Jeremi 10:5 - Gourmanchéma Bible

⁵ Laa *buli tie nani a bunbungbenga yeni Baa maadi, Se bi tugi ba lani yaaka bi kan fidi yaagi taali. Da jie ba mani, Kelima bi kan fidi ki tieni bonbiadiliba kuli. Nani ban kan fidi ki ŋanbi liba mo maama yeni.»

U TIENU MAAMA TILI 2013

⁵ Laa buli tie nani a bunbungbenga yene. Baa maadi. Se bi tugi ba, Lani yaa ka bi kan fidi ki yaagi taali. Da jie ba mani, Kelima bi kan fidi ki tieni bonbiadiliba kuli, Nani ban kan fidi ki ŋanbi liba mo maama yeni.»

Jeremi 10:5 ပူးပေါင်းရင်းမြစ်များ

1 Bi Badiba 18:26

Bi den taa ban teni ba yaa naatonli, ki ŋanbi li, ki cili ku tiŋaagu ki miadi Baali ki ban pundi hali u yensiinu ki tua: «Baali, ga tipo ti miabu.» Ama baa den gbadi liba, baa den gbadi sagimuba kuli. Bi den jeli ki lindi ban den maa yaa padibinbinli.

2 Bi Badiba Jama 25:15

Lanwani Li Miali Diedo pali den fii Amatisia po ke o den soani o kani o sawalipualo ke o yedi o: «Be yaa po ke a jigidi ki ŋoadi yaa buli n ki fidi ki faabi i danba a nuu nni?»

Esayi 16:12

Moabi cua yaa *padibinbinli n ye a juana po ki coagi. O cua wan gagidi yaa kaanu kani ki baa jaandi, Ama o kan ŋmani yanbu.

Esayi 45:20

Yin taani ki cua mani nne Taani ki nagini mani I nibuoli siiga yaaba n cia Yaaba n tugi bi bulo daagu yeni. Baa bani bonliba kuli Ki nan miadi o bulo Yua n kan fidi ki ga ba.

Esayi 46:1

O *bulo Beli gbaani, O bulo Nebo mo buani Bi taa bi nannana ki tuni a ti yandi. Yin li duondi yaaba yeni, Bi di tugi bane Ke bi tua tugikpiagili yaa yanga n coagi po.

Esayi 46:7

Bi yen bugi o bi boacaba po Ki tugi o ki ban bili o wan baa ye naani. O kan fidi ki ŋmiagi o kaanu. Bi yaa yi o, O kan fidi ki tuo O kan ñani oba kuli li paboanli nni.

Jeremi 10:14

Ja kuli banma yen ti teni wan tua yanpiidaano. I fe n cuo yaaba n tuuni leni wula ban tagi yaa buli po Kelima bi buli yeni tie fanma bebe Baa pia fuoma bi niinni.

Habakuki 2:19

Fala n baa yi, Yinba yaaba n maadi leni ku daagu ki tua: ‹Fundi,› Ki tua li tanli lini yaali n kan fidi ki maadi mo: ‹Fii ki sedi,› O bulo baa fidi ki doagidi yipo be? Baa ke yi tabini o wula leni ŋanjilifa, o naa fo.

1 Korenti 12:2

Yi bani ke yin den tie nilanba yaa yogunu, yi den tuodi ke bi dia ki caani yi i buli yi n ki maadi po.

1 Korenti 8:4

To, moala n baa maadi ti padinandi maama. Ti bani ke *bulo naa ye ŋanduna nni se U Tienu yendo bebe n ye.

Mi Tiadima 4:28

Lanpo yo ke yi baa kpiagi i buli, yi n tie o nisaalo n tagi yaala, ke li tie daadi, tana, yaala n kan fidi ki le, ki kan fidi ki gbadi nuuluba.