Jeremi 14:9 - Gourmanchéma Bible

⁹ Be n teni ke a tie nani yaa ja yaa pali n biidi yeni Nani yaa jakoando n kan fidi ki faabi oba kuli yeni? Baa leni lankuli, Li Miali Diedo, a ye ti siiga, Ti taagi a yeli. Ŋan da lu ki diani ti.»

U TIENU MAAMA TILI 2013

⁹ Be n teni ke a tie nani yaa joa yaa pali n biidi yeni, Nani yaa jakoando n kan fidi ki faabi oba kuli yeni? Ba leni lani kuli, o Diedo, a ye ti siiga, Ti taagi a yeli. Ŋan da lu ki diani ti.»

Jeremi 14:9 ပူးပေါင်းရင်းမြစ်များ

2 Bi Badiba Jama 7:14

yinba n niba, n yeli n ye yaaba yaa siiga yeni, yaa miini yi yula ki jaandi ki go lingi nni, ki lebidi ki ŋa yi tagibiadi, mini yua n ye hali tanpoli, n baa cengi yi, ki pa yi sugili yi *tuonbiadi po, ki go guani yi yi diema baali.

Pisomi 10:1

Li Miali Diedo be n teni ke a ban se foagima? Be n teni ke a wuoni li paboanli daali?

Pisomi 27:9

Da buli nni a nunga Ki da bieni a pali ki deli mini a naacemo. Fini n tie n todika Da foagidi n kani, da ŋaa nni, U Tienu yua n tie n faabima.

Pisomi 46:5

U kpenciamu ye ke u boantaana kpendinni Li pamanli U Tienu dogu nni, Leni tanpoli Tienu *kaangagidiŋanmoanu nni.

Esayi 12:6

Kpaani ki doagidi a pamanli fini yua n ye Siyono nni, Kelima Isalele Tienu wani Yua n Gagidi ki ŋani yeni yaba boncianla. O ye o niba siiga mo.

Esayi 43:7

Mini leni yua n taa yeli kuli Mini n tagi yua Ki tieni ki go ŋanbi o n kpiagidi po yeni Guani o mani.»

Esayi 51:9

Fundi, Li Miali Diedo! Fundi! Fundi tontoni leni a buagu n den pia yaa fidu! Fundi nani u yogu nni Nani yaa nifiima n pendi yogu nni yeni! Fini ka den pua ki guli Ejipiti Ki den muu o bonfuodibiado?

Esayi 59:1

Li Miali Diedo nuu naa koabi ki kandi ki kan fidi ki faabi O tubili mo naa kpagi ki kandi ki kan fidi ki gbadi.

Esayi 63:19

Li waagi ke ti tie nani ŋan kaa gobidi yaaba yeni, A yeli n ki maa yaaba yaa po yeni. Ŋain, diidi ki le! Li yaa bi tie ke a dadi ki padi ti tawadi ki bi jiidi yo, Se a juana n yaa bi padi ki baali a nintuali.

Jeremi 15:16

N yaa li gbadi a maama kuli, N li yen ga ma hali bonŋanla. A maama yeni mani ki go nuagi npo bonŋanla, Kelima fini Li Miali Diedo U Paaciamu Kuli Daano n die nni. A yeli mo ye n niinni.

Jeremi 51:5

Kelima Isalele leni Juda Tienu naa bodi, Bi naa luo Li Miali Diedo U Paaciamu Kuli Daano, Baa ke bi diema tudi hali boncianla, Li Miali Diedo Isalele Tienu Yua n Gagidi ki ŋani po.

Jeremi 8:19

Cengi mani n niba ñiindi Yi n ña hali foagima: «Naani Li Miali Diedo ki go ye Siyono yo? Naani u dogu ki go pia bado yo? Be yaa po yo ke bi biidi n pali leni bi buli? Yaa bonyuodi n tie nibuotoe yaa bonla?»

Jeremi Bubula 5:20

Li ga lede Ke a baa sundi tipo Yaa yogu n tu yaa yogu? Naani a baa lu ki diani ti ti miali yema kuli nni?

Esekieli 48:35

Yaa bilini n baa gaani ki lindi u dogu kuli baa taani ki yaa tie piiga n nukpanduna tudanii (18 000). Lanwani ki cili hali laa daali, u dogu yeli baa tie: ‹Li Miali Diedo ye nekanba.› »

Habakuki 1:2

«Li Miali Diedo, n baa yaa kpaani ki miadi a todima Hali ki ban tuoni u laa yogunu yo ŋan cengi nni? N baa yaa kpaani ki miadi a ki ban tuoni u laa yogunu yo Ŋan faabi ti yaaba n faligidi ti nuu nni?

Sakari 2:5

Li bonlekataala nni, n den laa ja ke o se ki kubi baabibiigiko.

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Mi Coadima 11:23

Li Miali Diedo den goa ki yedi Musa: «Naani mini Li Miali Diedo paalu pia u bianu? Ne leni yogunu waamu, a baa le min yedi yaala yaa baa tieni bi li yaa kan tieni.»

Jesu Tondiba Tuona 15:17

Lanwani yaa nisaaliba n sieni kuli baa lingi o Diedo, Bani min yini yaaba ke ban tua n niba yeni.

2 Korenti 6:16

U Tienu diegu pia be ŋantaado leni i *buli? Tinba mo n tie U Tienu yua n fo dieli, nani U Tienu wani oba n yedi maama: «N baa ye leni ba ki cuoni bi siiga ki tie bi Tienu, Bi mo baa tie n niba.

Mi Tiadima 23:14

Yua kuli baa yaa pia o tiadi nni li bongbiidikaala, yi yaa ñani ki cuoni yaa yogunu, yin gbiidi ki buoga, ki yuandi ki piini yi bindi.

Mi Tiadima 28:10

Ki tinga nibuoli kuli baa le ke Li Miali Diedo yeli ye yi siiga, lani bi baa yaa fangi o.

Hebilunba 13:5

Yin da pa mani yi yula i ligi buama po. Ama yin yaa mangidi yi pala leni yin pia yaala moala kelima U Tienu yedi: «N kan ŋa ŋa, N kan lu ŋa hali abada.»

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.

1 Samueli 12:22

Kelima Li Miali Diedo yeli n pia yaa kpiagiciandi yaa po, o kan ŋa yi, kelima o den jagi o yama po ke yi baa tua o yaa niba.