Jeremi 11:11 - Gourmanchéma Bible

¹¹ Lani n teni ke Li Miali Diedo yedi mine: «N teni ke fala n nandi ba. Bi kan fidi ki cia, Bi baa mua ki yaa diidi nni N mo nan kan cengi ba.

U TIENU MAAMA TILI 2013

¹¹ Lani n teni ke o Diedo yedi mi naa maama: «N teni ke fala nandi ba. Bi kan fidi ki cia, bi baa yaa mua ki yi nni, nmo nan kan cengi ba.

Jeremi 11:11 ပူးပေါင်းရင်းမြစ်များ

2 Bi Badiba 22:16

«Li Miali Diedo yedi mine: ‹N baa teni o falabiado n baa u dogu na leni yaaba n ye u niinni, nani fini Juda bado n cogi li tili ke li yedi maama.

2 Bi Badiba Jama 34:24

ke Li Miali Diedo Isalele yaaba Tienu yedi mine: ‹N baa teni yaa fala leni yaa solindi n diani li naa tili nni ke bi cogi li Juda diema bado po yeni, n nandi u naa kaanu leni u niba kuli.

Jobi 35:13

Bi kuudi, ama laa pia mayuli Kelima U Tienu naa cengi, Wani U Paaciamu Kuli Daano ki faami lipo.

Pisomi 18:41

A teni ke n laa n yibalinba puoli. N baa bolini yaaba n nani nni mo.

Pisomi 66:18

Li yaa den tie ke n pia i janbi yantiali n pali nni, Li Miali Diedo kan den cengi nni.

Mi Kpanjama 1:28

yi baa yini nni, n kan guani, ki lingi nni, yi kan le nni.

Mi Kpanjama 29:1

Ban tundi yua ke o yiedi yogunu kuli, Bi baa ti pua ki mudi o yenme ke laa pia ñoagu.

Esayi 1:15

Yi yaa yugidi yi nii ki baa jaandi nni, Se min buli yi n nunga, Baa yi yaa jaandi figilima coacoali, n kan cengi yi, Kelima yi nii kuli tie soama.

Esayi 24:17

Ti jawaanciandi, ku buogu leni i taali jagi a yuli po, Fini yua n ye ki tinga yeni po!

Jeremi 11:14

Fini, da jaandi laa niba po Da kpaani ki mia bipo, da jaandi bipo. Kelima mii cengi ba, bi yaa miadi n todima bi yebiadima po.

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 14:2

«Juda diema ye leni li paboanli Mi diema dogi coagi, Ki ye leni li paboanli ki kaa tiipo. Jelusalema bubula fii ki loli.

Jeremi 15:2

Lanwani bi yaa yedi a: ‹Ti baa gedi le?› Ŋan guani ba: Li Miali Diedo yedi nanda: Mi kuuma n je man baa je yua, Bu toabu n je bun baa je yua, Mi koma n je man baa je yua, Ti yonbidi mo n taa tin baa taa yua!

Jeremi 18:11

Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 19:3

A baa yedi ba: «Juda diema badiba leni Jelusalema yaaba, cengi mani Li Miali Diedo Isalele Tienu, U Paaciamu Kuli Daano n yedi yaala: ‹N baa teni mi yebiadima n cua u naa kaanu, hali ke yua n gbadi li laabaalo kuli tuba n womi.›

Jeremi 23:12

Lani n teni ke bi sanu baa yaa ŋaligi ki go biigi. Bi baa ŋmadi ki baa. N yaa fii ki sedi bipo yaa binli, N baa teni mi yebiadima n ŋma ba. Mini Li Miali Diedo n yedi yeni.›

Jeremi 25:35

Wuonkaanu kan go yaa ye bi yankpaaba po! Yaaba n kpaa ti yandi kan go yaa pia denkaanu.

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 36:31

N baa fii ki sedi fini leni a puoliŋuanu leni a naacenba po kelima bi tagili po. N baa teni min den waani ke yaa fala n baa cua, ke baa cengi yeni n baa Jelusalema leni Juda yaaba po.»

Jeremi 6:19

Ki tinga, cengi bonŋanla! Diidi, mini n teni ke mi yebiadima ŋma bi naa niba, Li tie bi yanjagibiada panpaani yo. Kelima baa soangi bi yama ki ga n maama, Bi fali n *balimaama mo.

Jeremi Bubula 2:22

Nani u badu daali yeni, A yini n yieninlieba min jie yaaba hali boncianla. Li Miali Diedo pabienli daali Kaa pia yua sani ki cia, Li kaa pia yua n sieni leni miali. Min den bua yaaba bonŋanla ki wubi ba yeni, N yibali buoni ba.

Esekieli 14:3

«O ja na, yaa jaba n tie na, tugi bi *buli bi pala nni, ki nan go biliti yaala n tie bi tantuudikaali bi nintuali ke li tulini ba. Bi tama ke n baa tuo ban bu nni bi?

Esekieli 7:5

O Diedo, Li Miali Diedo yedi mi ne: «Diidi! Fala nne! Yaa fala n ki pia lie, Wani n kpendi yeni.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Amosi 5:19

Li baa yaa naani leni yaa nilo n tiini o yangbanlo, Ki tuogi yaa fuayanbiadiga n yi ulisi, Bi wan sani ki pundi o deni ki ñii o nuu li goanli po, O wa mo n ñidi o.

Mise 3:4

Li tie lani yaa po ke yaa yogunu ke yi ti kpaani Ki miadi Li Miali Diedo wan faabi yi, O kan guani yi liba. O baa buli yi o nunga laa yogunu, Kelima yi soani yaa tuona n bia.»

Sakari 7:13

ke n den yedi: ‹Min den yedi ba ke ban tuo ki yaa ŋua nni, ke bi yie kaa cengi nni yeni, n den yie ke n kan guani bi miabu, ban den yi nni ke min todi ba yaa yogunu.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.

Hebilunba 1:3

Wani Bijua yeni n yadi U Tienu kpiagidi yendima. U Tienu n tie maama, o Bijua moko tie yeni cain. O go kubi mi tagima kuli ke mi ye kelima o maama paaciamu po. Wan den soani ti *tuonbiadi ŋuudi-ñanma tuonli ki dudi, o den kali hali tanpojoma, U Tienu yua n pia ti kpiagidi jienu po.