Jeremi 14:14 - Gourmanchéma Bible

¹⁴ Li Miali Diedo den yedi nni: «Bi sawalipuaba pua mi faame n yeli nni. Mii soani ba, Mii puogi ban yedi liba. Mii maadi leni ba mo. Bi pua mi faama ke bi laadi li bonla Bi tuonli n tie baayuadiidu leni *buli ŋoadima bebe yaaka, Bi pala nni boandi yo ke bi taani ki pua yipo sawali.»

U TIENU MAAMA TILI 2013

¹⁴ O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Jeremi 14:14 ပူးပေါင်းရင်းမြစ်များ

Esayi 56:10

Yaaba n guu Isalele kuli tie juama Baa bani pu kuli, Bikuli tie sangbanmuula Ki kan fidi ki gogi. Bi dangi boncianla Ki waagi ki dua Bi faadi mi guama.

Esayi 9:15

Bi naa niba gobidikaaba baa biani ba Yaaba n teni ke bi gobidi ba mo baa bodi cain.

Jeremi 20:6

Fini Pasehuli mo leni yaaba n ye a diegu nni kuli, yi baa gedi ti yonbidi Babilona. A baan kpe lipo ban piini a, fini leni a danlinba ŋan den pua yaaba yaa po mi sawali-faama yeni.› »

Jeremi 28:11

ki yedi: «Li Miali Diedo yedi nanda: ‹Diidi min baa mudi Babilona bado Nebukanesa paalu maama n yeni i nibuoli kuli po ne leni bina lie siiga.› » Lane o sawalipualo Jelemi mo den taa o sanu ki ban caa.

Jeremi 28:13

«Ban yedi Anania: Li Miali Diedo yedi ke a baa fidi ki mudi yaa landili n tie daadi. Fini Jelemi, lingi ti kudi yaa landili ki tieni ti daadi landili kaanu.

Jeremi 28:15

O sawalipualo Jelemi den yedi o sawalipualo Anania: «Cengi Anania! Li Miali Diedo naa soani a, ke a nan pia bi naa niba ki boandi ki puuni ba ti dugidi.

Jeremi 29:21

Li Miali Diedo U Paaciamu Kuli Daano, Isalele Tienu maadi Kolaya bijua Akabi leni Maaseja bijua Sedesiasi yaaba n pua sawali-faama n yeli nni: «Diidi n baa ŋa ba Babilona bado Nebukanesa nuu nni. Bi baa pua ki kpa ba yi nunbu nni.

Jeremi 29:31

«Soani ban yedi yaaba n gedi ti yonbidi kuli ke Li Miali Diedo yedi Semaya Nehelama yua po line: ‹Nani wan n pua yipo sawali ke n naa soani o, ki teni ke yi dugi yaala n naa pia yipo todima yeni po.› »

Jeremi 37:19

Yi sawalipuaba yaaba n den pua sawali ki tua: ‹Babilona bado kan cua ki baa yi, o kan cua ki baa mi diema yeni ye le?›

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Jeremi 8:11

Bi buu n niba poagilima leni u yualu. Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Jeremi Bubula 2:9

O buliñoana feli ki tinga nni. O bolini ŋa, ki pua ki mudi a kpakpaana. O bado leni o koanbala kuli ye i nilanbuoli siiga. *Balimaama ki ye, Baa o sawalipualo ki go baadi bonlekaala Li Miali Diedo kani.

Esekieli 12:24

Bi kan go pua yi mi faama Ki yedi ke bi baa bonlekaaliba, Bi ki boandi yi leni baaguba, Isalele nibuolu siiga.

Esekieli 13:2

«Fini o ja yeni, Ŋan fu leni Isalele sawalipua-faadanba, Yaaba n pua sawali, Ki yedi bani yaaba n naandi bi pala nni ki pua sawali yeni, Ke ban cengi Li Miali Diedo maama.

Esekieli 13:23

Lanwani yi kan go baa bonlekafanla. Yi kan go ga yi yula baabuuli po. N baa faabi n niba yi nuu nni. Yeni yi baa bandi ke n tie Li Miali Diedo.› »

Esekieli 21:29

Li tie lani yaa po, ke mini o Diedo, Li Miali Diedo yedi mine: Kelima yi tiadi yi biadima yaa tiadima, leni yi yiema n den doagidi maama leni yi *tuonbiadi mo n den doagidi yi bontienkaala nni kuli maama. Lanwani nani yin goa ki tiadi lipo maama po, yi baa baa yibalinba nuu nni.

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Sakari 10:2

Diidi mani i *buli n guandi yi yaala kuli tie faama, A baabuula n doagidi yaala kuli tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu n ki pia kpaalo yeni.

Sakari 13:3

Li yaa tie ke nilo go pua sawali, O baamado leni o naamado baa yedi o: ‹Li pundi ŋan kpe, kelima a maadi ki pua mi faama, Ki nan yedi ke Li Miali Diedo n soani a.› Lanwani o baa leni o naa, bani yaaba n mali o yeni baa muu ki kpa o, Wan pua mi sawalifaama yaa yogunu.

Mi Tiadima 18:20

Ama yaa sawalipualo n paagi o pali ki maadi n yeli nni, min kaa puogi o wan maadi yaama, bi o yaa maadi buloba yeli nni, bi baa kpa laa sawalipualo.›

1 Timote 4:2

Kelima bi baa ŋua bi bangi-faadanba yaa palieda, bani yaaba yaa pala siedi n kpe nani ban sia yaala leni yaa kudi n tuoni yeni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.