Jeremi 12:2 - Gourmanchéma Bible

² Fini n ŋuu ba. Bi faadi ki pia i jiini. Bi bundi bonŋanla ki luoni li bonluonkaala. A yeli li ye bi ñoabu nni yogunu kuli, Ama bi pala wani foagi leni a.

U TIENU MAAMA TILI 2013

² Fini n ŋuu ba. Bi faadi ki pia i jiini, Hali ki ban bundi bonŋanla ki luoni li bonluonkaala. A yeli li ye bi ñoabu nni yogunu kuli, Ama bi pala wani foagi leni a.

Jeremi 12:2 ပူးပေါင်းရင်းမြစ်များ

Jobi 24:12

U dogu nni, yaaba n ku yenbidi, Yaaba n poagili, mo buudi. Ama U Tienu naa faami laa tuongunda kuli po!

Jobi 5:3

N laa o yanpiidaano n pani i jiini maama, Laa waagi leni min soli o diegu ki yedi:

Pisomi 37:35

N den laa o nibiado leni o paaciamu, O den landi lande nani yaa tibu n bundi bonŋanla yeni.

Esayi 29:13

Li Miali Diedo yedi: «A laa u naa nibuolu yaa cua n kani, U kpiagidi nni leni u ñoacuuna Ama u pali foagi leni nni. Wun pia npo yaa fangili mo tie maasuagu bebe.

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 3:10

Leni baa lankuli o naataanpuoga Juda i janbi daano naa guani n kani leni o pali kuli, faama bebe. Li Miali Diedo n yedi yeni.»

Jeremi 45:4

Ŋan baa maadi o maama nne: ‹Diidi n baa bolini min maa yaala. N baa ŋabi min ŋuu yaala. Lani n tie mi naa diema kuli.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia mamandi bebe. Lanwani bi gbanandi bonbuakaala n dia ba.

Ose Tili 7:14

Baa mua ki miadi nni leni bi pala kuli ka, Ama bi buudi bi duani nni. Bi ja biba ki tama ke yene bi baa baa *Ŋalikama leni o duvenpaano boncianla, Ama, yeni, bi fiini npo mi yieme.

Habakuki 1:13

Ama a gagidi ki ŋani hali boncianla, A kan fidi ki yaa nua yaa bonla n bia. A kan fidi ki yaa nua fala ki ŋmini. Lanwani be yaa po ke a baa yaa ŋmini Ki nua yaaba n janbidi bi lieba? Be yaa po ke bi nibiadiba yaa bolindi yaaba n tiegi ki cie ba, A yen ŋmini kaa tua liba?

Matie 15:8

‹Bi naa niba jigindi nni leni bi ñoacuuna, Ama bi pala foagi leni nni.

Marki 7:6

Jesu den goa ki yedi ba: «Yinba pala lie danba, Esayi den pua yipo yaa sawalo na tie moamoani. O den yedi: ‹Bi naa niba jigindi nni leni bi ñoacuuna, Ama bi pala foagi leni nni.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba kaa fidi ki tieni tuonŋanliba kuli.