Jeremi 13:21 - Gourmanchéma Bible

²¹ A baa yedi be ŋan den tama ke yaaba n tie a danlinba yaa ti cua Ki pua ki paadi a ki diedi a yaa daali? Li baa koani a nani u maditugukoanu n yen cuo yaa pua n baa maa maama yeni.

U TIENU MAAMA TILI 2013

²¹ Ŋan den tama ke yaaba n tie a danlinba Yaa ti cua ki pua ki paadi a, Ki diedi a yaa daali, A baa yedi be? Li baa yaa koani a Nani u maditugukoanu n yen cuo o pua yeni.

Jeremi 13:21 ပူးပေါင်းရင်းမြစ်များ

2 Bi Badiba 16:7

Akasi den soani o tonda Asili bado Tigilati-Pelesedi kani ki yedi o: «N tie nani a naacemo bi a bijua, cua ki faabi nni leni Sili bado leni Isalele diema bado, bani yaaba n togidi leni nni bu toabu.»

Esayi 10:3

Yi baa tieni lede fala daali leni yaa yebiadima n ye foagima ki kpendi yeni po? Yi baa sani ki gedi ŋme yaa po yo ki baa mi todima? Yi baa ŋa yi piama le yo?

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni ŋmagini ke bi buandi. Bi ŋmagini biba yo nani yaa pua n baa maa yeni. Bi diidi biyaba leni ti jawaandi, Bi nunmu kuli moandi nani mi fantama yeni.

Esayi 21:3

Lani n teni ke n ciaga ye leni mi koankoanma Nani yaa funfunma n ye Yaa pua n baa maa po yeni. N jie ki luodi mo ki kan fidi ki le. Mi funfunma teni ke n kan fidi ki gbadi.

Jeremi 2:25

Ŋan moandi ki da gedi taapiena Ki da tuo ñunñuunu mo n kuodi a nialu. Ama a yedi: «Lebidima kan go tieni, Kelima n bua bi canba yegimu!»

Jeremi 22:23

Fini yua n ye Libani po Ki kaa a badidiegu yaagu n tii leni sedili tiidi daadi nni, Fala yaa nandi a yaa yogunu, a baa duni boncianla, Ki yaa lu ki lebidi nani yaa pua n bua ki maa yeni!

Jeremi 30:6

Buali mani yiyaba bonŋanla, Ŋme n kpa laa o ja n gbaani ki mali naani? Be yaa po yo ke n nan nua ke bi jaba kuli Ñii bi ciamu nani yaa pua n baa maa yeni? Be yaa po yo ke mu nunmu kuli gbidi?

Jeremi 38:22

‹Bi baa gedini Juda bado diegu nni puoba yaaba n sieni kuli, Babilona bado koanbala kani.› Lani bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋa ŋa.› »

Jeremi 4:30

Fini Jelusalema ban jugi yua, a go baa tieni be? Naani a go baa laa yaa tiadi n moani colicoli Ki go bogidi aba leni wula tiadi Ki go tieni a nuni cilo? A bobi ki ŋanbidi a yuli fanme A jaconcona fali a, Bi bua a kuuma.

Jeremi 4:31

N gba li dunli, nani yaa pua n gbaani Ki bua ki maa yaa dunli yeni, N gba i yanbani ñiindi nani yaa posiaga n da baa kpa maa o cicilimadi yeni, Siyono badisalo yaa nialu yo. O fuo ki jiindi O tandi o nii ki yedi: «N bonla pia mi niñima, Bi nikpaba baa pua ki kpa nni.»

Jeremi 48:41

Yibali fie i dogi leni i kaanpaali kuli. Laa daali mo Moabi jakoanda tugusoama tiini Nani yaa pua n baa maa yaa tugusoama n tiini maama yeni.

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 6:24

Ti baa laabaali Ke ti gbani wudi. Ti jawaandi cuo ti Li koani ti nani yaa pua n gbaani ki baa maa yeni.

Esekieli 28:9

Yua n baa kpa ŋa nintuali yeni, A go baa yedi ke a tie Tienu? A li baa yaa tie nisaale, a kan tua Tienu Yua n baa kpa yeni wani yaa nuu nni.

Matie 24:8

Laa bonla kuli da tie nani u maditugukoanu cilima bebe yene.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.