Jeremi 15:2 - Gourmanchéma Bible

² Lanwani bi yaa yedi a: ‹Ti baa gedi le?› Ŋan guani ba: Li Miali Diedo yedi nanda: Mi kuuma n je man baa je yua, Bu toabu n je bun baa je yua, Mi koma n je man baa je yua, Ti yonbidi mo n taa tin baa taa yua!

U TIENU MAAMA TILI 2013

² Lanwani, bi yaa yedi a: ‹Ti baa gedi le?› Ŋan guani ba: o Diedo yedi daa: Mi kuuma n je man baa je yua, Bu toabu n je bun baa je yua, Mi koma n je man baa je yua, Ti yonbidi mo n taa tin baa taa yua!»

Jeremi 15:2 ပူးပေါင်းရင်းမြစ်များ

Esayi 10:4

Yaala n sieni bebe n tie yin godi ki buani a kpaada siiga Ki go ŋmadi ki baa ki kpe ban ku yaaba siiga. Baa leni lani kuli Li Miali Diedo pabienli daa kuugi bipo O nuu mo baa tiani ki baa waani ba fala.

Esayi 24:18

Yua n gbadi ku fuugu ki jie ki sani O baa baa ku buogu nni. Yua mo n duobi ku buogu nni ki baa ña, Baa baa i taali nni. Kelima tanpoli diebona luodi Ki tinga tanpuuna mo digibi.

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 14:16

Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 19:7

Lankane n baa bolini Juda leni Jelusalema yaaba juogu. N baa teni bi yibalinba yaaba n ki gba niñima yeni jugisiemu n kpa ba. N baa teni i yobili leni i tanboe n ŋmani bi tinkpiba.

Jeremi 43:11

O baa cua ki pua Ejipiti diema. Mi kuuma baa taa bine, bine n gedi ti yonbidi, ki jugisiega mo baa je bine.

Esekieli 12:11

Yedi ba daa ke a tieni yeni Ki bua ki waani ba yaala n baa baa ba. Bi baa cuo ki gedini ba ti yonbidi.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 33:27

Diidi ŋan baa yedi ba yaala nne: ‹O Diedo, Li Miali Diedo yua n fo yedi mine: Ki jugisiega baa kpa yaaba n ye a diewudima nni. Ti fuayandi baa ŋmani yaaba n sieni ki ye i kuani nni. U yianbiadipuodiko mo n kpa yaaba n ye a juana nni leni ti joaloandi nni.

Esekieli 5:12

U yianbiadipuodiko leni mi koma baa kpa a niba siiga cagiyenli. A gaani lindima, mi koma baa baa li cagilieli. N baa yadi yadi li cagitaali i kaani kuli ki noadi n jugisiega ki ŋoadi li puoli.

Esekieli 5:2

Yaala n waani ke bi baa u dogu bu toabu yeni yaa dana yaa gbeni, ŋan taa kaanyendu ki juu u dogu siiga mi fantama nni. Ŋan taa u kaanlielu mo, ki jia jia ti leni ki jugisiega ki yadi yadi ti u dogu lindima kuli. Ŋan taa u kaantaalu mo ki yadi yadi ti u faalu nni, ke n baa ŋoadi ti puoli leni ki jugisiega.

Danieli 9:12

A tieni ti ŋan den yedi ke a baa tieni tinba leni yaa batieba n die ti kuli yaala. A luni ti o falabiado. Yaa fala n tieni Jelusalema nni buolu daa kpa tieni kaanuba ŋanduna nni.

Amosi 5:19

Li baa yaa naani leni yaa nilo n tiini o yangbanlo, Ki tuogi yaa fuayanbiadiga n yi ulisi, Bi wan sani ki pundi o deni ki ñii o nuu li goanli po, O wa mo n ñidi o.

Sakari 11:9

Lanwani n den yedi i pe yeni: «N kan go kpaa yi. Yua n baa kpe wan kpe. Yua n baa bodi, wan bodi. Yaa pe n sieni mo yaa fidi, ban ŋmani biyaba.»

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa o mo leni ki jugisiega. Lani yaa po yo ke li pundi bi nigagidiŋanba n yaa pia li juunli ki se leni *dandanli.