Jeremi 10:2 - Gourmanchéma Bible

² Li Miali Diedo yedi nanda: «Da togidi mani i nibuoli bontienkaala, Da teni mani yaa sinankeeninba n tiendi tanpoli n jieni yi. Kelima yaa nibuoli n sieni n baa jie laa bonla.

U TIENU MAAMA TILI 2013

² O Diedo yedi nanda: «Da togidi mani i nibuoli bontienkaala, Da teni mani yaa sinankeeninba N tiendi tanpoli n jieni yi, Kelima yaa nibuoli n sieni n baa yaa jie laa bonla.

Jeremi 10:2 ပူးပေါင်းရင်းမြစ်များ

Mi cilima 1:14

U Tienu den yedi: «Mi yenma buoli n yendi ki yaa ye tanpoli yaa fanma nni ki paadi u yensiinu leni ku ñiagu ki yaa tie sinankeeninba ki waani i yogini leni a dana leni a bina.

Jeremi 10:1

Cengi mani Li Miali Diedo n pia yaa maama ki baa maadi leni Isalele yaaba!

Esekieli 20:32

Yin da tama ke yin kpaagi yaala yeni baa tieni daa. Yi tua: ‹Ti bua ki yaa tie nani nibuotoe yeni, nani dietoama yaa niba yene. Ti bua ki yaa kpiagidi i tiidi leni a tana.›

Levi 18:3

Yin da tieni mani yaala n tiedi Ejipiti diema nni, yin den ye naani. Yin da tieni yaala n tiedi Kanana diema nni min caani yi naani. Yin da ŋoadi bi tuada.

Levi 20:23

Yin da togidi min baa deli yaa nibuoli yi kani yeni tuada kelima bi den tiendi laa bonbuoli kuli. N yama ñani bi niinni.

Mi Tiadima 18:9

Li yaa tie ke yi kua Li Miali Diedo yi Tienu n puni yi yaa diema yeni niinni yaa yogunu, yin da lingi ke yi baa togidi yaa nibuoli n bi ye mi niinni tuongunda.

Bi Bujiaba 6:10

N den yedi yi ke n tie Li Miali Diedo yi Tienu, yin da ŋoadi yin ye Amola yaaba yaa diema nni *buli. Ama yii den tuo min yedi yaala.»