Jeremi 12:16 - Gourmanchéma Bible

¹⁶ Bi yaa bangi n niba sani, Bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo *Baali yeli nni maama yeni, Lanwani bi baa guani, Ki kali n niba siiga.

U TIENU MAAMA TILI 2013

¹⁶ Bi yaa bangi n niba sani, bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo Baali yeli nni maama yeni, lanwani, bi baa guani ki kali n niba siiga.

Jeremi 12:16 ပူးပေါင်းရင်းမြစ်များ

I Yani 1:8

Fini yaa pua n ŋani ki cie bi puoba kuli yeni, A yaa bani, wan kpaa o yangoli naankani, Ŋan ña ki ŋoadi ti yanbidi fuuli Ki kpaa o ŋuabila Bi yankpaaba gbandiena n ye naankani.

Esayi 2:3

I nibuoli boncianla baa caa likani ki tua biyaba: «Cua mani tin do Li Miali Diedo juali yuli po, Wani Jakobo Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyono po yo ke li *bali maama baa ña Li Miali Diedo maama baa ña Jelusalema.

Esayi 42:6

«Mini Li Miali Diedo, n yini a mi *teginma po, N baa muubi a nuu, ki kubi a Ki puogi a Ŋan kuani n *ŋantaado mini leni n niba siiga, Ki go teni ŋan tua i nibuoli yenma,

Esayi 45:23

N poli leni n yuli I moamoani ña n ñoabu nni. Yaa maama n tie na mo kan lebidi: «Dunli kuli baa gbaani n nintuali Lanbu mo kuli baa poli n yeli nni.»

Esayi 49:6

O den yedi nni: «Min teni ke a tua n naacemo yeni daa dagidi. A baa fiini Jakobo buoli yaaba Ki nan guani Isalele yaaba siiga yaaba n sieni. N go gandi a ke ŋan tua mi yenma i nibuoli po Ke n *faabima mo n talini Ki pundi hali ŋanduna banlu kuli po.»

Esayi 65:16

Yua n bua ki baa li seli mi diema nni kuli, Baa mia li i Moamoani Tienu kani. Yua n baa poli mi diema nni kuli, Baa taa i Moamoani Tienu yeli ki poli. Kelima bi baa sundi li paboanli po Li baa wuo n nuni po.

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 18:8

Li yaa tie ke min maadi yaa nibuolu yaa maama yeni cedi yaa biadima n den fiini n pali yeni, n yen lebidi n yama leni min bi jagi ke n baa waani ba yaa fala.

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Jeremi 5:7

Naani lani n baa teni min pa ŋa sugili? A bijaba ŋa nni Bi polini leni yaala n ki tie U Tienu N den puni ba li jeeguoli ke bi fii ki conbidi. Bi tiini ki taagi li poconconli dieli nni.

Jeremi 6:16

Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Sofoni 1:5

N baa bolini yaaba n do a diena tanpoli ki kpiagidi a ŋmabila, Leni yaaba n kpiagidi nni Ki polini ke bi ŋua nni leni bi pala kuli, Ama ki nan biliti i ñoaniani leni o bulo Milikomi.

Sakari 1:6

Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

LOMA YAABA 11:17

Ama li yaa tie ke i bentiami jia ki ñani, ke fini yua n tie *olifie tilianbu yaa benu tugini bi yaa kaanu ki baadi olifie tiŋuukaabu yaa jiini n puuni yaa sinma,

LOMA YAABA 14:11

Kelima li diani: «O Diedo yedi: ‹N ye ki fo, Dunli kuli baa gbaani n nintuali, Lanbu kuli baa kpiagi U Tienu.› »

1 Korenti 3:9

Kelima ti taa ki tuuni leni U Tienu. Yinba n tie U Tienu kuanu. Yi go tie U Tienu diegu.

Josue 23:7

Yin da taani leni yaa nibuoli n sieni ki ye yi siiga ne. Yin da taa bi *buli yela, yin da taa bi yela ki poli mo, yin da ŋoadi ba mani, yin da gbaani ki kpiagi ba.

Ruti 3:13

Ŋan duani ne hali lan faa. Saala o yaa sua ke o bua ki taa ŋa ki kubi ŋa nani lan bili ke o pia u sanu ki taa ŋa maama, wan taa ŋa. O yaa bua mo, hali U Tienu po, mini wani n baa taa ŋa ki kubi a. Duani hali lan faa.»