:16

N baa jia laa buudi leni ba Kelima bi biadima po, Kelima bi ŋa nni ki juu a *dugibila i *buli po, Ki gbaani ki pugi bi nii n tagi yaala.

Jeremi 13:14

Mini Li Miali Diedo yedi ke n baa taa ki pua ba leni biyaba ban mumudi ki taani bi bidanba leni bi bila kuli. Oba kan cia, o kan gbadi bi niñima. Pu kan teni ke o kan bolini ba.»

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jeremi 2:17

Isalele, naani laa bonla ki tieni a Kelima a ŋa Li Miali Diedo a Tienu Yaa yogunu ke o den gobidi a o sanŋamu nni kaa?

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 20:9

N yaa yedi ke n kan go maadi o maama Ke n kan go maadi o yeli nni, Li yen nani mi fantama n ye n pali nni ki co yeni, Ki didi go ye n kpaba nni mo yeni. N coagini n yuli ke n baa yaa kubi mi maama yeni, Ama n kan fidi.

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Jeremi 6:11

Li Miali Diedo pabiencianli ye leni nni N kubi li ki coagi mo. Li Miali Diedo yedi: «Wuli li yaa biga n puagi i sani nni po, Leni bi nipanba po. Kelima bi baa cuo o ja leni o pua Yaaba n kpeligi leni yaaba n podi bonŋanla kuli.»

Jeremi 6:12

N yaa fii ki sedi mi diema yaaba po, Nitoaba baa fie bi diena, Ki taani leni bi kuani leni bi puoba kuli.

Jeremi 6:19

Ki tinga, cengi bonŋanla! Diidi, mini n teni ke mi yebiadima ŋma bi naa niba, Li tie bi yanjagibiada panpaani yo. Kelima baa soangi bi yama ki ga n maama, Bi fali n *balimaama mo.

Jeremi 7:16

Fini, amo n da jaandi bi naa niba po Ŋan da kpaani, ŋan da jaandi bipo. Da cua n kani ki mia min todi ba, Kelima n kan cengi a maama.

Jeremi 7:24

Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

Jeremi 8:5

Be n teni ke Jelusalema niba jadi ki ŋa u sanu Kaa bani ban se naani? Bi suagi liiga leni i janbi Bi yie ke bi kan guani n kani.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Esekieli 14:9

Li yaa tie ke sawalipualo cedi ke bi tulini o ke o maadi o yuceli maama, mini n cedi ke o tieni yeni. N baa tandi n nuu ki cuo ki fu leni o, ki ñani o n niba Isalele yaaba siiga.

Esekieli 25:7

Lani yaa po, mini, N baa tandi n nuu ki yie yipo Ki taa yi ki teni i nilanbuoli. N baa ñani yi i nibuoli siiga. Yi kan go yaa pia diema, Min go bolini yi mo. Lani, yi baa bandi ke n tie Li Miali Diedo.»

Esekieli 35:3

Ki yedi ke mini o Diedo, Li Miali Diedo yedi mi ne: N baa cua ki baa yinba Edomi diema juana yaaba Ki doagidi yi kani n paalu Ki bolini mi diema ki teni ke niloba kan go yaa ye mi niinni, Lan go yaa tie paboanli kaanu.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 13:14

O, mini Li Miali Diedo n faabi laa niba bi tinkpiba yekaanu nni? Mini, n faabi laa niba mi kuuma nuu nni? Fini, mi kuuma, a jatiadi ye le? Fini, mi kuuma, waani a paalu yu n bolindi yeni. N kan gbadi laa niba po niñimaba kuli.

Ose Tili 4:16

Isalele yie nani yaa naañua n yie Ke bi kan dadi o yeni. Li baa ga lede min yaa kpaa ba nani a pebila yeni Yaa yankpaafuana n tandi kaa pia bianu yaa niinni?

Sofoni 1:4

Li Miali Diedo yedi: «N baa fii ki sedi Juda yaaba leni Jelusalema yaaba po. N baa ñani likani yaa bonla n sieni ki tie o *bulo*Baali yaala kuli. Baa yaa kopadicianba n den tuuni opo, Niloba kuli kan go tiadi bipo.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.