Jeremi 11:8 - Gourmanchéma Bible

⁸ Ama baa cengi, Baa diadi bi tuba ki cengi. Yua kuli ŋoadi o pajuagijagindi. Lani n teni ke n mo fii ki tieni bipo Laa ŋantaado n den pia yaa buudi Min den yedi ban kubi ki go tieni yaala Ke bi yie kaa tieni yeni.»

U TIENU MAAMA TILI 2013

⁸ Ama baa cengi, baa diadi bi tuba ki cengi. Yuakuli ŋoadi o pajuagijagindi. Lani n teni ke nmo fii ki tieni bi po Laa ŋantaado n den pia yaa buudi, min den yedi ban kubi ki go tieni yaala, ke bi yie kaa tieni yeni.»

Jeremi 11:8 ပူးပေါင်းရင်းမြစ်များ

Nehemi 9:26

Ama baa yeni bi den fii ki fiini mi yiema apo. Bi den luni a bali maama, Bi den ku a sawalipuaba yaaba n den tigini ba Ke ban guani a kani. Bi den tudi apo tudicianma.

Nehemi 9:29

A den tigini ba ban guani ki kubi a bali maama, Ama bi den suagi liiga leni ti japaadi, Baa cengi a mabilikaama, Bi miidi a ñoabona ya n teni ke yua n tuo ki kubi la baa yaa ye. Bi den fiini mi yiema ki juagi bi tuli kaa tuo a maama.

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 31:32

Li kan yaa tie nani min kuani yaa *ŋantaado leni bi yaajanba min den mubini bi nii ki dadi ki baa ñani ba Ejipiti diema nni yaa daali ka. Baa ke n tie bi canbaa, bi den fidi laa ŋantaado. Li Miali Diedo n yedi yeni.»

Jeremi 32:23

Bi cua ki diedi ma, ama bi naa cengi a maama, baa cuoni nani a *balimaama n den bili bipo maama. Baa den tieni ŋan den puogi ba ban tieni yaala. Lani n teni ke a cuani bipo o naa fala kuli.

Jeremi 34:14

Ne leni bina lele, yi siiga yua kuli baa cabi o nikpiilo Ebilu yua, yua n cua ki kuadi o yuli opo. O baa soani opo bina luoba, li yaa yuandi a baa cabi o.› Ama yi baanba naa den ga n maama, baa den diadi bi tuba ki cengi n maama.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 38:20

Jelemi den goa ki yedi o: «Bi kan ŋa ŋa bi nuu nni. A yaa cengi Li Miali Diedo n puogi nni min yedi a yaa maama yeni, a baa sua ke li ŋani apo. A baa faabi a miali.

Jeremi 44:16

«Tii bua ki cengi yaa maama ke a yedi ti Li Miali Diedo yeli nni yeni.

Jeremi 44:17

Ti bua ki ŋoadi ti pali nni maama yaama n ñani ti ñoana nni ki padi tanpoli badipua po a dugibila padili, ki cabi opo nani ti baanba, ti badiba leni ti koanbala n den tiendi maama Juda dogi nni leni Jelusalema sani nni. Li yogunu ti den pia mi jiema ke li dagidi, ti yema den mani ke falaba ki ye.

Jeremi 44:5

Ama yi naa cengi, yi naa diadi yi tuba ki baa cengi, yi naa cedi ban den tieni nni yaa bonbiadila, yi naa ŋa dugibila padili i bulami po.

Jeremi 7:13

Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Jeremi 7:24

Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Esekieli 20:8

Ama bi den fiini npo mi yiema ki naa bua ki cengi nni. Oba mo kuli ki den ŋa ban den maani ki tiendi yaa cagindi, ki naa luni Ejipiti yaaba buli mo. N den yedi ke n kan go jiini n pali bipo, ama ke n baa wuli bipo n pabienli, ki teni n pabienli n tuoni li bianu bipo Ejipiti diema nni.

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.