Jeremi 11:10 - Gourmanchéma Bible

¹⁰ Bi lebidi ki guani bi yaajanba *tuonbiadi kani. Bani yaaba n den yie ke bi kan cengi n maama, Ki ban ŋoadi butoe Ki baa kpiagidi yini yeni. Isalele diegu yaaba leni Juda diegu yaaba biidi, Min den kuani yaa ŋantaado leni bi baanba.»

U TIENU MAAMA TILI 2013

¹⁰ Bi lebidi ki guani bi yaajanba tuonbiadi nni, bani yaaba n den yie ke bi kan cengi n maama, ki ban ŋoadi bi nilanba tieni, ki baa yaa kpiagidi yini. Isidayeli leni Juda diema yaaba fidi, min den kuani yaa ŋantaado leni bi baanba.»

Jeremi 11:10 ပူးပေါင်းရင်းမြစ်များ

Pisomi 78:57

Bi den sani ki foagidi, Ki tua janbi danba nani bi baanba yeni. Baa den tiegi nani yaa dabanli yaa baabu n yoaligi yeni.

Esayi 24:5

Ki tinga niba n biidi ki tinga Kelima bi den yen miidi li *balimaama, Ki lebidi a ñoabonbilikaana, Ki fidi yaa *ŋantaado n tie yaa yogu n tu yaa yogu kuli po.

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 17:23

Ama yi baanba yeni naa den cengi, Baa diadi bi tubili, Bi juagi bi pala Kelima baa bua ki gbadi ki go ga mi bangima.»

Jeremi 22:9

Bi baa goa ki yedi biyaba: ‹Li tie kelima bi ŋa Li Miali Diedo bi Tienu n den kuani yaa *ŋantaado leni ba, ki gedi ki ban gbaani i *buli kani ki pugi i.› »

Jeremi 31:32

Li kan yaa tie nani min kuani yaa *ŋantaado leni bi yaajanba min den mubini bi nii ki dadi ki baa ñani ba Ejipiti diema nni yaa daali ka. Baa ke n tie bi canbaa, bi den fidi laa ŋantaado. Li Miali Diedo n yedi yeni.»

Jeremi 44:16

«Tii bua ki cengi yaa maama ke a yedi ti Li Miali Diedo yeli nni yeni.

Jeremi 44:5

Ama yi naa cengi, yi naa diadi yi tuba ki baa cengi, yi naa cedi ban den tieni nni yaa bonbiadila, yi naa ŋa dugibila padili i bulami po.

Jeremi 7:28

Lanwani ŋan yedi ba: ‹Bi naa niba n ki cengi Li Miali Diedo bi Tienu nialu. Baa bua tundi. I moamoani bodi, I ñani bi maama nni.

Jeremi 9:6

Lani n teni ke Li Miali Diedo U Paaciamu Kuli Daano yedi: «Diidi n baa teni ban nandi ba mi fantama nni, Min biigi ba. N baa tieni n niba lede?

Esekieli 16:59

Diidi mini o Diedo, Li Miali Diedo n yedi yaala: N baa soani a nani ŋan tie maama, fini yua n naa kubi li poli, ki fidi mini leni fini siiga ŋantaado mo.

Esekieli 44:7

Yi den kuani n kaangagidiŋamu nni yaa canba n tie jifola bi pala nni leni bi gbanandi po, ke bi *joagini n diegu. Yin den padi npo dupen leni ti yandi kpama leni mi soama yaa yogunu, yi den biidi yaa *ŋantaado n den luo mini leni yinba kelima yi cagindi po.

Esekieli 5:6

U niba yie ki naa tuo min den teni ba yaa *balimaama leni yaa ñoabona kuli, ki biagi ki cie yaa nibuoli leni yaa diema n gaani ki lindi ba, kelima bi ŋa ki luni min den bili bipo yaala. Bi naa go cuoni ki ŋua nni nani n ñoabona n bili maama.

Ose Tili 6:4

Ama U Tienu goa ki yedi: «Yinba Efilayima buolu yaaba leni Juda buolu yaaba, N baa tieni yi be? Yi buama npo tie Nani mi tiŋamanma yaama n yoagi tontoni.

Ose Tili 6:7

Ama yi den biidi o *ŋantaado nani bi nisaaliba n tieni maama, Lankane, yi janbi nni.

Ose Tili 7:16

Bi gbagidi ki nua ban baa baa mi todima naani Ama baa diidi mini yua n ye tanpoli. Bi tie nani li dabangolinli yene. Bi baa kpa bi yudanba leni mu jugisiemu kelima bi japaamaama po. Ejipiti yaaba baa taa la ki tieni li ñuali bonla.»

Levi 26:15

yi yaa ŋa n mabilikaama leni n ñoabonbilikaana, ki naa ŋoadi n balimaama, ki miidi n ŋantaado,

Sofoni 1:6

N baa bolini yaaba n lebidi ki ŋa mini Li Miali Diedo, Kaa lingi n todima, Kaa lingi n tundi.»

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Sakari 7:13

ke n den yedi: ‹Min den yedi ba ke ban tuo ki yaa ŋua nni, ke bi yie kaa cengi nni yeni, n den yie ke n kan guani bi miabu, ban den yi nni ke min todi ba yaa yogunu.

Mi Tiadima 31:16

Li Miali Diedo den yedi Musa: «Diidi a baa kpe. Bi naa niba baa ti faa ki ban cagini bi yula leni bi nilanba*buli, ban baa kua yaa nibuoli yaa siiga yeni. Bi baa ŋa nni ki go fidi min den kuani yaa *ŋantaado leni ba.

Mi Tiadima 9:7

Tiadi mani ki da sundi yin den bieni Li Miali Diedo yi Tienu pali mi fanpienma nni maama, ki cili yin ñani Ejipiti diema nni yaa daali ki taa ki pundi hali yin cua u naa kaanu yaa daali. Yi den fiindi mi yiema Li Miali Diedo po.

Hebilunba 8:9

O kan yaa tie nani min den kuani Yaa ŋantaado leni bi yaajanba, Min den cuo bi nii ki dadi Ki ñani ba Ejipiti diema nni yaa daali. Kelima baa den tuo ki kubi n ŋantaado. Lanwani mini mo ki go den yagi n yama bipo. O Diedo n yedi yeni.»

Bi Bujiaba 2:11

Lani, Isalele yaaba den tieni yaala n ki mani Li Miali Diedo ki ŋoadi yaa buli n yi *Baali.

Bi Bujiaba 2:17

Ama baa den cengi bi gobidikaaba yeni, bi den ŋa U Tienu ki ŋoadi i buli ki padi yini. Bi den yaadi tontoni ki ŋa bi yaajanba yaaba n den tuo ki tiendi Li Miali Diedo ñoabona n den ŋua yaa sanu. Baa den tuo ki ŋua Li Miali Diedo ñoabona nani bi yaajanba n den tuo ki ŋua maama.

Bi Bujiaba 2:19

Ama o gobidika yeni yaa ti kpe, se ban goa ki biagi ki cie bi yaajanba, ki ŋa Li Miali Diedo ki ŋoadi i buli ki yaa padi yini. Bi den yen suagi liiga leni laa tagu leni laa pajuaga.

1 Samueli 15:11

«N lebidi, mii go bua ke n bi dini Sayula li bali, kelima o lebidi kaa go ŋua nni, waa tieni min puogi o yaala.» Samueli pali den fii. O den mua ki miadi Li Miali Diedo laa ñiagu kuli.