Jeremi 12:10 - Gourmanchéma Bible

¹⁰ Bi yankpaaba boncianla jugi n duven tiidi kuanu Bi ŋma ŋma n kuanu Bi teni ke n koaŋamu kpandi ki tua fanpienma nilo n ki ye naani.

U TIENU MAAMA TILI 2013

¹⁰ Bi yankpaaba boncianla jugi n duventiidi kuanu, Bi ŋmaa ŋmaa n kuanu, Bi teni ke n koaŋamu kpandi ki tua fanpienma, Nilo n ki ye naani.

Jeremi 12:10 ပူးပေါင်းရင်းမြစ်များ

Esayi 3:14

O baa jia ti buudi leni o niba siiga a nikpela, Leni bi yudanba ki yedi: «Yi ŋmani n duven tiidi kuanu, Yin fie yaala a luoda kani gbie yi diedi.

Esayi 43:28

Li tie lani yaa po ke n den nua ke u *kaangagidiŋamu kopadicianba kuli *joagini, N go den ŋa ke Isalele yaaba yibalinba fiagi ba ki go bolini ba.

Esayi 63:18

A niba yaaba n gagidi ki ŋani den diedi mi diema u yogunu waamu bebe po. Ti yibalinba ŋma ki biidi a *kaangagidiŋamu.

Jeremi 23:1

Li Miali Diedo yedi: «Fala n baa yaa gobidikaaba n biandi ki go yadi n niba!»

Jeremi 25:37

Yaa yanlola n den pia ti yandi kuli bili suo. Kelima Li Miali Diedo pabiencianli po.

Jeremi 25:38

O ŋa o diegu nani li yangbanbili n fii ki ŋa o buoli maama yeni. Bi diema kpandi fanpienma kelima yua n bolindi Yaa pabiencianli leni o pali yaali n beni, Ki co nani mi fantama yeni po.»

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 3:19

N den buali n yuli: «N sugini hali bonŋanla fine n tua N bijaba siiga kuli liiga yua, Ki pa ŋa yaa diema n mani hali boncianla, Yaa tinga n ŋani ki cie mu tinmu kuli li ŋandunli nni.» N den tama ke a baa yini: «N baa!» Ki kan go buli nni a nunga mo.

Jeremi 39:3

Lanwani Babilona bado koanbala kuli den kua ki ban kali u juogu u dogu siiga nni buliñoabu kani. Bani n tie ne: Nedigali-Saleseli bi toatieba yudaano, Samigali-Nebo, Sali-Sekimi mu moagilimu yudaano leni o koanbala yaaba n sieni.

Jeremi 6:3

Bi niba kpendi o kani nani bi yankpaaba leni bi yangola yeni, Bi tii bi gbandiena ki gaani ki lindi o Ki baa baa o bu toabu. Yua kuli se o kaanu leni o toagola. Bi kpaa yua kuli o kaanu.

Jeremi 9:10

Li Miali Diedo yedi: «N baa teni Jelusalema diema n tua diegbengu, I tanboe n ye naankani. N baa teni Juda dogi n tua paboanli kaanu Niba n ki go ye naani.»

Esekieli 34:2

«O ja na, maadi ki pua sawali Isalele yankpaaba po ki waani ba min bili bipo yaala. O Diedo, Li Miali Diedo yedi mi ne: ‹Fala n baa Isalele yaaba yankpaaba, yaaba n li nua bi yucela ŋamu bebe! Naani bi yankpaaba tuonli ki bi tie ban yaa kpaa ti yandi ka?

Esekieli 34:5

Lanwani bi den yadi yadi kelima baa pia yankpaalo po, ki tua ti fuayandi kuli mo yaa jiema.

Danieli 8:13

N den gbadi ke maleki maadi. Malekitoa den buali o: ‹Li bonlekaala n waani ke yaala n baa tieni yeni baa waagi ki pundi u laa yogunu? Bi baa sieni daali kuli padili ki pundi hali u laa yogunu? Yaa bolinma n bolindi baa yaa ye hali u laa yogunu? Bi baa yaa ŋmaadi u kaangagidiŋamu leni tanpoli gola hali u laa yogunu?›

Sakari 7:14

N den teni ke bi yadi ba ban kaa den bani yaa nilanbuoli siiga. Ban den gedi ki ŋa mi diema, mi den tua diegbena, nilo n kaa go den tagi naani. Laa diemanma den tua fanpienma ke nilo ki go ye mi niinni.› »

Luki 21:14

Ama yin yaa bani yi yama nni ke laa tie yin tuodi ki kpaagi yin baa ti maadi yaala ki ga yi yula.

Mi Doagidima 11:2

Ŋan cedi ki da biigi o dieli luolu, kelima bi ŋa u bi nilanba po yo. Bi baa ŋmaadi ki biidi o dogagidiŋamu hali piinaa n ŋmaali lie.