Jeremi 11:17 - Gourmanchéma Bible

¹⁷ Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

U TIENU MAAMA TILI 2013

¹⁷ Li Miali Diedo U Paaciamu Kuli Daano n den kaani o niba likani. Wani n den teni ke mi yebiadima ŋmaa ba, kelima Isidayeli leni Juda yaaba n den tieni yaa biadima po. Bi den bieni o pali, ki juu o bulo Baali po a dugibila.»

Jeremi 11:17 ပူးပေါင်းရင်းမြစ်များ

2 Samueli 7:10

N puni n niba Isalele yaaba u yekaanu, ki kaani ba ke ban yaaka ki da go goadi ki liani, ke bi nibiadiba n da go mabini ba nani mi kpiama,

2 Bi Badiba Jama 28:25

O go den maa i buli padibinbina Juda diema dogi juana kuli po, ki baa yaa juugi tulale i buli po. O den tieni yene ki bieni Li Miali Diedo o yaajanba Tienu pali.

Pisomi 44:2

U Tienu, ti den gbadi leni ti tuba Ti baanba mo go den togidi ti, Ŋan den soani yaa tuonli bi yaa yogunu, Hali bi nikpiaba yaa yogunu nni.

Pisomi 80:15

Ŋain, goa ki cua Li Miali Diedo U Paaciamu Kuli Daano! Fini yua n ye tanpoli, diidi ki le lan tie maama, Faabi bu duven tibu yeni.

Pisomi 80:8

U Tienu U Paaciamu Kuli Daano, Teni tin goa ki cua Mangi a nunga tipo, lani ti baa faabi.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋu. O den maa li diefoagili u kuanu siiga, Ki den gbini u datuodikaanu, Ki sugini ke duven tiidi baa luoni li bonluonkaala. Ama li den loni yaa bonluonkaala n bedi.

Esayi 61:3

N baa lebidi Siyono yaaba, Yaaba n ye li paboanli nni Ki pa ba ti kpiagidi lan lebidi mi fantanpienma kaanu Li pamanli tulale mo n ga li paboanli kaanu, Ti kpiagidi tiayiekaadi mo n ga li pabiidili kaanu Ke ban yaa yi ba mi *teginma ticiandi, Li Miali Diedo tiŋuuke, yi n baa doagidi o kpiagidi.

Jeremi 1:14

Lanwani Li Miali Diedo den yedi nni: «Nijienu po yo ke mi yebiadima Baa cili yaaba n ye mi diema nni kuli po.

Jeremi 11:11

Lani n teni ke Li Miali Diedo yedi mine: «N teni ke fala n nandi ba. Bi kan fidi ki cia, Bi baa mua ki yaa diidi nni N mo nan kan cengi ba.

Jeremi 11:13

Fini Juda, a buli yaba ki pundi a dogi. Fini Jelusalema, a padibinbina Ŋan juugi a dugibila o bulo *Baali po naankani, Yaba ki pundi a sani.»

Jeremi 12:2

Fini n ŋuu ba. Bi faadi ki pia i jiini. Bi bundi bonŋanla ki luoni li bonluonkaala. A yeli li ye bi ñoabu nni yogunu kuli, Ama bi pala wani foagi leni a.

Jeremi 18:15

Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

Jeremi 18:8

Li yaa tie ke min maadi yaa nibuolu yaa maama yeni cedi yaa biadima n den fiini n pali yeni, n yen lebidi n yama leni min bi jagi ke n baa waani ba yaa fala.

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 2:21

N nan den ŋuu ŋa Nani duven tiidi kuanu yu ŋani bonŋanla Ki tie duven bonŋanmoano tiidi buolu. Li ga lede ke a biidi cain ki tua tilanbu Ke a bonluonkaala mo bedi?

Jeremi 24:6

N baa diidi ba leni ki nunmanga ki go teni ban guani mi naa diema nni. N baa maa ba, n kan mudi ba. N baa ŋuu ba. N kan ŋabi ba hali abada.

Jeremi 26:13

Moala lebidi mani yi tagu leni yi tuongunda. Cengi mani Li Miali Diedo nialu, yeni Li Miali Diedo baa cedi wan bi jagi ke o baa tieni yi yaa bonbiadila yeni.

Jeremi 26:19

Naani Juda bado Esekiasi leni Juda yaaba kuli den cuo o ki ku o yo? Naani baa den doagidi ke bi pia li fangili Li Miali Diedo po ki moandi ki baa jiini o pali kaa? Lanwani Li Miali Diedo den cedi wan den jagi ke o baa tieni ba yaala ke li bia yeni. Tinba wani baa tuo ki tuni ti yuli laa janda!»

Jeremi 32:29

Babilona yaaba, yaaba n baa u dogu nne baa kua u niinni. Bi baa juu u mi fantama ki taani leni ban juugi A *dugibila yaa diena po o bulo *Baali po, Ki go cabi butoe po ki baa biidi n pali.

Jeremi 32:30

Kelima Isalele yaaba leni Juda yaaba Nan li tiendi yaala n ki mani npo hali bi panma nni. Isalele yaaba leni bi tuada li biidi n pali bebe. Li Miali Diedo n yedi yeni.

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Jeremi 40:2

Badidiegu guuda yudaano den yini Jelemi ki yedi o: «Li Miali Diedo a Tienu den tuodi ki waani a yaa fala n baa nandi u naa kaanu.

Jeremi 40:3

Li Miali Diedo teni ke wan den maadi yaala yaa maama cua. O tieni wan den yedi yaala kelima yi tieni ti*tuonbiadi, Li Miali Diedo po ki naa cengi o maama. Lani n teni wan den yedi yaala kuli nandi yi.

Jeremi 42:10

‹Yi yaa guani mi diema nni, N baa pugini yi paalu, N kan bolini yi. N baa ŋuu yi, n kan ŋabi yi, Kelima n pali ki go mangi Min tieni yi yaa biadima po.

Jeremi 44:5

Ama yi naa cengi, yi naa diadi yi tuba ki baa cengi, yi naa cedi ban den tieni nni yaa bonbiadila, yi naa ŋa dugibila padili i bulami po.

Jeremi 44:8

Yi biidi n pali leni yi bontienkaala kelima yi juugi a dugibila Ejipiti diema buli po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Jeremi 45:4

Ŋan baa maadi o maama nne: ‹Diidi n baa bolini min maa yaala. N baa ŋabi min ŋuu yaala. Lani n tie mi naa diema kuli.

Jeremi 7:18

A bila kpaagi ti daadi Bi baanba cuondi mi fantama, Bi puoba kaaliti mi yoma, Ki baa pua ti lalaadi Tanpoli badipua po. Bi go baa cabi i buli po, Ki baa bieni n pali.

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Esekieli 17:5

O go den taa mi diema yeni niinni tibiga, ki ban ŋu ga yaa tinga nni pia ti bugidi leni mi ñima hali ke li kandi.

Ose Tili 10:1

Isalele yaaba den tie Nani duven tiidi yi n ŋani, Ki luoni boncianla mo. Ama bi bonluonkaala n den yabidi ki pugidi, Bi den pugidi a *padibinbina mo. Bi diema piama n den yabidi ki pugidi, Bi den kpie ki ŋanbidi a butana mo ki pugidi.