Jeremi 15:1 - Gourmanchéma Bible

¹ Li Miali Diedo den yedi nni: «Baa Musa leni Samueli yaa cua n kani, N yama kan guani bi naa niba kani. Deli ba ban foagidi n kani Ban yaa caa!

U TIENU MAAMA TILI 2013

¹ O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Jeremi 15:1 ပူးပေါင်းရင်းမြစ်များ

Mi cilima 19:27

Abalahama den yagidi ki fii ki baa gedi yaa kaanu ke o den se Li Miali Diedo nintuali.

2 Bi Badiba 17:20

Lanwani Li Miali Diedo den yie Isalele nibuoli kuli ki faligi ba. O den taa ba ki teni yaaba n fenli ba yaa nuu nni, ki deli ba ki ñani o nintuali.

Pisomi 106:23

O den jagi ke o baa bolini ba Ama Musa wan den gandi yua yeni Den fii ki jiini wani U Tienu pali Ki teni ke waa bolini bikuli cain.

Pisomi 99:6

O kopadicianba siiga Musa leni Alono Leni yaaba n taagi Li Miali Diedo yeli siiga, Samueli, Den yaadi bi ñoana ki mia Li Miali Diedo, Ke o den guani bipo.

Mi Kpanjama 14:35

O bado pagi yaa naacemo n pia mi yanfuoma, Ama o pabienli ye yua n kpendinni i fe po.

Jeremi 10:18

Diidi Li Miali Diedo yedi mine: «N baa lugidi mi diema yaaba Nani ku tanbuncaangu yeni. N baa mabini ba bonŋanla, Ki teni ban nandi ba.»

Jeremi 11:14

Fini, da jaandi laa niba po Da kpaani ki mia bipo, da jaandi bipo. Kelima mii cengi ba, bi yaa miadi n todima bi yebiadima po.

Jeremi 14:11

Li Miali Diedo yedi nni: «Da jaandi bi naa niba po Da jaandi bi ŋamu po.

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 15:19

Lani n teni ke Li Miali Diedo maadi nanda: «A yaa guani n kani, N baa goa ki taa ŋa, Ŋan yaa tuuni npo.» A yaa paadi yaala n pia li mayuli leni yaala n ki pia, A baa yaa tie nani n ñoabu yeni, Bani n baa guani a kani, Laa tie fini ka n guani bikani.

Jeremi 16:13

N baa ñani yi mi naa diema nni, Ki lu yi, Yinba leni yi baanba kuli n ki bani yaa diema nni. Lankani li yensiinu leni li ñiagu kuli, Yi baa yaa kpiagidi i buli Kelima n kan gbadi yipo niñima.› »

Jeremi 16:5

Li Miali Diedo yedi nanda: «Da kua kuuma n kpe yaa diegu nni, Da gedi kudiegu Da mua bipo ŋain! Kelima n ñani n yanduanma laa niba siiga, Ki taani leni n ŋanma leni n niñingbadima kuli.

Jeremi 18:20

Naani mi biadima n baa pa mi ŋanma panpaani? Ama bani wani gbini ku buogu ki baa ñani n miali. Tiadi ke n cua ki sedi a nintuali Ki baa maadi ki ŋanbi bipo, Ki teni a pabiencianli n da nandi ba.

Jeremi 22:28

Naani Konia tie tiamudingu Yaagu n ki go pia mayule? Naani o tie oba n ki go bua yaa tiagu yo? Be yaa po yo ke bi luni wani leni o puoliŋuani Ban kaa bani yaa diema nni?»

Jeremi 23:39

Kelima lani yaa po n baa ña yi maama nni cain. Yinba leni u dogu kuli, n baa lu yi foagima min den puni yi yu, yinba leni yi baanba.

Jeremi 35:19

lani yaa po Li Miali Diedo U Paaciamu Kuli Daano Isalele Tienu yedi ke Lekabi bijua Yonadabi, kan luo yaa puoliŋuani n baa yaa ye ne n nintuali.› Lani n tie Li Miali Diedo Isalele Tienu n yedi yaala.»

Jeremi 52:3

Yaala n den tiendi Jelusalema dogu nni leni Juda diema nni kuli den taani ki biendi Li Miali Diedo pali, hali yaala ke o den ñani bi maama nni cain. Sedesiasi den fiini mi yiema Babilona bado Nebukanesa po.

Jeremi 9:19

Bi puoba, cengi mani Li Miali Diedo maama Yi tuba mo n gbadi o ñoabu n yedi yaala. Bangi mani yi bisiaba ban baa yaa mua ki figindi maama. Bangi mani yiyaba i wanli n wanli maama.

Esekieli 14:14

Baa yaa nitaadiba n yene: Nowe, Danieli leni Joba yaa ye laa diema nni, bi baa faabi bi yaa miana bebe kelima bi*teginma po. Mini o Diedo, Li Miali Diedo n yedi yeni.

Esekieli 22:30

N lingi bi siiga yaa niba n baa maa u bilinu ki ga ba, yua n baa fii ki sedi n nintuali u bilinu n padi naankani, ki jaandi mi diema po ke man da bodi. Ama mii laa oba kuli.

Ose Tili 9:15

Bi biadima kuli den doagidi Giligali dogu nni, Lankane ke n den cili ki yie ba. N baa deli ki ñani ba n diema nni, Kelima bi tuona n bia maama po. N kan go bua ba. Bi yudanba kuli tie niyiekaaba.

Sakari 3:3

Josue den laa tiajoaginde ki se Maleki nintuali.

Mi Tiadima 9:26

N den mia Li Miali Diedo ki yedi o: ‹N Diedo Li Miali Diedo, ŋan da bolini a nibuolu yu n tie a piama, ŋan den faabi yu a yabinu nni ki den ñani u Ejipiti nni leni a paaciamu.

Hebilunba 9:24

Kelima Kilisiti ki den kua bi nisaaliba n tii yaa kaangagidiŋamu yu n tie u bonmoanu nannanli niinni ka. O den kua tanpoli oba yaa niinni, ki baa ye U Tienu kani moala ki miadi o tipo.

Bi Bujiaba 5:9

N pali mani Isalele yaaba toatieba yudanba po, Leni Isalele yaaba siiga yaaba n den kuani bi yula bu toabu nni bi yama. Yin jaandi mani ki kpiagi Li Miali Diedo.

1 Samueli 12:19

Bi niba kuli den yedi Samueli: «Mia Li Miali Diedo a Tienu tinba a naacenba po ke tin da kpe. Kelima tin mia ban dini tipo o bado yeni, ti tieni ti tuonbiadi ki pugini tin tieni yaa tuonbiadi kuli po.»

1 Samueli 12:23

Mini mo, Li Miali Diedo n faabi nni min da tieni opo yaa tuonbiadi n tie na, lani n tie ki cedi ki kan yaa jaandi ki miadi o yipo. N baa yaa bangi yi yaa sanu n ŋani ki go tiegi.

1 Samueli 7:9

Samueli den taa yaa pebiga n da ŋaani ki padi ga ki juu ga bonmunli li padijuukaali Li Miali Diedo po. O den kpaani ki mia Li Miali Diedo Isalele yaaba po ke wani Li Miali Diedo ga o miabu.