Jeremi 13:17 - Gourmanchéma Bible

¹⁷ Yi yaa cengi line, n baa buudi ŋasiili nni, Kelima yi japaadi po. N baa wuli ti ninsiidi N baa mua boncianla kelima bi baa gedini Li Miali Diedo niba ti yonbidi.

U TIENU MAAMA TILI 2013

¹⁷ Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 13:17 ပူးပေါင်းရင်းမြစ်များ

Pisomi 119:136

N buudi ke n ninsiidi kuli wudi Kelima ban ki kubi a bali maama maama po.

Pisomi 80:1

Bi yanyanba yudaano yani siiga yanbu yaabu n yiini leni ku kogidigu. Mi tiadima yanbu. Asafi yaabu.

Esayi 63:11

Lanwani o niba den tiadi puoli yogunu po leni Musa po ki buali biyaba: «Yua n den duoni o yankpaaba leni o yangoli yeni ye le? Yua n den kuandi bi siiga o Fuoma yeni ye le?»

Jeremi 14:17

Yedi ba yaa maama n tie na: «N mua ku ñiagu leni u yensiinu ki naa cedi, Kelima u nafanu pua n niba. Laa yebiadima pa hali boncianla.

Jeremi 15:17

Mii gedi ki ban kali a ñuañuada siiga ki baa jeli. Kelima a paaciamu teni ke n ye n bebe A den teni ke n pali beni boncianla.

Jeremi 17:16

A bani ke mini wani naa yie ke n baa tua yankpaalo ki yaa ŋua ŋa. A bani ke mii den mia Ke fala daali na n cua. Yaa maama n ña n ñoabu nni kuli ye a nintuali.

Jeremi 22:5

Ama yi yaa cengi mi naa maama, n poli n yaa yeli nni, mini Li Miali Diedo n yedi ke ku naa diegu baa tua diegbengu.› »

Jeremi 23:1

Li Miali Diedo yedi: «Fala n baa yaa gobidikaaba n biandi ki go yadi n niba!»

Jeremi 23:2

Lani n teni ke Li Miali Diedo Isalele Tienu maadi leni yaa gobidikaaba n gobidi o niba: «Yi pua ki yadi n niba, Yi deli ba. Yii kubi ba bonŋanla. Diidi n baa fii ki sedi yipo Kelima yi tuona n bia maama po. Li Miali Diedo n yedi yeni.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋa n diema niba ki foagidi leni ba, Kelima bikuli tie *conconma danba. Bikuli tie janbi danba bebe.

Jeremi Bubula 1:16

N mua lani yaa po yo, N nuni mua boncianla, N nuni kuli tie ninsiidi Kelima o baagika foagidi leni nni. Wani yua n baa goa ki faadi n miali. N bijaba ye leni li paboanli Kelima yibali yaa paalu n cie.

Jeremi Bubula 1:2

Ñiagu kuli o mua, O ninsiidi mo tagidi o tankpina po. Yaaba n den bua o kuli siiga, Oba kuli ki baagidi o. O danlinba kuli ñani o puoli Ki kpandi ki tua o yibalinba.

Jeremi Bubula 1:9

O joagindi gbiabi o liadili nni Waa faami yaala n baa fidi Ki tieni o ki juodi. O tingbali ki pia maama! Yua n baa baagi o kuli ki ye. O yedi: «Ŋain Li Miali Diedo diidi min laa yaa fe Yibali wani yaa bali doni.»

Jeremi Bubula 2:18

Bi kuudi leni bi pala kuli o Diedo po. Siyono bisalo guonli po, Teni a ninsiidi n puubi nani u kpenu yeni. Da pa a yuli fuodimaba kuli, A nunbili mo n da fuodi baa waamu.

Jeremi Bubula 3:48

N nuni ninsiidi wuliti Ki puubi nani i kpeni ñima yeni, Kelima n niba bodima po.

Esekieli 24:16

«O ja na, diidi, n li baa dadi ki ñani yenme yaala n tie a pamanli yeni. A kan lu kudiegu, a kan buudi, a ninsiidi mo kan wudi.

Esekieli 34:31

Yinba n tie n pe, n yangoli pe. Yi tie nisaalibe mini mo tie yi Tienu. O Diedo, Li Miali Diedo n yedi yeni.»

Esekieli 36:38

Lanwani yaa dogi n wudi yeni baa goa ki gbie niba nani ban gagidi ki caani yaa yankuli Jelusalema po mi *jaanma po yeni. Lanwani bi baa bandi ke n tie Li Miali Diedo.»

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Malaki 2:2

Yin teni ke yi bontienkaala n yaa tie npo ti kpiagidi. Yi yaa cengi min yedi yaala, Yi yaa kuani la yi pala nni, N baa soli yi bonbaakaala. Baa moala n soli la, Kelima yii kuani n ñoabonli yi pala nni.

1 Samueli 15:11

«N lebidi, mii go bua ke n bi dini Sayula li bali, kelima o lebidi kaa go ŋua nni, waa tieni min puogi o yaala.» Samueli pali den fii. O den mua ki miadi Li Miali Diedo laa ñiagu kuli.

1 Samueli 15:35

Hali Samueli n ban kpe, waa go gedi ki ban laa Sayula. O den yen mua Sayula po kelima Li Miali Diedo den mua ke o yaa bi dini Sayula li bali ke o tua Isalele yaaba bado.