Jeremi 14:19 - Gourmanchéma Bible

¹⁹ Naani a luni ki diani Juda cain yo? Naani a pali kuli fa Siyono po bii? Be yaa po yo ke a pua ti Ke gaapo naa ye tipo? Ti bi daani mi yanduanma, Ama bonŋanliba kuli ki ye. Ti den daani laafia, Ti jawaandi bebe n cua ki taani ti!

U TIENU MAAMA TILI 2013

¹⁹ Naani a luni ki diani Juda cain yo? Naani a pali kuli fa Siyon po yo? Be yaa po yo ke a pua ti, Ke gaapo naa ye ti po? Ti bi daani mi yanduanma, Ama bonŋanliba kuli ki ye. Ti den daani laafia, Ama ti jawaandi bebe n cua ki taani ti!

Jeremi 14:19 ပူးပေါင်းရင်းမြစ်များ

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o sawalipuaba, hali ke Li Miali Diedo pali den fii o niba po ke laa go pia sugili.

Jobi 30:26

N yema nni n den miadi mi yemanma Ama mi yebiadima mo nan cua. N den guu mi yenma ke li *biigili mo n nan cua.

Pisomi 78:59

U Tienu n den laa laa bonla, O pali den biidi boncianla ke o yama den sii Isalele yaaba.

Pisomi 89:38

O baa yaa ye yaa yogunu kuli nani o ŋmaalo yeni. Wani yaa siedo n ye tanpoli po yeni tie nidugika.

Mi Kpanjama 29:1

Ban tundi yua ke o yiedi yogunu kuli, Bi baa ti pua ki mudi o yenme ke laa pia ñoagu.

Jeremi 12:7

N ŋa n diegu N ŋa n faali N ŋa n yibalinba nuu nni Min den bua yaala leni n pali kuli yeni.

Jeremi 12:8

N faali tua npo nani o yangbanlo li fuali nni yeni. O yie npo ki duni hali boncianla. Lani n teni ke mii go bua li.

Jeremi 15:1

Li Miali Diedo den yedi nni: «Baa Musa leni Samueli yaa cua n kani, N yama kan guani bi naa niba kani. Deli ba ban foagidi n kani Ban yaa caa!

Jeremi 15:18

Be n teni ke n fala ki pia gbenma? Be n teni ke n nali mo kan soangi? Li naa bua ki paagi yo? Naani a baa yaa tie npo yogunu kuli li pabiidili bonla yo? Naani a baa go tie npo nani yaa ñima n ki pia ŋan dugi mipo yeni yo?

Jeremi 30:12

Li Miali Diedo maadi mine: «A yebiadima ki pia lebidima A nali koani boncianla.

Jeremi 30:13

Oba kuli ki koani apo Ki baa fini a nali. Yaa ñoagu n baa todi a mo ki ye.

Jeremi 51:5

Kelima Isalele leni Juda Tienu naa bodi, Bi naa luo Li Miali Diedo U Paaciamu Kuli Daano, Baa ke bi diema tudi hali boncianla, Li Miali Diedo Isalele Tienu Yua n Gagidi ki ŋani po.

Jeremi 6:30

Bi tie ban fali yaa ŋanjilifa, Kelima Li Miali Diedo fali ba.»

Jeremi 7:29

Kuo ŋan den gagidi a yuli Ki bili yaa yudi yeni ki ban lu ti. Gedi a juana yula po ki wanli! Kelima Li Miali Diedo fali, O yama mo sii yaa nifiima n bieni o pali hali boncianla yeni po.›

Jeremi 8:15

Ti den kaa ki daani mi yanduanma, Ama bonŋanliba kuli naa ye. Ti den guu mi paagima yogunu Ama ti jawaandi n sani ki cua.

Jeremi 8:22

Naani kpasogikaama ki ye Galaadi diema nni? Naani lotoli ki ye lipo? Be yaa po yo ke laafia naa go tiendi n niba po?

Jeremi Bubula 2:13

N go baa yedi a be? N baa sua ke ŋme n de leni a? N baa baagi a lede, Siyono *powandiali? Kelima yaa yebiadima n ŋma ŋa Yaba ki pundi mi ñincianma. Ŋme n baa fidi ki paagi a?

Jeremi Bubula 2:22

Nani u badu daali yeni, A yini n yieninlieba min jie yaaba hali boncianla. Li Miali Diedo pabienli daali Kaa pia yua sani ki cia, Li kaa pia yua n sieni leni miali. Min den bua yaaba bonŋanla ki wubi ba yeni, N yibali buoni ba.

Jeremi Bubula 4:17

Tinba wani yaa nuni baa mua yo Ki guu yaa todima n ki kpendi. Ti den waagi ki se ki guu Yaa nibuolu n cua ki kan fidi ga ti.

Jeremi Bubula 5:22

Naani a li baa lu ki diani ti cain yo? Naani a pali li beni tipo hali ki duodi?

Mise 1:12

Maloti dogu yaaba, Digibi ki jie bi miana po Kelima fala ñani Li Miali Diedo Kani ki jiidi ki pundi Hali Jelusalema buliñoana kani.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.