Jeremi 13:24 - Gourmanchéma Bible

²⁴ N baa yayadi ba Nani mi fanpienma faalu n yen yadi ti muadi maama yene.

U TIENU MAAMA TILI 2013

²⁴ N baa yadi yadi ba Nani mi fanpienma faalu N yen yadi ti muadi maama yene.

Jeremi 13:24 ပူးပေါင်းရင်းမြစ်များ

Pisomi 1:4

Laa tie yeni ka bi nibiadiba po. Bi tie nani ku faagu n figi ki yadi yaa fengu yeni.

Esayi 17:13

I nibuoli duni nani a ñingogbenga n duni maama yeni. Li Miali Diedo fu leni i nibuoli ke i sani ki foagidi Nani ku faagu n piebi ki lendi yaa muadi a juana yuli po, Nani o pinpinja n fiini yaa tangungu yeni.

Esayi 41:16

Yi baa lendi ba, U faalu baa taa ba, O pinpinja mo n yadi ba. Ama yinba, yi baa mangi yi pala Li Miali Diedo po. Yi baa yaa kpiagidi yi yula Isalele Tienu Yua n Gagidi ki ŋani nni.

Jeremi 18:17

N baa yadi ba nani puoli faalu yeni yibalinba nintuali. N baa buli ba n nunga, Fala n baa ŋma ba yaa daali yeni.

Jeremi 9:16

Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe Yini ba mani ban cua. Ban yini mani yaa puoba n bani li tuonli Ki teni mani ban cua.

Jeremi Bubula 1:15

O Diedo deli ki ñani Yaa jakoanda kuli n den ye n kani. O yini ki tieni toagocianli kelima mini yaa po. Ki baa nugi n jawaaba. O Diedo nugi nni, mini li *powandiali Juda.

Esekieli 17:21

Bi baa kpa bi jakoanda yudanba kuli leni ki jugisiega, Yaaba n sieni mo baa yadi yadi mi diema nni. Lanwani yi baa bandi ke mini Li Miali Diedo n maadi.»

Esekieli 5:12

U yianbiadipuodiko leni mi koma baa kpa a niba siiga cagiyenli. A gaani lindima, mi koma baa baa li cagilieli. N baa yadi yadi li cagitaali i kaani kuli ki noadi n jugisiega ki ŋoadi li puoli.

Esekieli 5:2

Yaala n waani ke bi baa u dogu bu toabu yeni yaa dana yaa gbeni, ŋan taa kaanyendu ki juu u dogu siiga mi fantama nni. Ŋan taa u kaanlielu mo, ki jia jia ti leni ki jugisiega ki yadi yadi ti u dogu lindima kuli. Ŋan taa u kaantaalu mo ki yadi yadi ti u faalu nni, ke n baa ŋoadi ti puoli leni ki jugisiega.

Esekieli 6:8

Ama bu toabu n baa kpa ki sieni yaaba, Baa bi yaa yadi yadi ki kua dietoama nni leni nibuotoe nni, N baa kubi bi siiga bi tianba ke bi kan bodi.

Ose Tili 13:3

Lani n teni ke laa niba baa bodi, Nani ku tiŋaagu yaa gbangbadigu yeni, Nani yaa manma n yoagi tonma, Nani u faalu n tugi yaa fenma ki foagidi leni u jalu, Nani yaa muñii n ña li diebonli kani yeni.

Levi 26:33

N baa yadi yadi yi kuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.

Sofoni 2:2

Tieni mani yeni, hali ki daa tua nani u faalu N figi ki yayadi yaa moafenma yeni. Tieni mani yeni hali ke Li Miali Diedo pabienli, Yaali n nani mi fantama yeni daa nandi yi, Hali ke o pali n baa fii yipo yaa daali yeni daa pundi.

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jelusalema, ki ŋmaa u hali U Tienu n bili bipo yaa yogunu n dudi.

Mi Tiadima 28:64

Li Miali Diedo baa yadi yadi yi i nilanbuoli nni hali ki tinga bianu kuli nni. Lanpo yo yi baa n kpiagi yinba leni yi baanba n ki bandi yaa buli, yi n tie ti daadi leni a tana.

Mi Tiadima 32:26

N den tua ke n baa piebi ki yadi ba, Ki teni ban sundi bipo bi niba siiga.

Mi Tiadima 4:27

Li Miali Diedo baa yadi yi i nibuoli siiga. Lanwani yi baa tie niba waamu bebe Li Miali Diedo n baa gedini yi yaa nilandiema yeni niinni.