Jeremi 14:22 - Gourmanchéma Bible

²² Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

U TIENU MAAMA TILI 2013

²² Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Jeremi 14:22 ပူးပေါင်းရင်းမြစ်များ

1 Bi Badiba 17:1

*Elia, yua n den ñani Tisibe dogu nni ki ye Galaadi diema nni, den yedi Isalele yaaba bado Akabi: «N tie Li Miali Diedo Isalele yaaba Tienu yua n ye ki fo yaa naacemo. Hali U Tienu po, taaga kan go mii, mangu mo kan go luoni yaa bina n tie ne, se n mia.»

1 Bi Badiba 17:14

Kelima Li Miali Diedo Isalele yaaba Tienu yedi mine: ‹Mi yoma kan luo ki yiega nni, mi kpama mo kan luo li cuali nni, hali Li Miali Diedo n baa teni ki taaga n mii yaa daali.› »

1 Bi Badiba 18:1

U yogunu boncianla den pendi. U yialu bintaali binli, Li Miali Diedo go den yedi *Elia: «Fii ki gedi o bado Akabi kani kelima n baa teni ki taaga n mii.

1 Bi Badiba 8:36

fini yua n ye hali tanpoli n cengi ba ki pa sugili a naacenba leni a niba Isalele yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mii mi diema po, ŋan den puni a niba yaa diema ke mi tie bi piama yeni.

Jobi 28:26

Wan den bili li *bali maama ki taaga po, Ki bili u sanu mi tañigima leni i tatantani po yaa yogunu,

Jobi 5:10

Wani n teni ke ki taaga mii u tingbanu po, Ki teni ke mi ñima soangidi i kuani.

Pisomi 130:5

N dugi Li Miali Diedo po yo leni n pali kuli, N dugi o maama po.

Pisomi 135:7

O yen teni ti tawadi n fii hali ki tinga bianu po, O yen teni i tañigi n tieni ki taaga nni Ki teni u faalu mo n luodi.

Pisomi 147:8

O pini tanpoli leni ti tawadi Ki bogindi ki taaga ki tinga po Ki tendi ke ti muadi mo pudi a juana po.

Pisomi 25:21

Mi teginma leni li papienli n kubi nni, Kelima n bili n suginma a yaa kane!

Pisomi 25:3

Yaaba n dugi apo kuli kan le fe. I fe baa cuo yaaba n janbidi a fanma fanma.

Pisomi 27:14

Dugi Li Miali Diedo po! Paagi aba, ki paagi a pali! Dugi Li Miali Diedo po!

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 30:23

Lanwani o baa ŋa ki taaga a bonbulikaala po Ki tinga mo n baa luoni yaa bonluonkaala baa yaa yaba ki go mani mo. Laa daali a yangola baa gedi ki ban ŋmani yaa yankpaakaani n yaba nni.

Esayi 41:29

Diidi bikuli tie fanma bebe Bi tuona mo kuli tie fanma bebe, Bi buli kuli tie fanma leni yaala n ki ye.»

Jeremi 10:12

O tagi ki tinga leni o paaciamu. O tagi ki tinga leni o yanfuoma. Leni o yanfuome ke o tandi ti tawadi.

Jeremi 10:13

O yaa li yedi mayenma Mi ñima yen sani ki taani tanpoli. O yen teni ti tawadi n ban fii u tinbianu po ki do tanpoli. O yen teni i tañigi n tieni ki taaga po. O den ñani u faalu wun wuo naani.

Jeremi 10:15

Baa pia mayuli Bi cila pia ti laadi, Bi baa bodi, Bi fala yaa cua yaa daali.

Jeremi 10:3

Laa nibuoli bogida ki pia fuomaba kuli. Bi yen pedi bu tibu li fuali nni, O tuonsoanbando n taa li yali ki kpie bu bonŋanla.

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 5:12

Bi pia i boandi Li Miali Diedo po Bi tua Li Miali Diedo ki ye. Fala mo kan baa ti Koma kan baa ti ki buali toabu.

Jeremi 5:24

Baa tua bi pala nni: «Tin fangi mani Li Miali Diedo ti Tienu, Yua n puuni ki taaga ki yogunu Ki takpiaga leni ki tayuankaaga Ki puuni ti dana lele u jetaagu po.»

Jeremi 51:16

O yaa maadi se mi ñima n dogini ti tawadi nni. O yen teni ti tawadi n fii Ki tieni mi tañigima ki taaga po. O yen ñani u tafaalu wun ye naani.

Ose Tili 2:7

Bi naa puni o yuli mi conconma po, Wani yua n mali ba yeni tiendi yaala n pia i fe, Ki tua: ‹N baa yaa ŋua n jaconcona, Bani yaaba n puuni nni n jiema leni n ñima, N pekobidi leni n *len, N kpama leni n daama.›

Joeli 2:23

Yinba Siyono yaaba mo, yin mangi yi pala, Kelima Li Miali Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Amosi 4:7

N den yie yipo ki sieni ki taaga Hali ke u jetaagu da sieni ŋmaali taa. N den yen teni ke ki taaga n mii u naa dogu nni Ki lagidi ki ŋa u naa dogu. N den yen teni ki taaga n mii u naa kuanu nni, Ki cedi u naa kuanu mo n luo ga ki kuodi.

Mise 5:6

Lanyogunu Jakobo puoliŋuani yi n sieni Baa ye yaa nibuoli n yaba siiga. Nani yaa mangu n ña Li Miali Diedo kani ki kuugi, Nani ki taaga n mini ki ŋa yaa ñinboala ti muadi po yeni, Ki taaga yeni naa guu bi niba kani liba. Bi nisaaliba mo ka cuani ga.

Mise 7:7

Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

Matie 5:45

Yeni yi baa tie yi Baa yua n ye tanpoli bila, kelima o yen tendi ke o yienu pudi bi nibiadiba leni bi niŋanba kuli po, ki yen tendi ke ki taaga mii bi niteginkaaba leni yaaba n ki tiegi kuli po.

Mi Tiadima 28:12

Li Miali Diedo baa luodi yipo o ŋalimanŋamo, ki yaa tuuni yi diema po ki taaga ki yogunu, ki seligi yi nii tuona kuli. Nibuotoe n baa kpendi ki ledi yi kani, yinba wani, yi kan ledi oba kuli kani.

Mi Tiadima 32:21

Bi fiini n nunponli leni yaala n ki tie Tienu Ki fiini n pali leni bi buli yi n tie fanma po Mini mo n baa fiini bi yaa nunponli leni yaa nibuolu n ki tie nibuomoanu po, N baa fiini bi pala leni yaa nibuolu n naa pia yama po.