Jeremi 12:1 - Gourmanchéma Bible

¹ Li Miali Diedo a tiegi ki kandi hali yaala ke n kan fidi ki bu leni a. Ama baa leni lani kuli n bua ki maadi a a buudi maama. Be n teni ke bi nibiadiba bonla kuli cuoni bipo? Be n teni ke bi yama dua bi yema nni, Bani i janbi danba yeni?

U TIENU MAAMA TILI 2013

¹ Fini o Diedo, a tiegi ki kandi hali yaala Ke n kan fidi ki bu leni a. Ama leni lani kuli, N bua ki maadi a a buudi maama. Be n teni ke bi nibiadiba bonla kuli cuoni bi po? Be n teni ke i janbi danba yama dua bi yema nni?

Jeremi 12:1 ပူးပေါင်းရင်းမြစ်များ

Mi cilima 18:25

Ki teni o niteginka n kpe leni o nibiado ke o niteginka n tua yenma leni o nibiado, laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Esidirasi 9:15

Li Miali Diedo, tinba Isalele yaaba Tienu, a tiegi. Ama a teni ke nitianga faabi. Diidi, ti ye a nintuali leni ti tuonbiadi, ama ti kan bi baa ki yaa ye a nintuali leni ti tuonbiadi.»

Nehemi 9:33

Yaala n den tieni ti kuli yaa siiga a den tiegi Kelima a den doagidi ke a tie tin baa fidi ki dugi yua yaa po, Ke timo nan tieni yaala n bia.

Jobi 12:6

Bi sanjaba leni yaaba n ki ŋua U Tienu ye leni mi yanduanma bi diedi nni. Bi li dugi bi gbanmanu po ki ŋa U Tienu.

Jobi 13:3

Ama min wani, n bua ki maadi leni U Paaciamu Kuli Daano yo. N bua ki maadi ki ga n yuli U Tienu kane.

Jobi 24:12

U dogu nni, yaaba n ku yenbidi, Yaaba n poagili, mo buudi. Ama U Tienu naa faami laa tuongunda kuli po!

Jobi 24:23

U Tienu yen teni mi yanduanma n yaa tie bi jigi, Ki yen faami bi sani kuli po.

Jobi 8:17

O jiini kua ki sagi a tankuda nni, Ki ban talini hali ku tangu tinga.

Pisomi 116:5

Li Miali Diedo tiendi li *ŋanbili ki go tiegi mo Ti Tienu gba mi niñima.

Pisomi 119:137

Li Miali Diedo, a tiegi. A bujiali mo tiegi.

Pisomi 119:75

Li Miali Diedo, n bani ke a buudi tiegi A pia moamoani mo leni ŋan faligi nni.

Pisomi 145:17

Li Miali Diedo tiegi o sani kuli nni, Ki pia li ŋanbili o tuona kuli nni.

Pisomi 37:1

Dafidi yanbu. Da bieni a pali yaaba n tiendi yaala n bia po. Da poni leni yaaba n tiendi mi biadima.

Pisomi 37:35

N den laa o nibiado leni o paaciamu, O den landi lande nani yaa tibu n bundi bonŋanla yeni.

Pisomi 51:4

Ŋuudi ki ŋanbi nni cain n tagili po Ŋuudi ki ñani npo n *tuonbiadi.

Pisomi 51:6

N tieni apo ti tuonbiadi, N tudi fini bebe yaa po yo N tieni yaala n bia a nuni po. Hali yaala ke a baa tiegi a bujiali nni. Nanmaba mo ki ye a bujiali nni.

Pisomi 92:7

O yanpiidaano naa bani liba kuli lipo, O yanluodaano mo ki pia lienni yanfuomaba kuli.

Mi Kpanjama 1:32

Kelima bi yanpiidanba n yie mi yanfuoma yeni, lani n baa kpa ba, bi yanluodanba n duani bi yama leni bi yanluoma kaa bangi lipo yeni, lani n baa bolini ba.

O Yanfuodaano 8:14

Bongangikaaliba nne tiendi ki tinga nni: Li pia yaa niteginkaaba n baadi yaa panpaani n bi baa yaa tie bi nibiadiba yaa panpaani, ki nan go pia yaa nibiadiba mo n baadi yaa panpaani n tie bi niteginkaaba yaa panpaani. N yedi ke lani moko didi tie bongangikaala.

Esayi 41:21

Li Miali Diedo yedi: «Maadi mani yin pia yaa maama, Wani, Jakobo puoliŋuani bado yedi: Waani mani yaala n tie i moamoani.

