Jeremi 15:3 - Gourmanchéma Bible

³ N baa fii ki sedi bipo leni fala buoli naa: ‹Li Miali Diedo n yedi yeni Bu toabu baa cua ki kpa ba, I sangbanli n cua ki ŋmani, I yobili leni i tanboe mo n cua ki ŋmani ki go bolini ba.

U TIENU MAAMA TILI 2013

³ O Diedo n yedi: «N baa fii ki sedi bi po leni falabuolinaa. Bu toabu baa cua ki kpa ba, i sangbanli n cua ki ŋmani, i yobili leni i tanboe mo n cua ki ŋmani ki go bolini ba.

Jeremi 15:3 ပူးပေါင်းရင်းမြစ်များ

Pisomi 68:23

Li Miali Diedo yedi: «N baa ñani ba Basana diema nni ki guani ba. N baa dadi ki ñani ba hali mi ñincianma nni.

Esayi 18:6

Bi baa ŋa laa niba kuli a juana kaabi po leni ki tinga nni yandi po. I kaabi baa yaa jagi bi kpiema po ku siagu, Ki tinga mo yaa yandi kuli baa yaa jagi bipo ku fawaagu.

Jeremi 12:9

N faali tie npo nani o kaabo Ke o lieba kuli taani ki bua ki je o yeni. Gedi mani ki ban taani ku muagu nni yandi kuli Ki cuani ti mi jaanjiema po.

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 14:16

Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 7:33

Bi naa niba tinkpiba baa tua jiema tanpoli nuani leni ki tinga yandi po Niloba kan cua ki yagi bi yama.

Jeremi Bubula 3:11

O teni ke n lebidi, O cuo nni ki toatoadi Ki ŋa nni leni li paboanli.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 33:27

Diidi ŋan baa yedi ba yaala nne: ‹O Diedo, Li Miali Diedo yua n fo yedi mine: Ki jugisiega baa kpa yaaba n ye a diewudima nni. Ti fuayandi baa ŋmani yaaba n sieni ki ye i kuani nni. U yianbiadipuodiko mo n kpa yaaba n ye a juana nni leni ti joaloandi nni.

Levi 26:16

diidi min baa tieni yi yaala: N baa yagi yi yama boncianla, ki teni ku dondongu leni ti ñinwadi, laa yiani yii n baa teni yi nuni n tadigi, ki go je yi miana. Yi baa ko fanma fanma kelima yi yibalinba baa je yi bonbaakaala.

Levi 26:22

N baa soani ti fuayandi yi kani tin fii yipo ki kpa yi bila ki go bolini yi yandi. Yi niba baa wadi. Yi sani nni mo kan go yaa pia niba.

Levi 26:25

N baa teni yaa jugisiega n baa tu li panli n cua ki tu yi panpaani n ŋantaado miidima po. Yi yaa taani ki kua yi dociamu nni, n baa soani u yianbiadipuodiko yi siiga, ki go taa yi ki teni yi, yi yibalinba nuu nni.

Amosi 5:19

Li baa yaa naani leni yaa nilo n tiini o yangbanlo, Ki tuogi yaa fuayanbiadiga n yi ulisi, Bi wan sani ki pundi o deni ki ñii o nuu li goanli po, O wa mo n ñidi o.

Mi Tiadima 28:26

Yi tinkpiba baa tua tanpoli nuani leni ki tinga bonfuoda po jiema. Li kan baa yaa nilo n baa yagi bi yama mo.

Mi Tiadima 32:24

Mi koma baa duoli ba, Ti ñinwadi mo n faligi ba, U yianbiadu n tadigi ba. N baa soani ti yanbiaditi n ŋmani ba, I webiadi mo n ñidi ba.

Mi Doagidima 6:8

N den diidi ki laa yaa taamo n bua ki yaa tie suudi yeni. Yua n den jagi o yeli yi mi Kuuma, ke bi tinkpiba diema den ye o puoli. Bi den puni ba u paalu ki tinga kaannaadi kuli siiga kaanyendu, ban kpa likani yaaba leni ki jugisiega leni mi koncianma leni u yianbiadipuodiko leni ki tinga fuayanbiaditi.