Jeremi 14:16 - Gourmanchéma Bible

¹⁶ Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

U TIENU MAAMA TILI 2013

¹⁶ Ban pua yaaba yaa po saawali, mi koma leni bu toabu baa bolini ba Jerusalemi sani nni, bi kan baa yua n baa doagini ba mo, bani, bi puoba, bi bijaba leni bi bisiaba. N baa teni bi biadima n jiidi bi yula po.»

Jeremi 14:16 ပူးပေါင်းရင်းမြစ်များ

Mi Kpanjama 1:31

Lani kuli yaa po, yi baa ga yi bontienkaala n loni yaala. Yin jagi ki tieni yaala, yi baa ga yi panpaani.

Esayi 51:20

Yi bijaba gbali Ki bibili i sankuni kani kuli Nani yaa kabilo n baa ku diagu nni yeni, Ke Li Miali Diedo pabienli jagi bi yula po Ke yi Tienu mo fu leni ba.

Esayi 9:16

Lani n teni ke Li Miali Diedo kan fidi ki mangi o pali bi jawaaba po Bi ki gbadi mi niñima bi kpepuona leni bi kpienbila po. Kelima bikuli tie tuongunda danba leni nibiadiba. Bi ñoana mo ki pia maŋanma. Baa leni lankuli Li Miali Diedo pabienli daa kuugi bipo, O nuu mo baa tiane ki baa waani ba fala.

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 18:21

Lani yaa po ŋan teni mi koma n nandi bi bijaba. Ki kodi ba leni ki jugisiega. Teni bi puoba n luo a bila Ban tua kpepuona Mi kuuma n nandi bi ciaba Bi jawaaba mo n kpe bu toabu po.

Jeremi 20:6

Fini Pasehuli mo leni yaaba n ye a diegu nni kuli, yi baa gedi ti yonbidi Babilona. A baan kpe lipo ban piini a, fini leni a danlinba ŋan den pua yaaba yaa po mi sawali-faama yeni.› »

Jeremi 27:15

Mini Li Miali Diedo n yedi yeni ke bi nan pua sawali-faama n yeli nni ki bua min ña yi maama nni ki bolini yi, yinba leni yaa sawalipuaba n pua yipo laa sawali buoli kuli.»

Jeremi 4:18

A tagu leni a bontienkaala N cuani apo yaali n yeni. Diidi a biadima li to wani lige Laa bonla baa nandi hali a pali.

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 7:33

Bi naa niba tinkpiba baa tua jiema tanpoli nuani leni ki tinga yandi po Niloba kan cua ki yagi bi yama.

Jeremi 8:1

Laa yogunu Li Miali Diedo den yedi: «Bi baa bugidi ki ñani bi kula nni Juda badiba kpaba, a koanbala kpaba, bi kopadicianba leni bi sawalipuaba kpaba leni Jelusalema niba kpaba.

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 9:20

Kelima mi kuuma kua ti diebona kani. Mi kua ti dieŋama nni. Mi di a bila i sani nni, Ki di bi nipanba mu daamu nni.

Jeremi 9:22

Li Miali Diedo yedi nanda: «O yanfodaano n da jigini o yuli o yanfuoma po. O gbanmandaano n da jigini o yuli o gbanmanu po. O piado n da jigini o yuli o piama po.

Esekieli 39:14

Bi baa gandi yaaba n baa yaa goadi mi diema nni, Hali ŋmaali lele, Ki lingi ki go piindi yaa tinkpiba n sieni mi tinfanma nni Ki nan ŋanbi mi diema.

Amosi 7:17

Ŋan tieni laa bonla yeni, Li Miali Diedo n yedi yaala n tie na: ‹A pua baa tua poconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini aba mo baa n kpe nilandiema nni, Bi baa gedini Isalele yaaba ti yonbidi yaa kaanu n foagi leni bi diema.› »

Matie 15:14

Cedi ba mani, bi tie yaa juama n dia a juama. Juamo yaa dadi juamo mo, bani bilie kuli n baa baa ku buogu nni.»

Mi Doagidima 16:1

N den gbadi u nialiciamu ke u maadi U Tienu diegu nni ki yedi bi maleki-leleediba: «Gedi mani ki wuli ki tinga nni U Tienu pabienli cuonu yu n ye tadibuomu lele nni.»