Jeremi 10:6 - Gourmanchéma Bible

⁶ Oba kuli ki naani leni a, Li Miali Diedo A yaba, a yeli moko yaba ki go pia u paaciamu

U TIENU MAAMA TILI 2013

⁶ Oba kuli ki naani leni a, o Diedo A yabi, a yeli moko yabi ki go pia u paalu.

Jeremi 10:6 ပူးပေါင်းရင်းမြစ်များ

2 Samueli 7:22

A kpiagi hali moamoani, Li Miali Diedo U Tienu pia ti kpiagidi hali boncianla, oba kuli ki naani leni a. Nani tin ko li gba maama, tientoa kuli ki ye, se fini.

1 Bi Badiba Jama 16:25

Kelima Li Miali Diedo yaba ki pundi ki baa ti pagidi, O pia i jeje ki cie i *buli kuli.

Nehemi 4:14

Bi yaa pua li toagangaali, yin taani mani tikani yin gbadi ke bi pua naanpo. Ti Tienu baa koani tipo.»

Nehemi 9:32

U Tienu, ti Tienu, fini yua n yaba ki pia u paaciamu leni i jeje, Fini yua n kubi ŋan den kuani yaa *ŋantaado Leni ti ki gba mi niñima, Ŋan da fali tin laa yaa fala kuli, Tinba leni ti batieba leni ti yudanba leni ti kopadicianba Leni ti sawalipuaba leni ti yaajanba leni a niba kuli, Ki cili Asili batieba yogunu Ki taa ki pundi hali dinla.

Pisomi 145:3

Li Miali Diedo yaba ki pundi ki baa ti pagidi. O yabinu mo naa pia bandigbenma.

Pisomi 147:5

Ti Diedo yaba, o fidu mo yaba hali boncianla O yanfuoma mo ki pia bianu.

Pisomi 35:10

N baa yedi leni n pali kuli: Li Miali Diedo, ŋme n baa fidi nani fini yeni Ki faabi o niñinnilo yua n paani o nuu nni? Ŋme n baa fidi ki faabi o niñinnilo Leni o luodo yua n kpabidi ba nuu nni?

Pisomi 48:1

Kole buolu yaaba yanbu.

Pisomi 96:4

Kelima Li Miali Diedo yaba ki pundi ki baa ti pagidi. O pia i jeje ki cie i *buli kuli.

Mi Ñama 15:11

O, Li Miali Diedo, o laa *bulo n baa fidi Ki niagi leni a i buli kuli siiga? Ŋme ye ki naani leni fini yua yaa gagidiŋanma n kaa pia lie? Li pundi ban jie ŋa ki go pagi fini yua n tiendi mi bancianma.

Mi Ñama 8:10

Bi den dogini ba tina tina kaani coacoali ke bi nuulu yadi mi diema nni kuli.

Mi Ñama 9:14

Kelima moala wani, n baa soani n falaciami kuli fini leni a naacenba leni a niba kuli po ke ŋan bandi ke oba kuli naa ye, yua n naani leni nni ki tinga nni kuli.

Esayi 12:6

Kpaani ki doagidi a pamanli fini yua n ye Siyono nni, Kelima Isalele Tienu wani Yua n Gagidi ki ŋani yeni yaba boncianla. O ye o niba siiga mo.

Esayi 40:18

Yi bua ki boagini U Tienu leni ŋme? Yi baa nandi o leni be?

Esayi 40:25

U Tienu yedi: «Yi boagindi nni leni ŋme, Ke n baa naani leni o?» Yua n Gagidi ki ŋani n yedi yeni.

Esayi 46:5

Yi boagindi nni leni ŋme Ke mini leni wani n yaa de? Yi baa nandi nni leni ŋme Ke mini leni wani n fidi ki yaa naani?

Esayi 46:9

Tiadi mani hali yogu yaala n den kpa tieni Kelima mini n tie U Tienu Toa ki ye, N tie U Tienu Liba mo ki naani leni nni.

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 32:18

A tiendi mi ŋanma hali nifiima tudili po. Bi bidanba tagili panpaani, a teni ke li nandi bi bila yaaba n ŋua bi puoli po. A tie U Tienu yua n yaba, yua tie U Paaciamu Kuli Daano.

Danieli 4:3

N den teni ke bi yini Babilona ñoagidanba kuli ke ban cua n kani ki bundi npo ti dangidi yeni.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

1 Korenti 8:6

Ama tinba yaa po wani Tienyendu bebe n ye, yua n tie Baa. O den tagi li bonla kuli, tinba mo ye o yaa po. Diediyendo bebe moko n ye, Jesu Kilisiti, li bonla kuli den tagi kelima o yaa po, ti moko ye kelima wani yaa po.

Mi Tiadima 32:31

Kelima bi yaa tanciangu naa tie nani ti yaa Tanciangu yeni ka, Baa ti yibalinba bani ke li tie yene.

Mi Tiadima 33:26

Yesuluna Tienu, oba kuli ki naani leni o, O yen jagi ti tawadi po ki kpendi ki baa todi yi.