Jeremi 13:10 - Gourmanchéma Bible

¹⁰ Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

U TIENU MAAMA TILI 2013

¹⁰ Laa nibiadiba n yie ke bi kan cengi n maama. Bi ŋua bi pajuaga, ki ŋua tientoe, ki gbaandi ki pugi yi. Ban tua nani ku naa gbanñagidigu yaagu n ki go pia fuomiba kuli yeni!›

Jeremi 13:10 ပူးပေါင်းရင်းမြစ်များ

Pisomi 78:8

Ke ban daa tie nani bi baanba, Yaa nibuolu n ki pia maanli ki go pia mi yiema. Bi pala ki se kaanyendu, Bi yama mo ki ye U Tienu kani bonŋanla.

O Yanfuodaano 11:9

Fini o jawaalo, ŋan mangi a pali a jawaama yogunu, yaa ye yemanma a panma dana nni. Ŋan tieni a pali n bua yaala kuli, yaala n mani a kuli ŋan tieni la. Ama ŋan yaa bani ke U Tienu baa ti bu leni a bontienkaala kuli po.

Esayi 3:24

Li bonbedinla n baa ga a tulale kaanu, U baabu n baa ga ku gbanñagidigu kaanu, Li yuminminli n baa ga u pianŋamu kaanu, Li paboanli tiadi n baa ga li liadikpiagili kaanu, Yaala n tie u ŋamu yeni baa kpandi ki tua fe bebe.

Jeremi 11:10

Bi lebidi ki guani bi yaajanba *tuonbiadi kani. Bani yaaba n den yie ke bi kan cengi n maama, Ki ban ŋoadi butoe Ki baa kpiagidi yini yeni. Isalele diegu yaaba leni Juda diegu yaaba biidi, Min den kuani yaa ŋantaado leni bi baanba.»

Jeremi 11:18

N bandi la kelima Li Miali Diedo n waani nni la, Lani n teni ke n bandi bi tuada.

Jeremi 13:7

N den gedi Yufilata po ki ban lingi ki laa, ki taa ku gbanñagidigu min den wuoni gu naankani. Ama ku gbanñagidigu den biidi, ki naa go den pia fuomaba kuli.

Jeremi 16:12

Yimo go tieni mi biadima ki cie yi baanba. Diidi yi siiga nni yua kuli ŋua O pajagindi tundiyuodi ki naa cengi nni.

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 20:4

Li Miali Diedo yedi nanda: ‹Diidi bi baa ŋa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilona bado n diedi Juda yaaba kuli ki taa bi tianba ki gedini ba Babilona, ki ban kpa bi tianba leni ki jugisiega.

Jeremi 22:21

Hali a yema n den mani apo yaa yogunu n den maadi leni a, Ama a den yie ke a kan cengi. A tagu nan li tie yene hali a panma nni Ŋaa cengi n nialu.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 44:16

«Tii bua ki cengi yaa maama ke a yedi ti Li Miali Diedo yeli nni yeni.

Jeremi 44:5

Ama yi naa cengi, yi naa diadi yi tuba ki baa cengi, yi naa cedi ban den tieni nni yaa bonbiadila, yi naa ŋa dugibila padili i bulami po.

Jeremi 5:23

Ama bi naa niba pia yaa pala n juagi ki go pa. Bi piadi ki sedi ki sani ki foagidi.

Jeremi 7:13

Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Jeremi 7:6

Yi yaa mabini o caano, ki kpienbiga leni li kpepuoli, Yi yaa wuli yua n ki pia tagili soama nekanba, Yi yaa ŋoadi i *buli yii n baa cuani yipo fala,

Jeremi 8:5

Be n teni ke Jelusalema niba jadi ki ŋa u sanu Kaa bani ban se naani? Bi suagi liiga leni i janbi Bi yie ke bi kan guani n kani.

Jeremi 9:13

Bi ŋoadi bi pala juagu leni *Baali *buli, bi baanba n den teni ke bi maani yaa buli.

Jeremi 9:14

Lani n teni Li Miali Diedo U Paaciamu Kuli Daano, Isalele Tienu yedi nanda: Lani yaa po n baa ñuni bi naa niba ti loabidi, ki teni ban yaa ye leni li paboanli.

Jeremi 9:6

Lani n teni ke Li Miali Diedo U Paaciamu Kuli Daano yedi: «Diidi n baa teni ban nandi ba mi fantama nni, Min biigi ba. N baa tieni n niba lede?

Mi Coadima 14:11

Lani Li Miali Diedo den yedi Musa: «Bi naa niba baa fali nni ki ban dagini hali u laa yogune? Bi baa luo npo ti dugidi hali ki ban dagini u laa yogunu, baa leni min tieni bi siiga yaa bancianma kuli?

Jesu Tondiba Tuona 7:51

Yinba u tupaalu danba, yi tie nani a jifola yeni yi pala nni leni yi tuba po. Yi yiedi U Tienu Fuoma Yua po yogunu kuli nani yi yaajanba n den tiendi maama.

Hebilunba 12:25

Fangi mani yi yula ki da yie ke yi kan cengi yua n maadi leni yi moala. Kelima yaaba n den yie kaa cengi yua n soagindi ba U Tienu maama ŋanduna nni naa den fidi ki sani ki cia. Lanwani ti yaa yie kaa cengi yua n ye tanpoli po, laa pia tama ke ti kan fidi ki sani ki cia.