Jeremi 14:12 - Gourmanchéma Bible

¹² Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

U TIENU MAAMA TILI 2013

¹² Ba bi yaa loli bu ñoabu, n kan cengi bi paboandanmoe. Ba bi yaa cuani a padijuukaana leni bu paabu pada, n kan gaa bi po, kelima n baa teni bu toabu, mi koma leni u yianbiadipuodiko n dudi ba.»

Jeremi 14:12 ပူးပေါင်းရင်းမြစ်များ

Jobi 27:9

Naani U Tienu cengi o moe O yaa ye leni li paboanli yaa yogunu?

Mi Kpanjama 1:28

yi baa yini nni, n kan guani, ki lingi nni, yi kan le nni.

Mi Kpanjama 15:8

Li Miali Diedo nani bi nibiadiba n padi yaa pada, Ama o pali mani bi niteginkaaba jaandi po.

Mi Kpanjama 21:27

Bi nibiadiba padili yaa tie cagindi, Bi yaa di cuani li leni ti yantiabiadi mo te?

Mi Kpanjama 28:9

Nilo yaa biini o tuba kaa bua ki cengi li bali maama, Baa o jaandi moko tie caginde.

Esayi 58:3

Bi buali bi yula: «Mi ñoalolima pia tipo be yaa fuome, A yaa nua la? Ki yaa wangi ti yula fala, mo pia be yaa todima, A yaa faami lipo?» Li tie kelima yi ñoalolima daali Yi yen pa yi yula yi bonbuakaala po Ki yaa wangi yi tuonsoanba fala.

Jeremi 11:11

Lani n teni ke Li Miali Diedo yedi mine: «N teni ke fala n nandi ba. Bi kan fidi ki cia, Bi baa mua ki yaa diidi nni N mo nan kan cengi ba.

Jeremi 11:14

Fini, da jaandi laa niba po Da kpaani ki mia bipo, da jaandi bipo. Kelima mii cengi ba, bi yaa miadi n todima bi yebiadima po.

Jeremi 15:1

Li Miali Diedo den yedi nni: «Baa Musa leni Samueli yaa cua n kani, N yama kan guani bi naa niba kani. Deli ba ban foagidi n kani Ban yaa caa!

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 21:6

N baa pua u naa dogu niba leni li yandi kuli. U yianbiadipuodiko n baa je ba.›

Jeremi 24:10

N baa soani ki jugisiega bi siiga, mi koma leni u yianbiadipuodiko hali ban bodi mi diema nni min den puni bani leni bi baanba yaama yeni niinni.»

Jeremi 32:24

Diidi yibalinba gaani ki lindi ki bua ki guli u dogu. Bani Babilona yaaba, yaaba n fii ki sedi u dogu po yeni baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan maadi yaa maama tieni, a nua li mo.

Jeremi 6:20

N baa tieni be leni Saba diema *dugibila, Leni yaa kpentiidi yaa nuulu n mani ki ñani hali yaa diema n ye foagima? Mii bua yi padijuukaana Yi pada mo fa npo.»

Jeremi 8:13

Li Miali Diedo yedi: «N bua ki baa min baa bili ba naani. *Duven tiidi kan luoni pu kuli. Bu kankanbu kan go yaa pia kankana Ti faadi baa mali N baa ŋa ba bi yibalinba nuu nni.»

Jeremi 9:16

Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe Yini ba mani ban cua. Ban yini mani yaa puoba n bani li tuonli Ki teni mani ban cua.

Esekieli 14:19

Bi yaaka, n yaa soani u yianbiadipuodiko laa diema nni, bi n yaa wuli bipo n pabienli ki teni ke laa fala bolini bi niba leni ti yandi.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Ose Tili 5:6

Bi baa taa bi yanbidi leni bi yanciandi Ki ban lingi Li Miali Diedo, Ama bi kan le o, Kelima o ñani bi siiga ki ŋa ba.

Amosi 5:21

Li Miali Diedo yedi: «N sengi yin kpendi n diegu nni ki jaandi nni yaa jaandi Mii bua ki go le laa jaandi, Mii go bua ki ga yi badi laabaali.

Mise 3:4

Li tie lani yaa po ke yaa yogunu ke yi ti kpaani Ki miadi Li Miali Diedo wan faabi yi, O kan guani yi liba. O baa buli yi o nunga laa yogunu, Kelima yi soani yaa tuona n bia.»

Sakari 7:13

ke n den yedi: ‹Min den yedi ba ke ban tuo ki yaa ŋua nni, ke bi yie kaa cengi nni yeni, n den yie ke n kan guani bi miabu, ban den yi nni ke min todi ba yaa yogunu.

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Malaki 2:13

Bontoala go ye ke yi tiendi la. Yi mua ki ñiidi, Hali ke yi ninsiidi milini U Tienu *padibinbinli, Kelima waa go nua ki faadi yi pada, Kelima waa go tuo ki gaani liba kuli yi nuu nni mo.

Mi Doagidima 6:8

N den diidi ki laa yaa taamo n bua ki yaa tie suudi yeni. Yua n den jagi o yeli yi mi Kuuma, ke bi tinkpiba diema den ye o puoli. Bi den puni ba u paalu ki tinga kaannaadi kuli siiga kaanyendu, ban kpa likani yaaba leni ki jugisiega leni mi koncianma leni u yianbiadipuodiko leni ki tinga fuayanbiaditi.