Jeremi 13:16 - Gourmanchéma Bible

¹⁶ Kpiagi mani Li Miali Diedo yi Tienu Hali ke o daa teni ke li *biigili cua, Hali ke yi taana daa tuudi li biigili juali, Yi baa guudi mi yenma, Wan go lebidi man tua biigicianli. O baa teni man tua tawaligu yaagu n biigi boncianla.

U TIENU MAAMA TILI 2013

¹⁶ Kpiagi mani o Diedo yi Tienu Hali ke o daa teni ke li biigili cua, Ke yi taana mo daa tuudi li biigili juali. Yi bi daani mi yenma, Ama o lebidi ma ke mi tua kuuma biigili. O baa teni man tua tawaligu Yaagu n biigi boncianla.

Jeremi 13:16 ပူးပေါင်းရင်းမြစ်များ

Jobi 3:5

Li biigili leni mi kuuma jinjingu n buali lipo! Yaa tawadi n biigi n cua ki libini lipo! Yaa bonla n bia n cua ki yaa jiendi li!

Pisomi 107:10

Bi tianba den ye li *biigili nni leni mi kuuma jinjingu nni, Ki tie kpaada ki luo leni ti kudi ki ye fala nni,

Pisomi 107:14

O den ñani ba li biigili leni mi kuuma jinjingu nni, Ki kua kua bi kpaadi.

Pisomi 29:2

Teni mani Li Miali Diedo o yeli kpiagidi. Gbaani mani ki kpiagi o leni yaa tiadi n gagidi.

Pisomi 44:19

Ti pala mo naa lebidi ki ŋa ŋa, Ti taana mo naa jadi ki ŋa a sanu,

Mi Ñama 10:21

Li Miali Diedo den yedi Musa: «Tandi a nuu tanpoli po ke li *biigili n yaa ye Ejipiti diema nni hali ke nilo n fidi ki sii li.»

Mi Kpanjama 4:19

Ama bi nibiadiba yaa sanu wani tie nani li *biigili yene. Baa nua yaala n baa lu ba.

O Yanfuodaano 11:8

O nilo yaa ye bina boncianla, wan mangi o pali leni laa bina kuli, ki tiadi ke li *biigili yaa dana baa yaa yaba boncianla kelima yaala n tiedi kuli tie fanma.

Esayi 5:30

Laa daali ku fuugu baa tieni mi diema nni bipo, Nani mi ñincianma yaa fuugu yeni. Bi baa diidi mi diema nni ki sua biigili leni paboanli bebe. Ku tafaagu teni ke mi yenma kpandi biigili.

Esayi 59:10

Ti baali u bilinu ki tulibi nani a juama yeni. Ti tulibi nani yaaba n luo i nuni yeni. Ti tuudi u yensiinu nani ku joaboandigu yeni. Baa ke ti pia laafia, ti naani leni bi tinkpiba yene.

Esayi 59:9

Li tie lani yaa po ke yaa bujiali n tiegi foagi leni ti, Ke mi teginma mo ki pundi tikani. Ti sugini ki baa mi yenma Ama li tua *biigili. Ti sugini lan yaa yieni Ama ti cuoni li ciñuuli nni.

Esayi 60:2

Diidi, li *biigili ŋoagini ki tinga Li biigicianli mo baa i nibuoli po, Ama Li Miali Diedo fii fini yaa po O kpiagidi mo doagidi fini yaa po.

Esayi 8:22

Li yaa yuandi bi baa tibini ki noanli tiipo Ki sua ke paboanli, li *biigili leni i yanbani bebe. Bi yen baa sua ke bi se laa biigicianli nni.

Jeremi 14:19

Naani a luni ki diani Juda cain yo? Naani a pali kuli fa Siyono po bii? Be yaa po yo ke a pua ti Ke gaapo naa ye tipo? Ti bi daani mi yanduanma, Ama bonŋanliba kuli ki ye. Ti den daani laafia, Ti jawaandi bebe n cua ki taani ti!

Jeremi 2:6

Baa buali bi yula ki yedi: ‹Li Miali Diedo yua n teni ke ti ñani Ejipiti diema yeni ye le yo? Wani yua n gobidi ki gedini ti mi fanpienma nni, I tiali leni ti buodi diema nni U yialu leni li *biigili tinga nni Yaa tinga ke nisaalimialiba ki poandi ki niinni.›

Jeremi 23:12

Lani n teni ke bi sanu baa yaa ŋaligi ki go biigi. Bi baa ŋmadi ki baa. N yaa fii ki sedi bipo yaa binli, N baa teni mi yebiadima n ŋma ba. Mini Li Miali Diedo n yedi yeni.›

Jeremi 4:23

N diidi ki tinga ki sua kaa pia nunga Puu ki ye ki niinni mo. N diidi tanpoli mo ki sua yenma ki go ye.

