Jeremi 13:27 - Gourmanchéma Bible

²⁷ N laa a *conconma, yaama n ñiidi leni a cagindi kuli. A juana yuli po leni i kuani nni, Fala jagi a yuli po Jelusalema, Fini yua n ki ŋanbidi aba! Laa tuongunda baa gbeni be yogunu yo?»

U TIENU MAAMA TILI 2013

²⁷ Jerusalemi n laa a conconma leni a cagindi n ñiidi maama, A juana yula po leni i kuani nni. Lani n teni ke fala jagi a yuli po, Fini yua n ye ti joagindi nni yeni! Beyogunu yo, ke laa tuongunda baa gbeni?»

Jeremi 13:27 ပူးပေါင်းရင်းမြစ်များ

Pisomi 94:4

Bi maadi mi japaamaama, ki maadi ki duondi bi yula Bani bi nibiadiba yeni.

Pisomi 94:8

Yin yaa faami mani, yinba bi yanpiidanba yeni Bi yanluodanba yeni, yi baa baa mi yama be yogune?

Mi Kpanjama 1:22

«Yinba bi yanpiidanba, yi baa bua mi yanpiima ki pundi hali u laa yogune? Yinba a ñuañuada yi baa yaa mangidi yi pala leni yi ñuali ki ban pundi hali u laa yogune? Yinba bi yanluodanba mo, yi baa nani mi bandima ki pundi hali u laa yogune?

Esayi 57:7

Yi ŋanbi yi duani yaa juali n kpedi boncianla yuli po. Lankane ke yi do ki padi yi pada.

Esayi 65:7

I tagili panpaani, Li Miali Diedo n yedi yeni Leni yi baanba tagili panpaani, Bani yaaba n den juugi a *dugibila a juana po Ki go den fiagidi nni a joabila po yeni. N baa pa ba bi panpaani bi tuonkpela po.»

Jeremi 11:15

Li Miali Diedo yedi: «Min bua yaa niba naa pia yantugupiengu. Bi cua ki baa tieni be n diegu nni? Naani bi tama ban niani yaa ñoaniani Bi ban padi npo yaa pada yeni N baa teni ke mi yebiadima kan nandi ba? Bi tama ke lani n baa teni ban cia?

Jeremi 3:6

Li Miali Diedo den yedi nni o bado Josiasi yogunu: «Naani a laa Isalele, “Kan sedi kaanyendu” n tieni yaala? O fii ki gedi yaa juana kpedi kuli po leni yaa tiidi n bundi kuli tinga ki cagini o yuli.

Esekieli 16:23

Fala n baa ŋa kelima ŋan tieni yaa biadima na kuli po. Mini o Diedo, Li Miali Diedo n yedi yeni.

Esekieli 2:10

O den pindi li n nintuali: Li den diani li tugu nni leni li puoli po. Li den diani lipo: “i wanli, a bubula, leni paboanli.”

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi ki den padi bi pada lankani. Bi den bieni n pali leni ban den kpendinni likani yaa paabu leni yaa padijuukaana leni ban den cabini yaa *ñincaba kuli.

Esekieli 24:12

Yaa moandili n tieni kuli tie fanma, Mi fantama kan fidi ki ñani laa tantonmoani.

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli apo n pabienli kuli.

Esekieli 24:6

Li tie lani yaa po ke o Diedo, Li Miali Diedo yedi mi ne: Fala ye leni yaa dogu n wuliti mi soama, Nani i tantonmoani n kua yaa bobili Ke bi kan fidi ki ŋuudi li lin ña yeni! Ŋan londi ki ñani nanjenyenli yenli ki da caa ka.

Esekieli 36:25

N baa mii yipo yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi, leni yi buli kuli po.

Esekieli 36:37

Mini o Diedo, Li Miali Diedo yedi mi ne: «N baa teni Isalele yaaba n goa ki mia n todima, min go cengi ba, ki teni ban pili nani u yanpagu yeni.

Esekieli 6:13

Bi kpiema baa wuli ki ladi ki tinga po bi buli siiga, Leni bi padibinbina lindima kuli, Gbangbancianli kuli po Leni a juana yula po, Tisoangibu kuli tinga Leni tibiigibu kuli tinga, Ban caa ki juugi yaa pada n pia u nuulimanu naankani kuli, Leni bi buli yeni kani kuli. Lani yi baa bandi ke n tie Li Miali Diedo.

Ose Tili 1:2

Li Miali Diedo n den cili ki maadi leni Ose ki soani o o niba po maama nna. Wani Li Miali Diedo den yedi Ose: «Gedi ki ban taa poconconli, ki maa a poconconbila, kelima mi diema na niba ŋa mini Li Miali Diedo, ki kandi ki ŋua i *buli nani yaa pua n ŋa o calo ki kandi ki conbi leni jatoa yeni.»

Ose Tili 4:2

Mi diema nni bi niba polini ki go janbidi. Mi kukpama, bu subu leni mi *conconma bebe n ye. Yi mabindi yi lieba, Yi kpaani bi niba ki tuadi tuadi.

Ose Tili 8:5

Li Miali Diedo yie yinba Samali yaaba N kpiagidi yaa naabiduadikaaga yeni. N pali fii yipo, Kelima yi kan fidi ki kan tieni janda.

Sofoni 3:1

Fala n baa bi niyiekaaba dogu, Yu n *joagini ki goa ki pia mabinga.

Matie 11:21

«Fala baa ye leni fini Kolasini dogu. Fala baa ye leni fini Betisayida dogu. Kelima yaa bancianma n tieni a niinni ne yaa den tieni Tili leni Sidoni dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi yama hali yogu.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti *tuonbiadi ki naa lebidi bi yama ki ŋa ban den kubi ki tiendi yaa *joagindi leni yaa conconma leni yaa cagindi kuli yeni.

2 Korenti 7:1

N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

Mi Doagidima 8:13

Min go den diidi yaa yogunu, n den gbadi ke jiebani yua n yugi hali tanpoli kpaani: «Fala, fala, fala baa ki tinga niba po kelima yaa maleki-taadiba n sieni n baa piebi bi kakacinba ki tieni yaa fuugu po.»