Jeremi 13:11 - Gourmanchéma Bible

¹¹ Li Miali Diedo yedi: ‹Moamoani nani ban yen loli ku gbanñagidigu Ki ciaga nni maama yeni, N moko den taa Isalele yaaba kuli leni Juda yaaba kuli Ke ban tua n niba, n yeli, n pagidi, leni n jilima, Ama bi naa cengi nni.› »

U TIENU MAAMA TILI 2013

¹¹ O Diedo yedi: ‹Moamoani, nani ban yen ñagini ku gbanñagidigu ki ciaga nni maama yeni, nmoko den taa Isidayeli leni Juda yaaba kuli, ke ban tua n niba, n yeli, n pagidi leni n jilima. Ama bi naa cengi nni.› »

Jeremi 13:11 ပူးပေါင်းရင်းမြစ်များ

Pisomi 135:4

Kelima Li Miali Diedo gandi o yuli po Jakobo, Ki teni ke o puoliŋuani Isalele yaaba tua wan die yaaba.

Pisomi 147:20

O naa tieni laa bonla yaa nibuoli n sieni kuli po. Laa nibuoli mo naa bani o ñoabonbilikaana. Pagi mani Li Miali Diedo!

Pisomi 81:11

Mini n tie Li Miali Diedo yi Tienu Yua n ñani yi Ejipiti diema nni. Yaadi mani yi ñoana n baa dini yi hali yin guo.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 62:12

Bi baa yini ba: “Yaa niba n gagidi ki ŋani, Li Miali Diedo n da ki faabi yaaba.” Ki yini a mo: “Ban lingi yua, Ban ki ŋa yaa dogu.”

Jeremi 13:1

Li Miali Diedo den maadi leni nni nanda ki yedi: «Gedi ki ban da *len gaali gbanñagidigu ki taa gu ki yie a ciaga nni. Ŋan da pagini gu mi ñima nni.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 13:12

Ŋan yedi ba yaa maama n tie na: «Li Miali Diedo Isalele Tienu yedi ke ti gbandayuadi kuli baa gbie leni mi daama. Bi baa yedi a: ‹Naani tii bani ke ti gbandayuadi kuli baa gbie leni mi daama?›

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 32:20

A tieni mi bancianma leni li bonlidikaala Ejipiti diema nni. Hali dinla Isalele diema nni leni bi niba kani, a yeli ñani dinla nani tin nua maama.

Jeremi 33:9

Diidi u naa dogu baa tua npo pamanli leni jigidi bonla, Ki tinga nibuoli kuli siiga. Laa nibuoli gbadi min tieni ba yaa ŋanma. Li baa paki ba bi gbani n jeli kelima mi yemanma Leni min baa pa ba yaa baali kuli yaa po.»

Jeremi 6:17

N lingi yipo yaaba n baa guu yi diema Yin yaa yen faami li naatuntunli piebima po Ama bi goa ki yedi: ‹Ti kan yaa faami lipo ba.›

Jeremi 7:13

Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Jeremi 7:23

Ama n den yedi ba yaa maama n tie na: ‹Cengi mani n maama Ke min yaa tie yi Tienu, yimo n yaa tie n niba. Yaa cuoni mani min yedi yin tagini Yaa sani kuli nni, lani n tie yi yema n yaa mani yipo.›

Jeremi 7:24

Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Amosi 3:1

Isalele yaaba, yinba U Tienu n den ñani yaa nibuolu Ejipiti nni, Cengi mani Li Miali Diedo n maadi yipo yaala:

Luki 10:11

‹Ti kpia baa yi dogu tama yaama n tabini ti taana yeni. Ama yin bandi bonŋanla ke U Tienu diema nagini.› »

Mi Tiadima 26:18

Li Miali Diedo go niani yi ke yi baa yaa tie wani oba n die yaaba nani wan yedi maama, ki go yaa kubi o bali maama kuli.

Mi Tiadima 26:19

Lani n tie wan pa yi yin cie wan tagi yaa nibuoli kuli lan tie u paalu po, ti kpiagidi po, li yeli po, leni ti jigidi po kuli, ke yin yaa tie yaa nibuolu n gagidi ki ŋani Li Miali Diedo yi Tienu po nani wan den yedi maama.»

Mi Tiadima 4:7

U laa nibociamu mo n pia u *buli ke i kuu leni u nani Li Miali Diedo ti Tienu n kuu leni ti maama, ki todi ti, ti yaa mia o yaa yogunu?

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.