Jeremi 50:6

N niba den tie yaa yankulu n yaadi. Bi yankpaaba n yen biandi ba Ki pegidi ba a juana po ki caani ba potogu. Bi yen ña li naa juali ki ban puodi juali Ki sundi bi duankaanu po.

Jeremi 6:21

Lani n teni ke Li Miali Diedo maadi yaa maama n tie na: «Diidi n bili a *tantuudikaana u naa nibuolu nintuali, Bi baanba leni bi bijaba kuli baa yaa tuudi ki baali lankane, Ki taani leni bi yieninlieba leni bi danlinba kuli baa kpe.»

Jeremi 8:15

Ti den kaa ki daani mi yanduanma, Ama bonŋanliba kuli naa ye. Ti den guu mi paagima yogunu Ama ti jawaandi n sani ki cua.

Jeremi Bubula 4:17

Tinba wani yaa nuni baa mua yo Ki guu yaa todima n ki kpendi. Ti den waagi ki se ki guu Yaa nibuolu n cua ki kan fidi ga ti.

Esekieli 21:15

Li tie ki kpa po yo ke ki luani. Ki kpilini ki baa yaa pelini nani mi tañigima yeni. Bi lanwani ti baa mangi ti pala yo? N bijua badigbiamu fali tibu kuli.

Esekieli 34:12

Nani o yankpaalo n yen goandi o yangoli ki bua ki cuani yaaba n yadi yadi maama, n baa yaa goandi n yandi moko yene. N baa gedi ki ban ñani ba i kaani kuli ki guani ba ku gbangbadigu leni li *biigili n den tieni yaa daali ki teni ke bi yadi yadi.

Esekieli 36:15

Yi kan go yaa gba ke nilanbuoli ñuadi ki sugidi yi, Ke feeba mo kuli ki go ŋua yi. Yi diema yeni mo kan go yaa kpaani yi bila. O Diedo, Li Miali Diedo n yedi yeni.»

Joeli 2:2

Laa daali tie *biigicianli yaa daali, A tawala leni ku gbangbadigu daali. Li daali yeni kpendi nani mi yendanma N yendi a juana maama yeni. Diidi yaa nibuolu n tie na n yaba Ki go pia u paalu maama. U buolu daa kpa tieni, U kan go tieni mo baa yaa nifiima n baa ŋoadi yaa siiga.

Amosi 4:13

Diidi mani, U Tienu n tagi a juana leni u faalu, O wangi bi nisaaliba o yantiana. O yen teni mi yenma n lebidi ki tua *biigili O cuoni ki tinga joaciama po. O yeli n tie Li Miali Diedo U Tienu U Paaciamu Kuli Daano.

Amosi 5:18

Fala baa baa yaaba n bua Li Miali Diedo pabienli daali n cua. Yi guu ki tama ke li daali yeni baa yaa tie lede? Li baa yaa tie biigili daali, Li kan yaa tie yenma daali ka.

Malaki 2:2

Yin teni ke yi bontienkaala n yaa tie npo ti kpiagidi. Yi yaa cengi min yedi yaala, Yi yaa kuani la yi pala nni, N baa soli yi bonbaakaala. Baa moala n soli la, Kelima yii kuani n ñoabonli yi pala nni.

Jan n diani U Tienu Laabaaliŋamo maama 12:35

Jesu den goa ki yedi ba: «Mi yenma da baa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li *biigili n da ludi yi. Yua n cuoni li biigili nni naa bani wan caa naani.

Josue 7:19

Josue den yedi Akana: «N bijua ŋan kpiagi Isalele yaaba Tienu, Li Miali Diedo ki pagi o, ki waani nni ŋan tieni yaala ki da wuoni nni liba.»

1 Pieri 2:8

Li go yedi: «Li tie li tantuudikaali, Leni li tingbali tancianli.» Bi tuudi kelima baa tuo ki daani U Tienu maama nani lan den bili bipo maama.

1 Samueli 6:5

Yin duadi mani a sinakpina nannana leni a dapola yaa nannana, yaa dapola n bolindi yi diema. Yin go kpiagi Isalele yaaba Tienu. Daalinba o baa faabi yi leni o nuu n miabi yi maama, yinba leni yi *buli leni yi diema kuli.