Esayi 48:8

Yi daa bi gbadi liba kuli lipo Yi daa bi bandi liba kuli mo Yi tuba mo daa den ga li laabaalo Kelima n bani ke yi tie janbiciami danba. Yi den tie niyiekaaba hali yi naa tugu nni.

Jeremi 11:20

Ama Li Miali Diedo tie yaa bujialo n tiegi Yua bani bi niba yantugudi bonŋanla. N baa le ŋan baa tu i panpaani maama Kelima n cua ki buni fine n maama.

Jeremi 12:6

Kelima a kpiiba bani biba moko, Leni a baadiegu nni yaaba se apo leni i janbi. Bani biba ŋua a puoli po ki kuudi Ŋan da daani ba, baa ban maadi apo yaa mamanma kuli.

Jeremi 3:20

Yende, nani o pua n yen janbi o calo maama yeni, Yinba Isalele buolu yaaba moko janbi nni yene. Mini Li Miali Diedo n yedi yeni.

Jeremi 3:7

N den yedi n yuli: ‹O yaa ban tieni laa bonla kuli ki gbeni, o baa guani n kani. Ama o naa guani. O naataanpuoga Juda yua tie janbi daano yeni laa laa bonla.›

Jeremi 32:16

Min den teni Baluki Neliya bijua mi kuadima ŋantaaditili, n den jaandi ki mia Li Miali Diedo ki yedi:

Jeremi 5:11

Isalele leni Juda yaaba kuli Janbidi nni cain. Mini Li Miali Diedo n yedi yeni.

Jeremi 9:2

Bi landi coa nani a dabana yeni mi faama po, Bi yantugupiendi mo ka teni ke bi pia u paalu mi diema nni. Se biadima n tu biadima. Baa bani nni. Mini Miali Diedo n yedi yeni.

Jeremi Bubula 1:18

Li Miali Diedo n tiegi Kelima n den yie o *bali maama. Cengi mani yinba i nibuoli kuli Diidi mani n fala! N jafanba leni n jawaaba gedi ti yonbidi.

Esekieli 18:25

Yi tua: ‹Li Miali Diedo sanu naa tiegi.› Cengi mani yinba Isalele yaaba! Naani mini n yaa sanu n ki tiegi? Naani laa tie yinba yaa sani ka ki tiegi?

Danieli 9:14

Li tie lani yaa po ke a teni ke laa yebiadima ŋma ti kelima fini Li Miali Diedo ti Tienu tiegi ŋan tiendi yaala kuli nni, ama tii cengi a yedima.

Danieli 9:7

Fini o Diedo, a tiegi, tinba ti ye leni i fe dinla, tinba Juda yaaba leni Jelusalema dotieba leni Isalele yaaba kuli, yaaba n ye koanma koanma nni leni yaaba n ye foagima, ŋan den deli ki yadi yaaba mi diema nni kuli kelima tin den ŋa ŋa maama yaa po.

Ose Tili 6:7

Ama yi den biidi o *ŋantaado nani bi nisaaliba n tieni maama, Lankane, yi janbi nni.

Habakuki 1:4

Bi niba ki go ŋua li *balimaama. Bi bujiaba ja yaa bujiali n goli. Bi nibiadiba baadi i moamoani ki ŋaani bi *niteginkaaba. Li tie lani yaa po ke li bujiali ki go pia fuoma.»

Sofoni 3:5

Ama Li Miali Diedo nan ye Jelusalema, Ki tiendi yaala n tiegi, kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi baa dayenli. Ama baa leni lani kuli, bi nibiadiba tiendi yaala n bia, Kaa gba feba kuli.

Malaki 2:17

Yi coagini Li Miali Diedo leni yi macianma, Ki nan go tua: «Ti coagini o leni be?» Li tie ke yi ŋua ki tua ke yua n tiendi mi biadima Tiegi Li Miali Diedo nintuali, Ke Li Miali Diedo pali mani laa nibuolu yaa po yo. Yi go tua: «Yaa Tienu n tiegi yeni nan ye le?»

Malaki 3:15

Moala, ti kpaagi ki sua ke Bi japaadanba n ye leni mi yemanma, Ke li bonla kuli cuoni ti tuonbiadi danba po, Baa bi yaa biigi U Tienu leni bi tuonbiada, Liba kuli ki yen tieni ba.› »

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba Wani n tiegi ki go ŋani mo.