Jeremi 13:14 - Gourmanchéma Bible

¹⁴ Mini Li Miali Diedo yedi ke n baa taa ki pua ba leni biyaba ban mumudi ki taani bi bidanba leni bi bila kuli. Oba kan cia, o kan gbadi bi niñima. Pu kan teni ke o kan bolini ba.»

U TIENU MAAMA TILI 2013

¹⁴ Mini o Diedo yedi ke n baa taa ba ki pua ba leni biyaba. N baa pua ki mudi bi bidanba leni bi bila kuli yenma, ke oba kuli kan cia. N kan gbadi bi ninñima, liba mo kuli kan teni ke n kan bolini ba.»

Jeremi 13:14 ပူးပေါင်းရင်းမြစ်များ

2 Bi Badiba Jama 20:23

Moabi yaaba leni Amoni yaaba den cili ki taani ki baa Edomi yaaba ki ku ki bolini bikuli. Ban den ku Edomi yaaba ki gbeni, bi den goa cuo biyaba bi ŋmiali nni ki bolini biyaba.

Jobi 27:22

Bi toani o i piemi kaa gba o niñima Se wan sane ki nan baa ki cia.

Pisomi 2:9

A baa mudi ba leni ti kudi gbiamu, Nani o maado bobili yeni, a baa mudi ba yomi yomi.»

Esayi 27:11

I beni yaa kuodi bi yen kua i Bi puoba n cua ki taa i ki ban kuuni bi fantama. Li den tie yaa niba n ki pia yanfuoma, Yua n den tagi ba ki den gbadi bi niñima, Yua n den tagi ba ki den juogi ba.

Jeremi 15:5

Li Miali Diedo yedi: «Jelusalema, oba kuli kan gbadi a niñima. Oba kuli kan mua apo. Oba kuli kan gbegi baa ki buali yaala n pia ŋa.

Jeremi 15:6

A sundi npo! A buli nni a nunga! Lani n teni ke n tandi n nuu ki baa bolini a. N gbadi Jelusalema po mi niñima ki coagi.

Jeremi 16:5

Li Miali Diedo yedi nanda: «Da kua kuuma n kpe yaa diegu nni, Da gedi kudiegu Da mua bipo ŋain! Kelima n ñani n yanduanma laa niba siiga, Ki taani leni n ŋanma leni n niñingbadima kuli.

Jeremi 21:7

Li yaa puoli mini Li Miali Diedo n yedi: ‹N baa taa Juda bado Sedesiasi, o koanbala leni u naa dogu niba kuli bu toabu leni mi koma n dini ki ŋa yaaba, ki ŋa ba Babilona bado Nebukanesa leni yibalinba, leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi niñima. Niloba kan cia. O kan juogi ba.› »

Jeremi 25:16

Ban ño ma ki yaa jadibi. Bi yama n paagi hali boncianla bi yaa laa min baa soani yaa jugisiega bi siiga.»

Jeremi 47:3

Kelima yaa taami n pia u paalu taana n mua maama po, Teliti dunli po leni bi taana moe po, Bibaanba ki gbegidi ki diidi bi bijaba, Kelima bi nii n tadigi boncianla maama po.

Jeremi 48:12

Lani n teni ke Li Miali Diedo yedi ke a dana kpendi ke o baa soani bi niba n kuodi ki lebidi ma. Bi baa baadi man ye yaa boba kuli yaa niinni ki mudi ŋa.

Jeremi 6:21

Lani n teni ke Li Miali Diedo maadi yaa maama n tie na: «Diidi n bili a *tantuudikaana u naa nibuolu nintuali, Bi baanba leni bi bijaba kuli baa yaa tuudi ki baali lankane, Ki taani leni bi yieninlieba leni bi danlinba kuli baa kpe.»

Jeremi Bubula 2:21

Bi jawaaba leni a jakpela Bikuli bili bili tiipo i sani nni. N jafanba leni n jawaaba Bu toabu dini bikuli. A pabienli nni a ku ba ke niñima ki cuo ŋa.

Esekieli 24:14

Mini Li Miali Diedo n maadi yaala, lani n baa cua. N go baa tieni li mo. Bi baa bu leni a nani a tagu leni a tuona n tie maama. Mini o Diedo, Li Miali Diedo n yedi yeni.»

Esekieli 7:3

Moala li gbeni yipo n yeni, N pabienli baa jiidi yipo N baa jia yi ti buudi nani yi tagi n tie maama, N baa teni yi cagindi kuli n goa baa yipo.

Esekieli 7:4

Niñima kan cuo nni yipo Kelima n baa tuni yi yi tagilibiadi kuli, Leni yi cagindi yaadi mo n baa ye yi siiga. Lanwani yi baa bandi ke n tie Li Miali Diedo.»

Esekieli 7:9

Niñima kan cuo nni yipo. N kan ŋa yi fanma. N baa tuni yi yi tagilibiadi Leni yin baa tuuni yaa cagindi kuli. Yeni yi baa bandi ke n tie Li Miali Diedo yua n pua yi.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Esekieli 9:10

Lanwani mini moko, niñima kan cuo nni bipo, n kan ŋa ba fanma, ama n baa teni bi tuona panpaani n goa ki jiidi bi yula po.»

Esekieli 9:5

Min den cengi, n den gbadi ke o yedi yaa niluobidiba n den sieni: «Ŋoadi o mani, ki kua u dogu nni ki kpa. Niñimaba n da cuo yi, yin da ŋa ba.

Ose Tili 2:4

«Bu mani leni yi naa, bu mani leni o, Kelima waa go tie n pua, Nmo ki go tie o calo. Wan ñani o nunga nni leni o biina siiga o *conconma maalima.

Sakari 11:6

N kan go gbadi niñima ki tinga niba po, N baa teni bi ŋmiali nni, yua kuli n soani o lielo wan fidi maama. N baa ŋa bi badiba moko n soani ban fidi maama. Bi badiba yeni baa bolini ki tinga niba, N mo kan faabi ba bi nuu nni. Li Miali Diedo n yedi yeni.»

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

Marki 13:12

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

Mi Tiadima 29:20

Li Miali Diedo baa paadi ki ñani o Isalele buoli kuli siiga landaano yaa fala po, nani yaa ŋantaado yaa solindi n diani li naa *balimaama tili nni kuli.

1 Samueli 14:16

Sayula doguudiba yaaba n den ye Gibeya, Benjamina diema ni, den laa ke Filisiti yaaba yadi ki tiini i kaani kuli.