Jeremi 11:20 - Gourmanchéma Bible

²⁰ Ama Li Miali Diedo tie yaa bujialo n tiegi Yua bani bi niba yantugudi bonŋanla. N baa le ŋan baa tu i panpaani maama Kelima n cua ki buni fine n maama.

U TIENU MAAMA TILI 2013

²⁰ Ama Li Miali Diedo tie yaa bujialo n tiegi, Yua n bani bi niba yantiana bonŋanla. N baa le ŋan baa tuu ba i panpaani maama, Kelima n cua ki buni fine n maama.

Jeremi 11:20 ပူးပေါင်းရင်းမြစ်များ

Mi cilima 18:25

Ki teni o niteginka n kpe leni o nibiado ke o niteginka n tua yenma leni o nibiado, laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

2 Bi Badiba 19:14

Esekiasi den ga a tonda kani li tili ki cogi. Lanwani o den taa li ki gedi Li Miali Diedo diegu nni, ki poabidi Li Miali Diedo nintuali.

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

1 Bi Badiba Jama 29:17

N Tienu n bani ke a biigidi li pali ki bua mi *teginma. N puni ŋa yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

Jobi 5:8

Li yaa bi tie mine, n baa yaa miadi U Tienu N baa waani U Tienu yo n payianu,

Pisomi 139:23

U Tienu, kpaagi nni ki bandi n pali cain Biigi nni ki bandi n yanjaga kuli.

Pisomi 35:2

Taa a gbankoanditi kuli Ki fii ki todi nni!

Pisomi 43:1

Saa npo i moamoani n Tienu, Koani leni yaa nibuolu n ki tiegi yeni ki gaa nni. Faabi nni i janbi danba leni bi nibiadiba nuu nni!

Pisomi 57:1

Bi yanyanba yudaano yani siiga yanbu, yaabu n yiini leni ban yi yaa yanbu: «Da bolini!» Yaa nialu. Dafidi yanbu. Li tiadi Dafidi n den sani ki kua ku joatanlongu nni ki baa cia Sayula.

Pisomi 58:10

Hali ke i konkoni daa cuo ki tongi yi boba U Tienu pali n beni maama yaa po, O baa teni ku tafaagu n tugi ki gedini bi nibiadiba.

Pisomi 7:10

Teni bi nibiadiba biadima n gbeni, Paagi a niteginkaaba. Fini yaa Tienu n tiegi, Ki biigidi li pali leni li yantiali kuli.

Pisomi 7:8

I nibuoli boncianla gaani ki lindi a, Fini yua n ye tanpoli, ŋan diedi bikuli.

Pisomi 7:9

Li Miali Diedo ja ti buudi leni bi niba. Saa npo i moamoani Li Miali Diedo, Nani n *teginma leni n papienli n pundi maama.

Pisomi 98:9

Li Miali Diedo nintuali, kelima o kpendi Ki baa jia ti buudi leni ki tinga. O baa jia li ŋandunli buudi leni mi teginma, Ki jia i nibuoli buudi lan dagidi.

Jeremi 12:1

Li Miali Diedo a tiegi ki kandi hali yaala ke n kan fidi ki bu leni a. Ama baa leni lani kuli n bua ki maadi a a buudi maama. Be n teni ke bi nibiadiba bonla kuli cuoni bipo? Be n teni ke bi yama dua bi yema nni, Bani i janbi danba yeni?

Jeremi 12:3

Fini Li Miali Diedo, a bani nni A nua nni, a bani yaala n ye n pali nni. Nani ban ñani yaa pe ki baan kodi yeni Piadi ki sieni ba mi kodima daali po.

Jeremi 15:15

Fini Li Miali Diedo a bani likuli Tiadi npo, todi nni Tu npo n panli leni yaaba n wangi nni fala. Da kpa nni, fini yua yaa pali n ki be tontoni. Bandi ke n laa i fe buoli kuli kelima a yaa po.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yua kuli nani o sanbila n tie maama, Ki pa yua kuli mo o panpaani nani o tuona n tie maama.»

Jeremi 17:18

Teni i fe n cuo yaaba n sedi npo. Ama mini wani n da fiagi, Teni ban digibi, Ama mini wani n da digibi. Teni fala daali n cua bipo Teni fala buoli lie n taani ki cuo ba yenma.

Jeremi 20:12

Fini Li Miali Diedo U Paaciamu Kuli Daano biigidi o niteginka. O nua yaa yanjaga leni yaa yantiana n wuo. N baa le ŋan baa tu ba bi panpaani maama, Kelima n cua ki piani n yuli fini yaa kani.

Jeremi Bubula 3:58

Li Miali Diedo, a maadi npo n buudi nni, Ki daa ki faabi n miali.

Jeremi Bubula 3:59

Li Miali Diedo, a nua ban tudi npo maama, Saa npo n moamoani.

Jeremi Bubula 3:64

Li Miali Diedo ŋan soani ban mo yeni, Ŋan guani ba nani bi tuada n tie maama.

Esekieli 11:5

Lane, U Tienu Fuoma den jiidi npo, ki puogi nni min yedi yaa maama n tie ne: «Li Miali Diedo yedi mi ne: N bani yinba Isalele yaaba yin tua yaala, Leni yin maliti yaala yi pala nni.

Jesu Tondiba Tuona 17:31

Kelima wani U Tienu bili ti buudi daali, wan baa bu leni ŋanduna yaaba kuli yaa daali leni mi *teginma. O gandi o nilo ki bili ke o baa jia laa buudi. O saa i moamoani ke li baa tieni yeni leni wan fiini laa nilo bi tinkpiba siiga yeni.»

Filipi 4:6

Yin da yagi mani yi yama bonlaba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi ki go tuondi o.

2 Timote 4:14

O maano Alesanda den tieni nni mi biadima boncianla. O Diedo baa guani o nani o tuona n tie maama.

1 Pieri 2:23

Ban den sugi o yaa yogunu, waa den guani liba. Ban den faligidi o yaa yogunu, waa den funi leni ba. Ama o den tendi o yuli Yua n ja ti buudi leni mi *teginma.

Mi Doagidima 18:20

Tanpoli, mangi a pali u bodima po. Yinba bi *nigagidiŋanba, Bi tondiba leni bi sawalipuaba kuli Mo n mangi yi pala. Kelima U Tienu tu yipo li panli Ki jia u ti buudi.»

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.

1 Samueli 16:7

Ama Li Miali Diedo den yedi Samueli: «Ŋan da diidi o bugima leni wan foagi maama kelima n cedi wani. Mini U Tienu mii nua ki bigidi nani o nisaalo n nua ki bigidi maama ka. O nisaalo nua i nuni n laa yaale, ama mini Li Miali Diedo nua li pali nne.»

1 Samueli 24:15

Fini Isalele yaaba bado, a ñani ki baa tuogi leni ŋme bu toabu? A ŋua ŋme? Mini o sangbankpiemo, mini li canfundili.